Ab'e Roma 3:21 - Baibuli Ekibono kya Katonda 2014

²¹ Aye mperaano obutuukirivu obuva ewa Katonda nga tibubise mu Mateeka buboneike, waire nga bwakakasibwa Amateeka n'abalanzi

Ab'e Roma 3:21 ပူးပေါင်းရင်းမြစ်များ

Amainhama 15:6

Aburamu yaikiriza Musengwa Katonda kye yamukoba, era kino kyaleetera Musengwa Katonda okumutwala nga muntu mutuufu.

Isaia 46:13

Obulokozi bwange mbuseesiisa kumpi, tibukaali ghala naire. Tija kulwagho kulokola bantu bange. Ndinunula Yerusalemu olwa Isiraeli okumpeesanga ekitiisa.”

Isaia 51:8

kuba baliwaagho ng'oti n'ekivaalo ekiriiriibwa ensiriri oba enseete. Aye obulokozi bwange bwe ndeeta bwidha kubangagho byanda na byanda, mbawonienga aghazira kulekera.”

Isaia 54:17

Aye tighalibaagho bya kulwanisa bye baligheesa birisobola kukulumya. Era kiisi aliwoza n'iwe olimusinga. Ndidha kulwaniriranga abagheereza bange, era mbaleeterenga okughangula.” Musengwa Katonda atyo bw'akoba.

Isaia 61:10

Ekibuga Yerusalemu kikoba kiti: “Ndisagamba inho olwa Musengwa Katonda era naasangaala olwa Katonda wange oyo; kuba anvaaziiza obulokozi n'obutuufu ng'oti bivaalo. Ndi ng'oti n'omugole omusaadha ye bavaaziiza engule ku mutwe, era ng'oti n'omugole omukazi ye badholiige n'ebyamadholobera.”

Yeremia 33:16

Abantu b'omu Buyudaaya n'ab'omu Yerusalemu balirokolebwa baaba mu miraala. Era ekibuga ekyo balikyeta eriina ‘Musengwa Katonda n'obulokozi bwaife.’

Danieli 9:24

“Katonda yalagira ekiseera kya myaka nsanvu emikuzi musanvu ku bantu bo ni ku kibuga kyo ekitukuvu, memale okwonoona kukomezebwe, n'okukola ebibi kuweegho. Olwo ebyonoono bisoniyibwe, ghairegho okukola amazima ebyanda n'ebyanda, n'okubonekerwa n'obulanzi bituukirizibwe, era n'eisinzizo eitukuvu liiremu okutukuzibwa.

Luka 24:44

Olumaliira yaabakoba ati: “Bino n'ebibono byange bye nabakoberanga nga nkaali n'imwe, nti buli kintu kyonakyona ekyampandiikibwaku mu Mateeka ga Musa n'abalanzi, ni mu Zabbuli kiri n'okutuukirizibwa.”

Yoanne 1:45

Filipo yaayagaana Nathanaeli yaamukoba ati: “Tuboine oyo Musa ye yaghandiikaku mu kitabo ky'Amateeka, era n'abalanzi ye baaghandiikaku, Yesu ow'e Nazarethi, mutabane wa Yosefu.”

Ebikolwa by'Abatume 10:43

Oyo abalanzi boonaboona ye boogeraku nga bakoba bati, ‘Kiisi amwikiriza asoniyibwa ebibi olw'amaani ag'eriina lye.’ ”

Ebikolwa by'Abatume 15:11

Aye twikiriza tuti ife tulokolebwa lwa kisa kya Musengwa Yesu nga boona bwe balokolebwa.”

Ebikolwa by'Abatume 26:22

Aye Katonda ankuumye okutuusa n'olwaleero, era nhemereire nga nkobera abakulu n'abato, ebyo byene abalanzi ni Musa bye baakoba bati bija kubaagho.

Ebikolwa by'Abatume 28:23

Baamulaga olunaku era ku olwo baidha kamaala mu ndhu mwe yasulanga. Era okuva enkyo okutuusa eigulo yaabainhonholanga era ng'abakobera eby'Obwakyabazinga bwa Katonda. Yaafubanga okubaikirizisa Yesu nga adhuliza eby'omu Mateeka ga Musa n'ebyaghandiikibwa abalanzi.

