Ab'e Roma 7:11 - Baibuli Ekibono kya Katonda 2014

¹¹ Ekibi bwe kyabita mu kiragiro, kyanguyaguya kyandhita nga kikozesa ekiragiro ekyo.

Ab'e Roma 7:11 ပူးပေါင်းရင်းမြစ်များ

Amainhama 3:13

Musengwa Katonda yaabuuza omukazi ati: “Kiki kino ky'okoze?” Omukazi yairamu ati: “Omusota n'ogunkemenkereiza naalya.”

Isaia 44:20

Omuntu oyo ali ng'oti n'ole alya eivu. Aba yeerimbye era ng'adaaliimye, nga takaasobola kuwonia bulamu bwe, waire okwebuuzaaku mule ati: “Ekifaananie kye ngemye mu ngalo dhange ti kya buguya bwereere?”

Yeremia 17:9

“Naani asobola okutegeera omwoyo gw'omuntu? Ezira kirimbalimba nga gwene; mubi inho ebitaloodheka.

Yeremia 49:16

Okwekuluntaza kwo kukulimbye, era ghazira akutya kuba olowooza oti ekifo ky'olimu kyesigika inho, ng'oti n'ekifo ekigumu eky'okwewogomamu ekyabaadhibwa mu ibaale. Era weesigulira inho ku ky'amaka go okuba nga gali ghaigulu mu nsozi. Aye Musengwa Katonda oyo alikughanulayo yaakwisa ghansi. Musengwa Katonda mwene n'akobye.”

Obadia 1:3

Okwekuluntaza kwo kukulimbye, kuba odhuuba oti ekifo ky'olimu kyesigika inho ng'oti n'ekifo ekigumu eky'okwewogomamu ekyabaadhibwa mu ibaale. Era olw'okuba amaka go gali ghaigulu mu nsozi, okoba oti, ‘Naani alisobola okumpanula eno n'andhisa ghansi?’

Ab'e Roma 3:20

Mu maiso ga Katonda ghazira muntu ni bw'aba mulala ati alibalwa kuba mutuukirivu olw'okukola ebiri mu Mateeka, kuba ku Mateeka abantu kwe bamanhira nga boonooni.

Ab'e Roma 7:13

Olwo kino kitegeeza kiti ekikalamu n'ekyandeetera okufa? Busa naire. Aye ekibi n'ekyandeetera okufa nga kibita mu kikalamu, ekibi kisobole okweyoleka nga bwekiri ekibi era olw'ekiragiro, ekibi kyeyongere okulagira irala obubi bwakyo.

Ab'e Roma 7:8

Aye ekibi nga kibita mu kiragiro ekyo, kyandeetera okwegomba okubi okwa buli nsambo, kuba amateeka bwe gatabaagho ekibi kiba kifiire.

Ab'Efeso 4:22

Kale mwesambe obulamu obw'eira bwe mwalimu, obwayoneka n'okwegomba kwabwo okuguya.

Abaheburayi 3:13

Aye mulambaganenga buli lunaku, kasita luba nga lwetebwa “Olwaleero”, ghalobe kubaagho naire omulala ku imwe obuguya obw'ekibi ye bukalangusa omwoyo.

Yakobo 1:22

Mulobenga kwesubagha nga muwulira buwulire ekibono, aye mukolenga nga bwe kikoba.

Yakobo 1:26

Ole bw'alowooza ati aikiriza, aye n'atafuga lulimi lwe, yeesubagha era n'okwikiriza kwe muzira.