Ab'e Roma 4:16 - Baibuli Ekibono kya Katonda 2014

¹⁶ Kale ni ebyo Katonda bye yasuubiza byesigaime ku kwikiriza, bisobole okubonekera irala nga byali kirabo bulabo Katonda kye yagha obughe eizaire lya Aburahamu lyonalyona. Ekirabo kino ti ky'abo bonka abagema Amateeka, aye n'abo boonaboona abali n'okwikiriza nga Aburahamu kwe yali nakwo. Kuba Aburahamu ni dhaadha waife abaikiriza twenatwena

Ab'e Roma 4:16 ပူးပေါင်းရင်းမြစ်များ

Isaia 51:2

Mulowooze ku Aburahamu ni Sara, badhaadha baimwe abo imwe mwe mwasimuka. Ghe nayetera Aburahamu oyo yali aziraku mwana, naamugha enkabi yaazaala abaana, naamuleetera okuba n'abaidhukulu kamaala.

Luka 19:9

Yesu yaamukoba ati: “Olwaleero okulokoka kutuuse ku ndhu eno, kuba ono yeena mwidhukulu wa Aburahamu.

Ab'e Roma 15:8

Ka mbakobere, Kurisito yafuuka omugheereza w'abayudaaya, ayoleke nga Katonda bw'ali omwesigwa, era atuukirize ebisuubizo Katonda bye yasuubiza badhaadha baife,

Ab'e Roma 3:22

buno n'obutuukirivu Katonda bw'agha abantu boonaboona olw'okwikiriza Yesu Kurisito. Kuba mu boonaboona ghazira ndhawulo

Ab'e Roma 3:30

kuba Katonda mulala era Abayudaaya alibagha obutuukirivu ng'ajiira ku kwikiriza kwaibwe, n'abamaghanga agandi alibagha obutuukirivu lwa kwikiriza kwaibwe.

Ab'e Roma 4:11

Olumaliira yakeketebwa, okukeketebwa kwe kaaba akamanhiso akakakasa obutuukirivu, bwe yagheebwa olw'okwikiriza kwe, ng'akaali kukeketebwa memale yaaba dhaadha w'abo boonaboona abaikiriza Katonda, ababalibwa okuba abatuukirivu ni bwe baba nga ti bakekete.

Ab'e Roma 5:1

Kale oba nga mu maiso ga Katonda tubalibwa okuba abatuukirivu lwa kwikiriza, tuba n'emiraala ku lwa Musengwa waife Yesu Kurisito.

Ab'e Roma 9:8

Kino kitegeeza nti abaana abazaalibwa mu mubiri ti n'abaana ba Katonda, aye abo abazaalibwa olw'okusuubiza kwa Katonda n'abatwalibwa okuba baidhukulu ba Aburahamu abatuufu.

Ab'e Galatia 3:14

Kurisito yakola atyo, olw'omukisa Katonda gwe yasuubiza Aburahamu gugheebwe n'abamaghanga agandi mu Kurisito Yesu, era olw'okwikiriza tusobole okufuna Mwoyo Katonda ye yasuubiza.

Ab'e Galatia 3:16

Ebisuubizo byasuubizibwa Aburahamu ni mwidhukulu we. Ebyaghandiikibwa tibikoba “baidhukulu” ekitegeeza abantu abangi, aye “mwidhukulu” ekitegeeza omuntu omulala yenka era nga ni Kurisito.

Ab'e Galatia 3:22

Aye ng'ebyaghandiikibwa bwe bikoba, ensi yoonayoona esibiibwa mu maani ag'ekibi, olwo ekirabo ekyasuubizibwa olw'okwikiriza mu Yesu Kurisito kibe nga kigheebwa abo abaikiriza.

Ab'Efeso 2:5

waire twali tufiiriire mu bibi byaife, yatwizaamu obulamu ghalala ni Kurisito. Mwalokolebwa lwa kisa kya Katonda.

Ab'Efeso 2:8

Mwalokolebwa lwa kisa kya Katonda mu kwikiriza tikyava mu maani gaimwe, aye kyali kirabo kya Katonda.

Tito 3:7

Ekyo yakikola okutugheesa obutuukirivu olw'ekisa kye, tusuubire okugheebwa obulamu obutawaagho.

2 Petero 1:10

Kale ni aboluganda, mufubenga inho okwekalangulira ku kwetebwa Katonda kwe yabeetamu n'okulondebwa kwe yabalondamu, birobe kukyukamu. Bwe mukola mutyo timuja kugwa