Ab'e Roma 5:1 - Baibuli Ekibono kya Katonda 2014

¹ Kale oba nga mu maiso ga Katonda tubalibwa okuba abatuukirivu lwa kwikiriza, tuba n'emiraala ku lwa Musengwa waife Yesu Kurisito.

Ab'e Roma 5:1 ပူးပေါင်းရင်းမြစ်များ

Yobu 21:21

Kuba bwe bamala okufa baba bakaafaayo ki ku bituuka ku b'omu maka gaibwe?

Zabbuli 122:6

Musabire Yerusalemu kibenga miraala nga mukoba muti: “Abo abakugonza ka babenga n'enkabi.

Isaia 27:5

Aye oba nga abazigu b'abantu bange benda nze okubakuuma, baidhe batabagane ninze. Batyo bwe babe bakole: baidhe batabagane ninze.”

Isaia 32:17

Era olw'abantu okukola ebituufu kirireetera ensi eno okubaamu emiraala, era kyagiviiramu okuba n'obutebenkevu, n'obwesige, ebyanda n'ebyanda.

Isaia 54:13

Nze Musengwa Katonda mwene ninze ndyegeresa abantu bo, naabaleetera ebintu okubajiiranga obukalamu nga bali mu miraala.

Isaia 55:12

Muliva mu Babiloni nga muli basangaavu; mwavaayo mwatwalibwa nga muli mu miraala. Ensozi n'obusozi biritimbuka byayemba, n'emiti gyonagyona gyasangaala gyakuba mu ngalo.

Habakkuku 2:4

Buno ni, n'obukwenda bw'obe oghandiike, oti, ‘Abo boonaboona abatali beesimbu, ba kufa. Aye abo abatuufu baidha kuba balamu olw'obwesige bwaibwe ye ndi.’ ”

Zekaria 6:13

Oyo n'alizimba eisinzizo eryo, era oyo ye baligha ekitiisa eky'obwakyabazinga, yaaba mufuzi. Ghalibaagho kabona alibanga agho okumpi n'ekityamo kye eky'obwakyabazinga, nga bombi bategeeragana mu miraala.’

Luka 19:38

Baakoba bati: “Wa nkabi kyabazinga oyo aidha mu liina lya Musengwa! Emiraala gibe mu igulu n'ekitiisa kibe eyo ghaigulu yeene.”

Luka 19:42

Yaakoba ati: “Nguli wamanha waire olwaleero luno ebireeta emiraala! Aye mperaano bya kwegisaaku

Luka 2:14

“Ekitiisa kibe ye Katonda eyo ghaigulu yeene, n'emiraala gibe ku nsi ku bantu be b'agonza.”

Yoanne 14:27

“Mbalekeire emiraala, emiraala gyange gyene gye mbaghaire ate tigibaghaire ng'ensi bw'egigaba. Muteeraliikirira mu myoyo gyaimwe waire okutya.

Yoanne 16:33

Bino mbibakobeire mube miraala mu nze. Mu nsi muno mwidha kufuna ebizibu aye mugumenga, nze mpangwire ensi.”

Yoanne 20:31

Aye bino byaghandiikibwa ku lwaimwe, mwikirize nga Yesu ni Kurisito, Omwana wa Katonda, era olw'okwikiriza okwo, mufune obulamu mu liina lye.

Yoanne 5:24

“Bwenebwene mbakobera nti: Kiisi awulira kibono kyange n'aikiriza oyo eyantuma, ali n'obulamu obutawaagho era taja kusalirwa musango, aba amaze okusomoka okuva mu kufa okungira mu bulamu.

Ebikolwa by'Abatume 10:36

Katonda yagha abantu ba Isiraeli ekibono ng'abakobera Amawulire Amalungi agaleeta emiraala ng'abita mu Yesu Kurisito. Oyo ni Musengwa ow'abantu boonaboona.

Ab'e Roma 1:17

Kuba mu Mawulire ago obutuufu bwa Katonda mwe bubonekera. Obutuufu obwo Katonda abutugha lwa kwikiriza, era butoolerera mu kwikiriza bweyongerera mu kwikiriza. Era nga bwekyaghandiikibwa kiti: “Omutuufu anaabanga mulamu lwa kwikiriza.”

Ab'e Roma 1:7

Kale ni mbaghandiikira imwe mwenamwena ab'e Roma, Katonda b'agonza era be yayeta okuba abantu be. Katonda Iseife ni Musengwa waife Yesu Kurisito abaghe enkabi n'emiraala.

Ab'e Roma 10:10

Kuba omuntu aikiriza na mwoyo gwe okugheebwa obutuukirivu, era ayatula na munwa gwe okulokoka.

Ab'e Roma 10:15

Era balikoberwa batya, nga ghazira batumiibwa? Nga bwe kyaghandiikibwa kiti: “Okwidha kw'abo abaleeta Amawulire Amalungi nga kusangaaza!”

