Ab'e Roma 3:20 - Baibuli Ekibono kya Katonda 2014

²⁰ Mu maiso ga Katonda ghazira muntu ni bw'aba mulala ati alibalwa kuba mutuukirivu olw'okukola ebiri mu Mateeka, kuba ku Mateeka abantu kwe bamanhira nga boonooni.

Ab'e Roma 3:20 ပူးပေါင်းရင်းမြစ်များ

Yobu 15:15

Ate oba Katonda tiyeesiga waire bamalaika be! Era nga n'eigulu ti irongoofu mu maiso ge!

Zabbuli 130:3

Wo Musengwa Katonda, nguli weegemerera ebibi by'abantu, naani eyandiwonie okuzikirira?

Zabbuli 143:2

Nze omugheereza wo otandhiza mu bya kwewozaaku, kuba ezira muntu mulamu azira musango mu maiso go.

Ebikolwa by'Abatume 13:39

Mu oyo, omuntu yeenayeena aikiriza atukuzibwa.

Ab'e Roma 2:13

kuba abatuufu n'abo abakola Amateeka bye galagira, aye ti abo abagawulira obuwulire.

Ab'e Roma 3:28

kuba tukakalisa irala ng'omuntu abalibwa okuba omutuukirivu lwa kwikiriza, ti lwa kugema Mateeka.

Ab'e Roma 4:13

Katonda yasuubiza Aburahamu n'eizaire lye okubagha ensi. Ekisuubizo kino kyagheebwa Aburahamu ti lwa kuba nga yali agema Amateeka, aye olw'okwikiriza, Katonda yamubala okuba omutuukirivu.

Ab'e Roma 4:15

Amateeka galeeta obusungu bwa Katonda, aye aghazira Mateeka, tighaba kwonoona.

Ab'e Roma 5:13

Ekibi kyaligho mu nsi ng'Amateeka gakaali kugheebwa, aye aghazira Mateeka ghazira avunaanwa kibi.

Ab'e Roma 5:20

Amateeka gaidha ekibi kyeyongere. Aye ekibi ye kyakoma okweyongera, n'ekisa kya Katonda ye kyakoma okweyongera.

Ab'e Roma 7:11

Ekibi bwe kyabita mu kiragiro, kyanguyaguya kyandhita nga kikozesa ekiragiro ekyo.

Ab'e Roma 9:32

Lwaki? Kuba tibaabunoonia nga bajiira ku kwikiriza, aye nga bajiira ku bikolwa. Beekontola ku ibaale eryo eryekontolwaku,

1 Ab'e Korintho 15:56

Okulumya okw'okufa kuva mu kibi, n'amaani g'ekibi gava mu Mateeka.

Ab'e Galatia 2:16

Aye twidhi ng'omuntu abalibwa okuba omutuukirivu lwa kuba na kwikiriza mu Yesu Kurisito, aye ti lwa kukola nga Mateeka bwe galagira. N'ife twena twali n'okwikiriza mu Kurisito Yesu, olwo tubalibwe okuba abatuukirivu lwa kwikiriza Kurisito aye ti lwa kukola ng'Amateeka bwe galagira. Ghazira abalibwa kuba mutuukirivu lwa kukola ebyo amateeka bye galagira.

Ab'e Galatia 2:19

Kuba nze, mu Mateeka ntwalibwa nga ndi mufu, nga ndhitibwa Amateeka olwo mbe omulamu eri Katonda. Naitirwa ghalala ni Kurisito ku musalaba gwe,

Ab'e Galatia 5:4

Era abo ku imwe abenda okuba abatuukirivu olw'okutuukiriza Amateeka, mwekutwire ku Kurisito beene era muviire mu kisa kya Katonda.

Abaheburayi 7:19

kuba Amateeka ghazira kye gatuukiriza. Aye mperaano tuli n'eisuubi erisingaku obukalamu mwe tubita okuseeta ye Katonda.