Ab'e Roma 5:20 - Baibuli Ekibono kya Katonda 2014

²⁰ Amateeka gaidha ekibi kyeyongere. Aye ekibi ye kyakoma okweyongera, n'ekisa kya Katonda ye kyakoma okweyongera.

Ab'e Roma 5:20 ပူးပေါင်းရင်းမြစ်များ

Zabbuli 25:11

Wo Musengwa Katonda, ku lw'obulungi obw'eriina lyo nsonigha ebibi byange, kuba biri kamaala inho.

Isaia 1:18

Musengwa Katonda akoba ati: “Kale ni mwidhe twogere ku bintu ebyo twisanie. Ebibi byaimwe ni bwe biba nga byabamyusa bwe myu myu myu, ndidha kubanaaza mutukule ng'oti mugozi; era ebibi ebyo ni bwe biba nga byabafuula ba kasaayisaayi omugemu, ndidha kubaamula mube beeru ng'oti n'enhonhi dhe beeta enhange.

Ezekieli 16:52

Mpegaano oli n'okugumira ensoni dho, kuba olw'okukola ebibi ebyenhinhalwa einho n'okusinga ebya baganda bo, oleeteire baganda bo abo okuba abalungi okukusinga. Kale ni swala era ofe ensoni, kuba niiwe mwene oleeteire baganda bo okuboneka ng'oti balungi.”

Okubala 21:9

Kale Musa yaakola omusota mu kyuma eky'ekikomo, yaagughanika ku mpango. Era buli muntu omusota ye gwamoodhanga, memale n'alinga ku ogwo ogw'ekikomo, ng'awona.

Matayo 20:9

Ab'esaawa eikumi nga n'endala baatuuka, baafuna dinari ndala buli muntu.

Matayo 9:13

Kale muje mwege amakulu ga kino, ‘Ekisa kye nhenda aye ti misengo.’ Tinaidha kweta batuufu, aye aboonooni.”

Luka 7:47

Kale ka nkukobere, ebibi bye kamaala bisoniyiibwa kuba alaze okugonza kunene. Ole asoniyibwa ebitono aba n'okugonza kutono.”

Yoanne 10:10

Omwibi taidhirira kindi okutoolaku okwiba, okwita n'okuzikiriza. Nze naidha dhibe n'obulamu ate nga bwa mwero.

Yoanne 15:22

Nguli tyaidha ni ndhogera nabo nguli bazira kibi, aye mperaano bazira kya kwegemya.

Ab'e Roma 4:15

Amateeka galeeta obusungu bwa Katonda, aye aghazira Mateeka, tighaba kwonoona.

Ab'e Roma 6:1

Kale tunaakoba tutya? Tweyongere okukola ebibi memale ekisa kya Katonda kyeyongere?

Ab'e Roma 6:14

Ekibi kitairangayo kubafuga, kuba Amateeka ti n'agabafuga, aye ekisa kya Katonda.