Ab'e Roma 6:16 - Baibuli Ekibono kya Katonda 2014

¹⁶ Timwidhi nga bwe mweghaayo ng'abairu abawulize, muba bairu b'ekyo kye mugondera? Bwe mutaba bairu ba kibi ekireeta okufa, muba bairu ba buwulize obubaleetera okuba abatuukirivu ye Katonda.

Ab'e Roma 6:16 ပူးပေါင်းရင်းမြစ်များ

Amainhama 4:7

Bw'oba ng'okoze ekituufu tosiimibwa? Aye nga bw'okoze obubi, ekibi kikuteegereire ku lwigi nga kyenda okukufuga. Aye oteekwa okukighangula.”

Matayo 20:4

Era abo yaabakoba ati: Mwena muje mu isamba lyange ery'emizabbibu, ndidha kubagha ekyo ekinaabagwanira.”

Matayo 6:24

“Ghazira asobola kugheereza basengwa babiri kuba, oba alikyagha mulala yaayenda owundi, oba aligumira ku mulala yaasambaadha owundi. Timusobola kugheereza Katonda ate na bya bufuni.

Yoanne 8:34

Yesu yaabairamu ati: “Bwenebwene ka mbakobere, kiisi akola kibi, aba mugheereza wa kibi.

Ab'e Roma 11:2

Katonda taziranga bantu be abo be yamanha eira. Mwidhi ebyaghandiikibwa bwe byogera ku Eliya bwe yasaba Katonda olwa Isiraeli ati:

Ab'e Roma 12:1

Kale ni aboluganda mbeeghemba olw'ekisa kya Katonda, mwegheeyo ng'omusengo omulamu omutukuvu era ogwikirizibwa Katonda. Okwo n'okumusinza okw'amazima.

Ab'e Roma 6:17

Aye Katonda yeekaza, kuba mwali nga muli bairu ba kibi, aye mwaganha n'omwoyo gwaimwe gwonagwona ebyo ebyali mu kwegeresebwa kwe mwagheebwa.

1 Ab'e Korintho 3:16

Timwidhi nga muli isinzizo lya Katonda, era nga Mwoyo wa Katonda aba mu imwe?

1 Ab'e Korintho 5:6

Timuli batuufu okwetwala okuba aba ghaigulu. Timwidhi ng'ekizimbulukusa ekitono kizimbulukusa engaano yoonayoona mwe kiteereibwa?

1 Ab'e Korintho 6:2

Timwidhi ng'abantu ba Katonda n'abalisalira ensi omusango? Kale oba nga niimwe abalisalira ensi omusango, timusobola kusala busango butono obwo?

1 Ab'e Korintho 6:3

Timwidhi nga niife abaja okusalira bamalaika omusango? Memale tulemwa tutya okusala emisango egy'omu bulamu buno?

1 Ab'e Korintho 6:9

Timwidhi ng'abakozi b'ebibi tibalingira mu Bwakyabazinga bwa Katonda? Mulobe kwerimba ghazira badankaanu, waire abasinza ebitali Katonda, waire abenzi, waire abatamiivu, waire abasaadha abadankaana ni basaadha banaibwe, oba abakazi abadankaana ni bakazi banaibwe, abalingira mu Bwakyabazinga bwa Katonda.

1 Ab'e Korintho 9:13

Timwidhi ng'abo abakola mu isinzizo balya ku bya mu ndhu ya Katonda, era n'abo abagheereza ku alutaari ya Katonda bafuna omugabo gwaibwe okuva ku bigheebwayo ku alutaari?

1 Ab'e Korintho 9:24

Bwenebwene mukiidhi ng'ababa mu ntaka edh'okulumuka baba kamaala, aye aghangula ekirabo aba mulala. Kale mulumuke mu nsambo ebasobozesa okughangula ekirabo.

Yoshua 24:15

Aye oba nga timuli beetegefu kugheereza Musengwa Katonda, musalegho olwaleero luno ye munaagheerezanga: oba musalagho kugheereza bakatonda badhaadha baimwe be baasinzanga nga bakaali eruuyi ere ng'osomoike omwiga, oba bakatonda ab'Abamori abaali beene kiketezo kino buti ghe muli. Aye nze ku lwange n'ab'endhu yange twidha kugheerezanga Musengwa Katonda.”

2 Petero 2:19

Babasuubiza eidembe ate nga beene bairu ba kibi kuba kiisi muntu aba mwiru w'ekyo ekimughangula.