Ab'e Roma 4:11 - Baibuli Ekibono kya Katonda 2014

¹¹ Olumaliira yakeketebwa, okukeketebwa kwe kaaba akamanhiso akakakasa obutuukirivu, bwe yagheebwa olw'okwikiriza kwe, ng'akaali kukeketebwa memale yaaba dhaadha w'abo boonaboona abaikiriza Katonda, ababalibwa okuba abatuukirivu ni bwe baba nga ti bakekete.

Ab'e Roma 4:11 ပူးပေါင်းရင်းမြစ်များ

Amainhama 17:24

Aburahamu ghe baamukeketera yali ng'agheza emyaka kyenda na mwenda egy'obukulu

Zabbuli 47:9

Abafuga amaghanga beesoloza baaba ghalala n'abantu ba Katonda oyo Aburahamu y'asinza; kuba Katonda n'afuga abafuzi boonaboona ab'oku nsi era n'abaswikiriire.

Okuvaayo 12:13

Aye imwe, omusaayi gwe munaasiiga ku myango, n'akanaaba akamanhiso akooleka endhu dhe mulimu. Bwe nnaabonanga omusaayi, ndidha kubabitizanga. Era ezira kibamba kiribagwaku kubazikiriza lwe ndikuba Misiri.

Okuvaayo 31:13

“Koba abantu Abaisiraeli oti mukuzenga olunaku lwange olwa Sabbato, kuba n'akamanhiso ghagati ghange n'imwe, n'abaana baimwe, n'abaidhukulu ense n'ense olwo mughange okumanha nga nze Musengwa Katonda ninze mbatukuza.

Okuvaayo 31:17

Era kaidha kubanga kamanhiso akatawaagho ghagati ghange n'Abaisiraeli boonaboona okubaidhusanga nze Musengwa Katonda bwe nakola eigulu n'ensi mu nnaku omukaaga, ku lwomusanvu ni ndekera agho okukola, ni mpuumula.”

Ezekieli 20:12

Era naabateeragho n'olunaku lwa Sabbato ng'akamanhiso ghagati ghange ni beene, okubaidhukizanga nti nze Musengwa Katonda mwene, ninze mbatukuza.

Ezekieli 20:20

Mukuzenga olunaku lwa Sabbato nga lutukuvu, lubenga akamanhiso ak'endagaano nze ye nakola n'imwe, era lubaidhukizenga nga nze Musengwa Katonda mwene, ninze Katonda waimwe.

Matayo 16:16

Simoni Petero yaamwiramu ati: “Niiwe Kurisito Omwana wa Katonda omulamu.”

Matayo 8:11

Era ka mbakobere: abantu kamaala baliva ku luuyi olw'e buvandhuba n'olw'e bugwandhuba, baatyama ni Aburahamu, ni Isaaka, ni Yakobo mu Bwakyabazinga obw'omu igulu

Luka 19:9

Yesu yaamukoba ati: “Olwaleero okulokoka kutuuse ku ndhu eno, kuba ono yeena mwidhukulu wa Aburahamu.

Yoanne 3:33

Oyo aikiriza by'akoba akakasa nga Katonda wa mazima.

Yoanne 3:36

Oyo aikiriza Mwana ali n'obulamu obutawaagho aye aloba okwikiriza Mwana taja kufuna bulamu, era aja kusigala ng'abonerezebwa Katonda.

Yoanne 6:35

Yaabakoba ati: “Ninze omugaati ogugha obulamu, aidha ye ndi endhala terimuluma, era oyo andhikiriza taliwulira ndiwo.

Yoanne 6:40

Lata wange ky'ayenda ni kino: buli abona Omwana era n'amwikiriza afune obulamu obutawaagho era mmuzuukize ku lunaku olusembayo.”

Yoanne 6:47

Bwenebwene, ka mbakobere aikiriza, ali n'obulamu obutawaagho.

Yoanne 8:33

Baamwiramu bati: “Ife tuli ku lulyo lwa Aburahamu era titubangaku bairu ba muntu yeenayeena. Kale okoba otya oti tulifuulibwa ab'eidembe?”

Ab'e Roma 10:11

Ebyaghandiikibwa bwe bikoba biti: “Kiisi amwikiriza taja kugemwa nsoni”,

Ab'e Roma 10:4

Kuba Kurisito n'eyadibya Amateeka, olwo kiisi aikiriza aghange okuba omutuukirivu.

Ab'e Roma 10:6

Ebyaghandiikibwa byogera ku butuukirivu obuva mu kwikiriza biti: “Tokoba mu mwoyo gwo oti naani aliniina mu igulu?” Ekitegeeza okwisa Kurisito ku nsi.