Ab'e Roma 1:17

Kuba mu Mawulire ago obutuufu bwa Katonda mwe bubonekera. Obutuufu obwo Katonda abutugha lwa kwikiriza, era butoolerera mu kwikiriza bweyongerera mu kwikiriza. Era nga bwekyaghandiikibwa kiti: “Omutuufu anaabanga mulamu lwa kwikiriza.”

Ab'e Roma 1:2

ge yasuubiza eira ng'abita mu balanzi mu Byaghandiikibwa ebitukuvu.

Ab'e Roma 16:26

Aye buti ekyama ekyo kimanhisiibwa mu Byaghandiikibwa abalanzi. Katonda atawaagho yalagira kimanhibwe amaghanga goonagoona, abantu baghange okwikiriza Katonda era n'okumugonderanga.

Ab'e Roma 3:28

kuba tukakalisa irala ng'omuntu abalibwa okuba omutuukirivu lwa kwikiriza, ti lwa kugema Mateeka.

Ab'e Roma 5:19

Era ng'okudheema okw'omuntu omulala bwe kwaleetera abantu kamaala okuba aboonooni, n'obuwulize obw'omuntu omulala butyo bwe bulireetera abantu kamaala okuba abatuukirivu.

Ab'e Roma 5:21

Kale ng'ekibi bwe kyafugira mu kufa, n'ekisa kya Katonda kityo bwe kyafugira mu butuufu, okutuusa ku bulamu obutawaagho, ku lwa Yesu Kurisito Musengwa waife.

Ab'e Roma 9:30

Kale tunaakoba tutya? Ka tukobe tuti abamaghanga agandi abataakolerera butuukirivu, baafuna obutuukirivu obuva mu kwikiriza.

1 Ab'e Korintho 1:30

Katonda oyo n'ensimuko ey'obulamu bwe muli nabwo mu Kurisito Yesu. Kurisito oyo Katonda ye yafuula amagezi gaife, era oyo n'atufuula abatuufu eri Katonda, era n'atutukuza, era oyo n'okununulibwa kwaife.

2 Ab'e Korintho 3:9

Oba nga okugha ekyo ekireetera abantu okusalirwa omusango okubasinga, kwaliku okumesunkana, memale okugha ekyo ekireetera abantu obutuukirivu tikulisingagho mu kumesunkana?

2 Ab'e Korintho 5:21

Kurisito tiyali na kibi, aye ku lwaife Katonda yamutaaku ebibi byaife tusobole okubita mu oyo okugabana ku butuufu bwa Katonda.

Ab'e Galatia 3:8

Era ebyaghandiikibwa byakirengera nga Katonda aligha abamaghanga agandi obutuukirivu olw'okwikiriza, kye byava ni birangirira eri Aburahamu Amawulire Amalungi nga n'ebiseera bikaali ghala biti: “Mu iwe amaghanga goonagoona mwe galigheerwa omukisa.”

Ab'e Galatia 5:5

Aye ife nga tubita mu Mwoyo olw'okwikiriza, tuteegerera nga tuli n'eisuubi ery'okugheebwa obutuukirivu;

Ab'e Filippi 3:9

olwo nsobole okumweyimbiraku irala. Tikaali na butuufu bwange ku bwange obuva mu kugema amateeka. Mperaano ndi n'obutuufu obuva mu kwikiriza Kurisito, obutuufu obuva ye Katonda era obuva mu kwikiriza.

1 Petero 1:10

Abalanzi abalanga ekisa kino Katonda kye yali ow'okubagemerwa, beefumintiriza era baanoonereza ebigema ku kulokolwa kuno.

2 Petero 1:1

Ninze Simoni Petero omugheereza era omutume wa Yesu Kurisito. Mpandiikira abo abaafuna okwikiriza okuli ng'oti n'okwaife, olw'obutuufu bwa Katonda waife era Omulokozi waife Yesu Kurisito.