Ab'e Roma 3:25 - Baibuli Ekibono kya Katonda 2014

²⁵ Olw'okufa kwe Katonda yamutaagho okuba omutango ogw'ebibi by'abaikiriza. Katonda yakola kino olw'okwoleka obutuufu bwe, kuba olw'okuguminkiriza kwe, ebibi by'abantu eby'eira tiyabiringiriza.

Ab'e Roma 3:25 ပူးပေါင်းရင်းမြစ်များ

Zabbuli 119:142

Oli mutuufu ebyanda n'ebyanda, n'amateeka go matuufu lubeerera.

Zabbuli 22:31

era balikobera abo abaja okuzaalibwa, nga Musengwa Katonda bw'awonia abantu be.

Zabbuli 40:10

Tyasirikira mu mwoyo gwange mawulire malungi ag'okulokolwa. Buliidho nkobera abantu ku bwesigwa bwo ni ku buyambi bwo. Era nga ndi mu bantu bo abeesoloiza okukusinza, tyaloba kwogera ku kugonza kwo okutakoma, ni ku bwesigwa bwo.

Zabbuli 50:6

Eby'omu igulu birangirira nga Katonda bw'ali omutuufu, kuba mwene n'asala omusango.

Zabbuli 97:6

Eby'omu igulu birangirira nga bw'ali omutuufu, abantu b'ensi dhoonadhoona baabona ekitiisa kye.

Zabbuli 98:2

Musengwa Katonda amanhiisa ensi yoonayoona obughanguzi bwe, yaayoleka ensi dhoonadhoona obukumu bwe obuwonia.

Isaia 53:11

Bw'alibona ku ebyo ebiriva mu kudaazibwadaazibwa kwe, alisangaala. Olwo yaamanha nga tiyadaazibwadaazibwa bwereere. Omugheereza wange oyo aneesiimisa, era alyetwika ekibonerezo ky'ebibi eby'abangi, nze naabasonigha ku lulwe.

Abalevi 16:10

Aye embuzi akalulu ye kagwireku okuba eya Azazeli, enaateebwanga mu maiso ga Musengwa Katonda nga nnamu, memale yaasindiikirizibwa eri Azazeli oyo mu irungu olw'okutoola ku bantu ebibi.

Abalevi 16:15

“Agho anaitanga embuzi ey'abantu ey'ekigheebwayo olw'ebibi, yaatwala omusaayi gwayo munda mw'olutimbe, yaagumansira ku kisandikiza eky'Esanduuku ey'Endagaano, ni mu maiso ag'esanduuku eyo, nga bw'akola ku musaayi gw'ente enume.

Yoanne 6:47

Bwenebwene, ka mbakobere aikiriza, ali n'obulamu obutawaagho.

Ebikolwa by'Abatume 14:16

Mu byanda eby'eira Katonda yaleka abantu boonaboona baakolanga nga bwe baayendanga.

Ebikolwa by'Abatume 15:18

Musengwa atyo bw'akoba eyakola ebintu bino ni bimanhibwa okuva eira n'eira.’

Ebikolwa by'Abatume 17:30

Katonda tiyafanga ku ebyo abantu bye baakolanga olw'obutamanha bwaibwe, aye mperaano alagira abantu boonaboona ghe bali, beenenie

Ebikolwa by'Abatume 2:23

Ono yabagheebwa nga Katonda amaze okukiteesa n'okukimanha, era imwe mwakozesa ababi okumwita nga bamukomerera ku musalaba.

Ebikolwa by'Abatume 3:18

Aye Katonda kye yalangirira ng'abita mu balanzi be boonaboona ati Kurisito we, yali waakudaagadaaga, yakituukiriza atyo.

Ebikolwa by'Abatume 4:28

Baakola, ebyo bye watereeza mu maani go n'amagezi go nga biri n'okubaagho.

Ab'e Roma 2:4

Oba, onhooma ekisa kye ekingi, n'okugema empola kwe, n'okuguminkiriza kwe? Toidhi nga ekisa kya Katonda kikuleetera okwenenia?

Ab'e Roma 3:26

Aye mu biseera bino, abonereza abantu olw'ebibi byaibwe olw'okwoleka obutuukirivu bwe era nga bw'agha obutuukirivu buli muntu aikiriza Yesu.

Ab'e Roma 5:1

Kale oba nga mu maiso ga Katonda tubalibwa okuba abatuukirivu lwa kwikiriza, tuba n'emiraala ku lwa Musengwa waife Yesu Kurisito.

Ab'e Roma 5:11

Aye ti ekyo kyonka, aye tusagambira mu Katonda ku lwa Musengwa waife Yesu Kurisito atusobozeisa okwisania ni Katonda.

