Ab'e Roma 6:6 - Baibuli Ekibono kya Katonda 2014

⁶ Twidhi ng'obulamu bwaife obw'eira bwakomererwa ghalala ni Kurisito ku musalaba, omubiri ogukola ebibi gusobole okuzikirizibwa, tulobe kwirayo kabiri kuba bairu ba kibi.

Ab'e Roma 6:6 ပူးပေါင်းရင်းမြစ်များ

2 Bakyabazinga 5:17

Agho Naamani yaakoba ati: “Oba olobye okutwala ekirabo, nkweghemba ompe eitaka erighanga okwetwikibwa enhumbu eibiri, nditwale ewaife, kuba okuva ni mpegaano, nze omugheereza wo tiidha kughangayo bigheebwayo byokebwa oba misengo eri musambwa waire omulala, okutoolaku eri Musengwa Katonda.

Isaia 26:13

Wo Musengwa Katonda waife, waire ng'abandi baatufugaku, aye niiwe wenka ye twidhi ng'Omufuzi waife.

Ab'e Roma 6:12

Kale ni timuganhanga kibi kufuga mu mibiri gyaimwe egifa, ni mugondera okwegomba kwagyo okubi.

Ab'e Roma 6:22

Aye mperaano mwava mu kibi mwafuuka abairu ba Katonda. Kino kibaleeteire okutukuzibwa n'okufuna obulamu obutawaagho.

Ab'e Roma 7:14

Twidhi nga Amateeka galigho ku lwa bya mwoyo, aye nze nfugibwa mubiri era ndi mwiru wa kibi.

Ab'e Roma 8:13

Kuba bwe mujiira ku mubiri bye gwenda, muja kufa, aye bwe mujiira ku bya Mwoyo n'abayamba okulekerayo irala ebikolwa byaimwe ebibi, muja kuba balamu.

2 Ab'e Korintho 5:14

Ife tufugibwa kugonza kwa Kurisito, era twidhi nga yafiirira boonaboona, ekikoba nti boonaboona bagabana ku kufa kwe.

Ab'e Galatia 2:20

era tiri mulamu ku bwange aye Kurisito n'omulamu mu nze. Obulamu buno bwe ndi nabwo mperaano mu mubiri, ndi nabwo lwa kwikiriza Mwana wa Katonda eyangonza n'aghaayo obulamu bwe ku lwange.

Ab'e Galatia 5:24

Era abo aba Kurisito Yesu, baakomerera ku musalaba omubiri gwaibwe, n'empisa dhaagwo n'amairu gaagwo.

Ab'e Galatia 6:14

Aye nze neesuuta lwa musalaba gwa Musengwa waife Yesu Kurisito gwonka kuba ku musalaba okwo ensi ngibona nga kwe yakomererwa, yoona yambona nga kwe nakomererwa.

Ab'Efeso 4:22

Kale mwesambe obulamu obw'eira bwe mwalimu, obwayoneka n'okwegomba kwabwo okuguya.

Ab'e Kolosai 3:5

Kale mwite okwegomba okubi okuli mu imwe: obwenzi obudankaanu, okwegomba okw'ensoni, okuwugaawugana, obutaiguta, kuba kino kiri ng'oti kusinza ebitali Katonda.

Tito 3:3

kuba twena eira twali basiru era abadheemu, nga twadaaliima era nga tufugibwa okwegomba kwaife n'amasanhu aga buli nsambo. Twali ba itima era ab'ensaalwa, ng'abantu batukyagha era nga tukyagha abantu boonaboona.