Ab'e Roma 3:7 - Baibuli Ekibono kya Katonda 2014

⁷ Aye oba nga obuguya bwange bwongera okwoleka nga Katonda wa mazima era yaagheebwa ekitiisa, lwaki nze mba nga nkaasalirwa omusango ng'omwonooni?

Ab'e Roma 3:7 ပူးပေါင်းရင်းမြစ်များ

Amainhama 37:20

Mukole tumwite tumusuule mu kindi ku biina ebiri ghano. Tulikoba tuti ensolo ey'omu nsiko n'eyamulya memale tubone ebirooto bye bwe biriba.”

Okuvaayo 14:30

Atyo Musengwa Katonda bweyawonia Abaisiraeli ng'abatoola mu buyinza bw'Abamisiri, era Abaisiraeli baabona emirambo gy'Abamisiri nga giri agho ku mbali okw'enhandha.

Okuvaayo 14:5

Abantu bwe baakobera kyabazinga ow'e Misiri bati Abaisiraeli beibyegho, kyabazinga oyo n'abakungu be baakyusa emyoyo gyaibwe, baawulira nga babaire bakeetaaga Abaisiraeli, n'okukoba bati: “Tukoze ki kino? Tulese Abaisiraeli baatweibaku, baalekera okuba abairu baife?”

Okuvaayo 3:19

Nkiidhi bukalamu nti kyabazinga ow'e Misiri taidha kubaleka buleke muveeyo, okutoolaku ng'akakiibwa bukakibwe n'amaani agataloodheka.

Matayo 26:34

Yesu yaamukoba ati: “Bwenebwene ka nkukobere obwire bwaleero bwene, enkoko enaaba ekaali kukolyoka, ng'oneegaaniire emikuzi esatu.”

Ebikolwa by'Abatume 2:23

Ono yabagheebwa nga Katonda amaze okukiteesa n'okukimanha, era imwe mwakozesa ababi okumwita nga bamukomerera ku musalaba.

Ab'e Roma 3:4

Busa, ti bwekiri. Katonda asigala nga wa mazima waire buli muntu aba nga muguya nga bwe kyaghandiikibwa kiti: “By'oyogera byoleka nga toguya era bwebakuwozesa niiwe osinga.”