Ab'e Roma 5:21 - Baibuli Ekibono kya Katonda 2014

²¹ Kale ng'ekibi bwe kyafugira mu kufa, n'ekisa kya Katonda kityo bwe kyafugira mu butuufu, okutuusa ku bulamu obutawaagho, ku lwa Yesu Kurisito Musengwa waife.

Ab'e Roma 5:21 ပူးပေါင်းရင်းမြစ်များ

Matayo 25:46

Ng'olwo bano baja ku kibonerezo ekitawaagho, aye abatuufu nga baja mu bulamu obutawaagho.”

Yoanne 1:14

Kibono yaafuuka omuntu yaaba mu ife ng'aidhwire ekisa n'amazima. Twabona ekitiisa kye, ekitiisa ng'eky'Omwana wa Lata omulala bedengedenge.

Yoanne 10:28

Ndhigha obulamu obutawaagho era tidhirifa. Ghazira muntu yeenayeena asobola kudhinswankulaku.

Ab'e Roma 4:13

Katonda yasuubiza Aburahamu n'eizaire lye okubagha ensi. Ekisuubizo kino kyagheebwa Aburahamu ti lwa kuba nga yali agema Amateeka, aye olw'okwikiriza, Katonda yamubala okuba omutuukirivu.

Ab'e Roma 5:12

Ng'ekibi bwe kyaidha mu nsi olw'omuntu omulala ni kireeta okufa, okufa kwabuna abantu boonaboona kuba baayonoona.

Ab'e Roma 5:14

Aye okuviira irala ku Adamu okutuukiza irala ku Musa, okufa kwafuga abantu boonaboona ng'omwo mw'otwaliire abataayonoona ng'oti ni Adamu eyadheemera Katonda. Adamu yali afaananaku n'oyo eyali aja okwidha.

Ab'e Roma 5:17

Oba nga olw'ekibi eky'omuntu omulala, okufa kwaligho nga kufuga olw'omuntu oyo omulala, memale abo abafuna okusaasirwa kwa Katonda okungi einho n'ekirabo eky'obutuukirivu, tibalisingagho inho okufugira mu bulamu, olw'omuntu omulala Yesu Kurisito?

Ab'e Roma 6:12

Kale ni timuganhanga kibi kufuga mu mibiri gyaimwe egifa, ni mugondera okwegomba kwagyo okubi.

Ab'e Roma 6:14

Ekibi kitairangayo kubafuga, kuba Amateeka ti n'agabafuga, aye ekisa kya Katonda.

Ab'e Roma 6:16

Timwidhi nga bwe mweghaayo ng'abairu abawulize, muba bairu b'ekyo kye mugondera? Bwe mutaba bairu ba kibi ekireeta okufa, muba bairu ba buwulize obubaleetera okuba abatuukirivu ye Katonda.

Ab'e Roma 6:23

Empeera y'ekibi kufa, aye ekirabo kya Katonda n'obulamu obutawaagho bwe tufuna mu Kurisito Yesu Musengwa waife.

Ab'e Roma 8:10

Aye oba nga Kurisito ali mu imwe, emibiri gyaimwe ni bwe gifa olw'ekibi, emyoyo gyaimwe gisigala nga miramu kuba Katonda yabatukuza ni Mwoyo.

Tito 2:11

Kuba ekisa kya Katonda kiboneike, abantu boonaboona baghange okulokoka.

Abaheburayi 4:16

Kale ni tuseete kumpi n'ekityamo eky'ekisa kya Katonda nga tuli bagumu, memale atusaasire era atugemerwe ekisa kiisi lwe tuba nga twetaaga okubeerwa.

1 Petero 5:10

Aye olumaliira olw'okudaazibwadaazibwa akaseera akatono, Katonda ow'ekisa ekitakoma eyabeeta mube mu kitiisa kye ekitawaagho mu Kurisito, alibagoloza, yaabagha amaani era yaabagumya.

2 Petero 1:1

Ninze Simoni Petero omugheereza era omutume wa Yesu Kurisito. Mpandiikira abo abaafuna okwikiriza okuli ng'oti n'okwaife, olw'obutuufu bwa Katonda waife era Omulokozi waife Yesu Kurisito.

1 Yoanne 2:25

Era ekisuubizo kye yatusuubiza, n'obulamu obutawaagho.