Ab'e Roma 5:18

Kale ng'ekibi eky'omuntu omulala bwe kyasingisa abantu boonaboona omusango, mu nsambo n'endala ekikolwa eky'obutuufu ekyakolebwa omuntu omulala, kyaleetera abantu boonaboona okutoolebwaku omusango n'okugheebwa obulamu.

Ab'e Roma 5:9

Mperaano nga bwe tubalibwa okuba abatuukirivu olw'okufa kwe, tuja kulokolebwa tuwone obusungu bwa Katonda

1 Ab'e Korintho 5:7

Mwetoolemu ekizimbulukusa ekikaire eky'ekibi, olwo mube engaano empyaka omuzira kizimbulukusa nga bwe muli bwenebwene. Kuba Kurisito, entaama yaife ey'Ekibinuko eky'Okubitizibwa yamala okwitibwa.

2 Ab'e Korintho 5:21

Kurisito tiyali na kibi, aye ku lwaife Katonda yamutaaku ebibi byaife tusobole okubita mu oyo okugabana ku butuufu bwa Katonda.

Ab'Efeso 1:7

Olw'okufa kwa Kurisito ng'omusengo, tufuna okununulwa nga tusoniyibwa ebibi byaife olw'ekisa kya Katonda ekyodo,

Ab'Efeso 2:13

Aye mperaano mu Kurisito Yesu, imwe abaali nga timumwidhi yabaseesa olw'okufa kwa Kurisito ng'omusengo.

1 Timotheo 1:15

Ekibono kino kituufu kyene era kigwaine okwikiriza, ekikoba kiti: Kurisito Yesu yaidha mu nsi okulokola aboonooni. Era mu abo nze ndi mberi wa boonaboona.

Abaheburayi 10:4

kuba omusaayi gw'ente enume n'ogw'embuzi tigusobola kutoolagho bibi.

Abaheburayi 11:14

Kuba aboogera batyo booleka bukalamu nga bwe bali kwagala obutaka obwaibwe.

Abaheburayi 11:17

Okwikiriza n'okwasobozesa Aburahamu, Katonda bwe yamuleba, okughaayo Isaaka omwana we omulala ati bedengedenge abe omusengo. Aburahamu oyo, Katonda yali amaze okumusuubiza ati:

Abaheburayi 11:7

Okwikiriza n'okwaleetera Noa okuwulira Katonda, bwe yamulabula ku bintu ebyali bikaali kuboneka, yaazimba eryato eryawonia mwene n'amaka ge. Olwa kino yaasalira ensi omusango, era mwene yaabalibwa okuba omutuufu olw'okwikiriza.

Abaheburayi 9:28

ni Kurisito atyo bwe yagheebwayo omukuzi mulala olw'okutoolagho ebibi eby'abantu kamaala. Aliboneka omukuzi ogwokubiri, ti lwa kibi aye lwa kulokola abo abamulindirira.

Abaheburayi 9:5

Ghaigulu ghaayo nga ghaligho ebitonde ebiri n'amaghagha ebyetebwa kerubi, ebyoleka ekitiisa kya Katonda, ebighemba ekityamo ekisoniyirwaku ebibi n'amaghagha gaabyo. Aye bino byonabyona, titughanga kubyogeraku mu bwidhuvu buti.

1 Yoanne 1:10

Bwe tukoba tuti titukolangaku kibi tuba tumufiire muguya era n'ekibono kye ti kitubaamu.

1 Yoanne 2:2

Oyo n'omutango ogw'ebibi byaife, ate ti bibi byaife byonka aye n'ebibi eby'abantu abandi boonaboona.

1 Yoanne 4:10

Kuno ni n'okugonza, ti lwa kuba nga ife twagonza Katonda aye Katonda yatugonza era yaatuma Omwana we abe omutango olw'ebibi byaife.

Okwolekebwa 1:5

Era ni Yesu Kurisito, omudhulirwa omwesigwa, omuberi mu kuzuukira, era afuga bakyabazinga ab'oku nsi, yeena akole atyo. Kurisito oyo atugonza era eyatunaazaaku ebibi byaife n'omusaayi gwe,

Okwolekebwa 13:8

Abantu ab'oku nsi abo abataaghandiikibwa mu kitabo kya bulamu ng'ensi ekaali kutondebwa, balisinza ekisolo ekyo. Ekitabo ekyo kya Ntaama Nto ere eyaitibwa.

Okwolekebwa 20:15

Era kiisi muntu eyayagaanibwa ng'eriina lye tiryaghandiikibwa mu kitabo kya bulamu, yaasuulibwa mu nhandha ey'omuliro.

Okwolekebwa 5:9

Baayemba olwembo oluyaaka, bati: “Ogwaine okutoola enzingo ey'ekitabo n'okukakampula obumanhiso obugisibye, kuba waitibwa era waanunulira Katonda abantu, aba kiisi kika, kiisi lulimi, kiisi luse, na kiisi ighanga.