Ab'e Roma 3:22

buno n'obutuukirivu Katonda bw'agha abantu boonaboona olw'okwikiriza Yesu Kurisito. Kuba mu boonaboona ghazira ndhawulo

Ab'e Roma 3:26

Aye mu biseera bino, abonereza abantu olw'ebibi byaibwe olw'okwoleka obutuukirivu bwe era nga bw'agha obutuukirivu buli muntu aikiriza Yesu.

Ab'e Roma 3:30

kuba Katonda mulala era Abayudaaya alibagha obutuukirivu ng'ajiira ku kwikiriza kwaibwe, n'abamaghanga agandi alibagha obutuukirivu lwa kwikiriza kwaibwe.

Ab'e Roma 4:10

Kino kyabaagho nga Aburahamu amaze okukeketebwa oba ng'akaali? Tikyaligho ng'amaze okukeketebwa, aye ng'akaali kukeketebwa.

Ab'e Roma 9:30

Kale tunaakoba tutya? Ka tukobe tuti abamaghanga agandi abataakolerera butuukirivu, baafuna obutuukirivu obuva mu kwikiriza.

Ab'e Roma 9:33

nga bwe kyaghandiikibwa kiti: “Bona ndi kuta mu Sioni eibaale eryekontolwaku abantu, olubaale olulibagwisa. Aye kiisi aikiriza oyo taliswazibwa.”

Ab'e Roma 9:6

Kino tikitegeeza nti ebisuubizo bya Katonda byalemwa okutuukirizibwa, kuba Abaisiraeli boonaboona ti n'abantu ba Katonda abalonde.

2 Ab'e Korintho 1:22

Yatutaaku akamanhiso ke ng'ababe, era yatugha Mwoyo Mutukuvu mu myoyo gyaife ng'omusingo olw'ebyo by'atuterekera.

Ab'e Galatia 3:22

Aye ng'ebyaghandiikibwa bwe bikoba, ensi yoonayoona esibiibwa mu maani ag'ekibi, olwo ekirabo ekyasuubizibwa olw'okwikiriza mu Yesu Kurisito kibe nga kigheebwa abo abaikiriza.

Ab'e Galatia 3:29

Era oba nga muli ba Kurisito, agho ni muli baidhukulu ba Aburahamu era mulifuna Katonda kye yasuubiza.

Ab'e Galatia 3:7

Kale agho mubona ng'abali n'okwikiriza ni baidhukulu ba Aburahamu beene.

Ab'e Galatia 5:5

Aye ife nga tubita mu Mwoyo olw'okwikiriza, tuteegerera nga tuli n'eisuubi ery'okugheebwa obutuukirivu;

Ab'e Galatia 6:16

Emiraala n'okusaasira bibe ku abo boonaboona abajiira ku iteeka lino ni ku bantu ba Katonda boonaboona.

Ab'Efeso 1:13

Era mu Kurisito oyo, n'imwe mwena abaawulira ekibono eky'amazima eky'Amawulire Amalungi ag'okulokolebwa kwaimwe era ni mwikiriza Kurisito, Katonda yabasibaku akamanhiso ng'abagha Mwoyo Mutukuvu ye yasuubiza.

Ab'Efeso 4:30

Era mutanakughazanga Mwoyo Mutukuvu wa Katonda, kuba Mwoyo n'akamanhiso ke mwateebwaku okutuuka ku lunaku olw'okununulibwa.

Amateeka Agokubiri 30:6

Musengwa Katonda waimwe alireetera emyoyo gyaimwe n'egya baidhukulu baimwe abaliiragho okuba emigonvu, mwamugonza n'omutima gwaimwe gwonagwona era n'omwoyo gwaimwe gwonagwona, memale mwaba abalamu.

Ab'e Filippi 3:9

olwo nsobole okumweyimbiraku irala. Tikaali na butuufu bwange ku bwange obuva mu kugema amateeka. Mperaano ndi n'obutuufu obuva mu kwikiriza Kurisito, obutuufu obuva ye Katonda era obuva mu kwikiriza.

Abaheburayi 11:7

Okwikiriza n'okwaleetera Noa okuwulira Katonda, bwe yamulabula ku bintu ebyali bikaali kuboneka, yaazimba eryato eryawonia mwene n'amaka ge. Olwa kino yaasalira ensi omusango, era mwene yaabalibwa okuba omutuufu olw'okwikiriza.

2 Petero 1:1

Ninze Simoni Petero omugheereza era omutume wa Yesu Kurisito. Mpandiikira abo abaafuna okwikiriza okuli ng'oti n'okwaife, olw'obutuufu bwa Katonda waife era Omulokozi waife Yesu Kurisito.

Okwolekebwa 9:4

Dhaaloberwa okwonayona eisubi, n'emiti oba ekimera ekindi kyonakyona, okutoolaku abantu abo bonka abaziraku kamanhiso ka Katonda mu byeni byaibwe.