Ab'e Roma 3:26 - Baibuli Ekibono kya Katonda 2014

²⁶ Aye mu biseera bino, abonereza abantu olw'ebibi byaibwe olw'okwoleka obutuukirivu bwe era nga bw'agha obutuukirivu buli muntu aikiriza Yesu.

Ab'e Roma 3:26 ပူးပေါင်းရင်းမြစ်များ

Isaia 42:21

Musengwa Katonda olw'okuba yayenda okulokola abantu, yasalagho okugulumiza amateeka ge, abantu bagatengamu ekitiisa.

Isaia 45:21

Muleete empoza yaimwe mugyandhuleyo, n'abo ababawolezaagho beebuuzaganie buli muntu ku mwine. Naani eyalanga eira einho ebyo ebyali biri n'okubaagho? Ti ninze Musengwa Katonda? Kale ni ezirayo kyetebwa katonda okutoolaku nze, Katonda Omutukuvu era Omulokozi. Bwenebwene ezirayo wundi okutoolaku nze.

Zefania 3:15

Musengwa Katonda atoiregho ekibonerezo kyaimwe, abinze abazigu baimwe boonaboona. Musengwa Katonda oyo kyabazinga wa Isiraeli ali mu imwe buti, ghazira kye mukaatya.

Zefania 3:5

Aye Musengwa Katonda ali mu kibuga omwo, era akola bituufu byonka, takola kibi. Buli nkyo, aghazira kwosaamu, ayoleka ng'aziramu kwekubira. Aye abatenda kujiira ku mazima tibabaamu na nsoni, bongera kukola bibi.

Zekaria 9:9

Musagambe, musagambe imwe abantu b'e Sioni! Mukube emizira imwe abantu b'e Yerusalemu! Mubone, Kyabazinga waimwe ali kwidha ye muli. Ali kwidhira mu kitiibwa n'obughanguzi. Muwombeefu era ali kwidhira ku ndogoyi; atyaime ku ndogoyi ento.”

Luka 1:80

Omwana yaakula era yaaba wa maani mu mwoyo, yaabanga eyo mu malungu okutuusa ku lunaku lwe yeeyoleka Isiraeli.

Ab'e Roma 3:25

Olw'okufa kwe Katonda yamutaagho okuba omutango ogw'ebibi by'abaikiriza. Katonda yakola kino olw'okwoleka obutuufu bwe, kuba olw'okuguminkiriza kwe, ebibi by'abantu eby'eira tiyabiringiriza.

Ab'e Roma 3:27

Kale ekikuleetera okwesuuta kiri gha? Kiziragho. Lwaki kiziragho? Olw'okuba nga tugema Amateeka? Busa naire, aye lwa kuba twikiriza

Ab'e Roma 3:30

kuba Katonda mulala era Abayudaaya alibagha obutuukirivu ng'ajiira ku kwikiriza kwaibwe, n'abamaghanga agandi alibagha obutuukirivu lwa kwikiriza kwaibwe.

Ab'e Roma 4:5

Aye oyo atakola bwa bikolwa, aye n'aikiriza Katonda oyo atukuza aboonooni n'abafuula abatuukirivu, okwikiriza kwe okwo Katonda kw'asinziiraku okumufuula omutuukirivu.

Ab'e Roma 8:33

Naani alivunaana abalondemu ba Katonda, Katonda mwene bw'aba nga tabavunaana?

Amateeka Agokubiri 32:4

Oyo n'ow'amaani atulwanirira, era akola ebituukiriire, atasaliriza nsonga. Katonda mwesigwa era wa mazima, akola mu butuufu aghazira kuboola.

Okwolekebwa 15:3

Baayemba olwembo lwa Musa omugheereza wa Katonda, n'olwembo olw'Entaama Ento, nga bakoba bati: “Musengwa Katonda Aghanga Ebintu Byonabyona, by'okola bikologho era byewuunhisa! Kyabazinga ow'amaghanga goonagoona, by'okola bituufu era bya mazima.