Ab'e Roma 14:17

kuba Obwakyabazinga bwa Katonda tibuva mu kulya na kunhwa, aye buva mu butuufu, mu miraala na mu kusangaala, Mwoyo Mutukuvu by'atugha.

Ab'e Roma 15:13

Katonda, ensimuko ey'okusuubira, abaidhuze eisanhu n'emiraala olw'okumwikiriza, mughange okweyongeranga okuba n'eisuubi olw'amaani ga Mwoyo Mutukuvu.

Ab'e Roma 15:33

Katonda mwene kugaba miraala, abe n'imwe mwenamwena. Amiina.

Ab'e Roma 3:22

buno n'obutuukirivu Katonda bw'agha abantu boonaboona olw'okwikiriza Yesu Kurisito. Kuba mu boonaboona ghazira ndhawulo

Ab'e Roma 3:30

kuba Katonda mulala era Abayudaaya alibagha obutuukirivu ng'ajiira ku kwikiriza kwaibwe, n'abamaghanga agandi alibagha obutuukirivu lwa kwikiriza kwaibwe.

Ab'e Roma 4:5

Aye oyo atakola bwa bikolwa, aye n'aikiriza Katonda oyo atukuza aboonooni n'abafuula abatuukirivu, okwikiriza kwe okwo Katonda kw'asinziiraku okumufuula omutuukirivu.

Ab'e Roma 5:11

Aye ti ekyo kyonka, aye tusagambira mu Katonda ku lwa Musengwa waife Yesu Kurisito atusobozeisa okwisania ni Katonda.

Ab'e Roma 5:18

Kale ng'ekibi eky'omuntu omulala bwe kyasingisa abantu boonaboona omusango, mu nsambo n'endala ekikolwa eky'obutuufu ekyakolebwa omuntu omulala, kyaleetera abantu boonaboona okutoolebwaku omusango n'okugheebwa obulamu.

Ab'e Roma 6:23

Empeera y'ekibi kufa, aye ekirabo kya Katonda n'obulamu obutawaagho bwe tufuna mu Kurisito Yesu Musengwa waife.

Ab'e Roma 9:30

Kale tunaakoba tutya? Ka tukobe tuti abamaghanga agandi abataakolerera butuukirivu, baafuna obutuukirivu obuva mu kwikiriza.

Ab'e Galatia 2:16

Aye twidhi ng'omuntu abalibwa okuba omutuukirivu lwa kuba na kwikiriza mu Yesu Kurisito, aye ti lwa kukola nga Mateeka bwe galagira. N'ife twena twali n'okwikiriza mu Kurisito Yesu, olwo tubalibwe okuba abatuukirivu lwa kwikiriza Kurisito aye ti lwa kukola ng'Amateeka bwe galagira. Ghazira abalibwa kuba mutuukirivu lwa kukola ebyo amateeka bye galagira.

Ab'e Galatia 3:25

Aye nga mperaano okwikiriza bwe kwaidha, titukaakuumibwa mukuza.

Ab'e Galatia 5:22

Aye Mwoyo aleeta kugonzania, kusagamba, kwisania, kuguminkiriza, kisa, kubisa bandi bukalamu, kwesigibwa,

Ab'Efeso 2:7

Yakola ekyo okutwoleka mu byanda ebija okwidha ekisa kye ekitakeruka eri ife, ng'abita mu Kurisito Yesu.

Ab'e Filippi 3:9

olwo nsobole okumweyimbiraku irala. Tikaali na butuufu bwange ku bwange obuva mu kugema amateeka. Mperaano ndi n'obutuufu obuva mu kwikiriza Kurisito, obutuufu obuva ye Katonda era obuva mu kwikiriza.

Ab'e Kolosai 1:20

era abite mu oyo okwiza ebintu byonabyona y'ali ka bibe ebiri mu igulu oba ebiri ku nsi. Katonda atyo bwe yaleeta emiraala ng'abita mu kufa kw'Omwana we ku musalaba.

Ab'e Kolosai 3:15

Era emiraala gya Kurisito Katonda, gye yabeetera okuba aghalala ng'ebitundu eby'omubiri omulala, gifuge emyoyo gyaimwe. Ate era mwoleke okusiima kwaimwe.

1 Ab'e Thessalonika 5:23

Tusaba Katonda mwene kutugha miraala, abatukuze mwene mu bwidhuvu era akuume emyoyo n'emibiri gyaimwe nga mikalamu. Mubuleku omusango gwonagwona Musengwa waife Yesu Kurisito lw'aliira.

2 Ab'e Thessalonika 3:16

Musengwa omugabi w'emiraala, mwene abaghenga emiraala buliidho era ni mu buli nsambo. Musengwa abenga n'imwe mwenamwena.

Abaheburayi 13:20

Nsaba Katonda ow'emiraala, eyazuukiza Musengwa waife Yesu, eyafuuka Omwayi w'entaama omukulu, olw'okuyugha omusaayi gwe ogwataagho endagaano etawaagho,