Ab'e Roma 4:14 - Baibuli Ekibono kya Katonda 2014

¹⁴ Kuba nguli abo abagema Amateeka n'abagheebwa ebyo Katonda bye yasuubiza bonka, okwikiriza kwandibaire kwa busa, n'ebyo Katonda bye yasuubiza tibyandigasiisa.

Ab'e Roma 4:14 ပူးပေါင်းရင်းမြစ်များ

Zabbuli 119:126

Wo Musengwa Katonda, ekiseera kituuse obeeku ni ky'okola, kuba abantu bamenha amateeka go.

Isaia 55:11

Kale ni, n'ekibono kye ndhogera kityo bwe kinaabanga. Tikiirenga ye ndi nga kiri makaya, aye kiidha kukolanga ebyo bye nhenda, kituukirizenga bukalamu bye nnaabanga nkitumye.

Yeremia 19:7

Mu kifo ekyo mwe nditabuliratabulira entegeka dhoonadhoona edh'abantu b'omu Buyudaaya n'ab'omu Yerusalemu. Ndireetera abazigu baibwe okubaghangula era baabaitira mu ntalo. Emirambo gyaibwe ndigigabula enhonhi n'ensolo edh'omu nsiko dhaagirya.

Okubala 30:12

Aye iba bw'anaabimuloberanga n'abisazaamu ku lunaku lw'abiwuliire, olwo byonabyona omukazi oyo bye yayogera eby'obweyamo bwe oba eby'ekirayiro kye yasuubiza okubaaku ekintu ky'aneerumyamu, binaabanga nga tibikaamufuga. Era Musengwa Katonda aidha kumusonighanga.

Okubala 30:15

Ate bw'anaamalanga n'abimenhagho nga ghabiseegho enaku bukyanga abiwulira, olwo mwene n'anaavunaanibwanga omusango gwa mukazi we ogw'obutabituukiriza.”

Ab'e Roma 3:31

Mperaano okwikiriza kitegeeza kudibya Mateeka? Busa naire, tugagumya bugumye.

Ab'e Roma 4:16

Kale ni ebyo Katonda bye yasuubiza byesigaime ku kwikiriza, bisobole okubonekera irala nga byali kirabo bulabo Katonda kye yagha obughe eizaire lya Aburahamu lyonalyona. Ekirabo kino ti ky'abo bonka abagema Amateeka, aye n'abo boonaboona abali n'okwikiriza nga Aburahamu kwe yali nakwo. Kuba Aburahamu ni dhaadha waife abaikiriza twenatwena

1 Ab'e Korintho 1:13

Obwo Kurisito ayawiirwayawiirwamu? Paulo n'eyabafiirira ku musalaba? Oba mwabatizibwa kuba beegeresebwa ba Paulo?

Ab'e Galatia 2:21

Tidibya kisa kya Katonda. Aye oba omuntu asobola okubalibwa okuba omutuukirivu olw'okugema Amateeka, olwo Kurisito aba yafiira busa.

Ab'e Galatia 5:4

Era abo ku imwe abenda okuba abatuukirivu olw'okutuukiriza Amateeka, mwekutwire ku Kurisito beene era muviire mu kisa kya Katonda.

Ab'e Filippi 3:9

olwo nsobole okumweyimbiraku irala. Tikaali na butuufu bwange ku bwange obuva mu kugema amateeka. Mperaano ndi n'obutuufu obuva mu kwikiriza Kurisito, obutuufu obuva ye Katonda era obuva mu kwikiriza.

Abaheburayi 7:19

kuba Amateeka ghazira kye gatuukiriza. Aye mperaano tuli n'eisuubi erisingaku obukalamu mwe tubita okuseeta ye Katonda.

Abaheburayi 7:28

Amateeka gataagho abantu mu bunafu bwaibwe okuba abakulu ba bakabona, aye ekibono eky'ekirayiro ekyaidha oluvainhuma ng'Amateeka galigho, kyataagho Mwana eyafuulibwa atuukiriire ebyanda n'ebyanda.