Ab'e Roma 2:8 - Baibuli Ekibono kya Katonda 2014

⁸ Aye abo ab'entaka era abatenda mazima era abakola ebibi, Katonda alibasungughalira, yaabakambughalira.

Ab'e Roma 2:8 ပူးပေါင်းရင်းမြစ်များ

2 Ebyomubyanda 6:23

wuliranga ng'oli eyo mu igulu era olamulenga abagheereza bo. Era bonerezanga aliku omusango nga bw'agwaniire, ate weedheerezenga aziraku musango, omusasulenga ng'ojiira ku butuufu bwe.

Yobu 24:13

“Ghaligho abakyagha obutangaavu, nga tibakaabwenda era tibatambulira mu ngira muli butangaavu obwo.

Zabbuli 90:11

Naani aidhi amaani g'obusungu bwo kye gasobola okukola? Era naani ategeera obusungu bwo nga bwe butiisa?

Ensambo 11:23

Abantu abatuufu bye benda bibaviiramu birungi byereere, aye abakozi b'ebibi bye basuubira bibaviiramu Katonda kubasungughalira.

Ensambo 13:10

Okwekuluntaza kuleeta okutabukatabuka, aye okwebuuza ku magezi kuleetera omuntu okuba omugezi.

Isaia 50:10

Buli muntu ata mu Musengwa Katonda ekitiisa, era n'ajiira ku ebyo omugheereza wa Musengwa Katonda oyo by'akoba, ni bw'atambulira mu nzikiiza ng'azira kimulika, yeesigenga bwa Musengwa Katonda oyo, agumirenga ku Katonda oyo.

Yeremia 34:18

Abakungu b'omu Buyudaaya n'ab'omu Yerusalemu, n'abagheereza b'omu kisaagaati kya kyabazinga, n'abantu abandi boonaboona abaakola ninze endagaano nga babita ghagati gh'emamba ey'ente ento enume ye baasalamu aghabiri, aye ni bamala batatuukiriza ndagaano eyo, zeena ndibasalamu nga bwe baasala mu mamba ey'ente eyo.

Ezekieli 22:31

Kale ndibamaliraku obusungu bwange, naabazikiriza n'omuliro gw'ekiruyi ekindiku, naabeesasuulizaaku olw'ebyo bye baakola. Nze Musengwa Katonda ninze nkobye.”

Nahumu 1:6

Bw'asungughala ghazira abaagho nga mulamu, era ghazira aghanga kugumira busungu bwe obuli ng'oti muliro. Obusungu bwe obwo bwe butumbuka, ni bwe luba olubaale lumenhekamenheka, lwesa ng'oti nkungu.

Ab'e Roma 1:18

Katonda alaga obusungu bwe okuva mu igulu ku bantu abatamutya era abakozi b'ebibi abataganha mazima kuboneka olw'ebikolwa byaibwe ebibi.

Ab'e Roma 10:16

Aye ti boonaboona abaikiriza Amawulire Amalungi, kuba Isaia akoba ati: “Musengwa, naani aikiriza obukwenda bwaife?”

Ab'e Roma 15:18

Ndidha kuguma ndhogere ku ebyo byonka Kurisito bye yankolera okusobozesa abamaghanga agandi okugondera Katonda. Yakozesa ebibono byange n'ebikolwa byange

Ab'e Roma 6:17

Aye Katonda yeekaza, kuba mwali nga muli bairu ba kibi, aye mwaganha n'omwoyo gwaimwe gwonagwona ebyo ebyali mu kwegeresebwa kwe mwagheebwa.

Ab'e Roma 9:22

N'ekyo Katonda kye yakola kifaananaku ni kino. Yayenda okwoleka obusungu bwe n'okumanhisa obukumu bwe. Kyeyava n'aguminkiriza einho abo be yasungughalira abaali bateegereire okuzikirira.

1 Ab'e Korintho 11:16

Aye omuntu yeenayeena bw'ayenda okukitakania, akimanhe nga ife n'Ebikunsu eby'Abaikiriza mu Kurisito ebya Katonda, tuzira ngeri yindi mu kusaba okutoolaku eno.

2 Ab'e Korintho 12:20

Ekintiisa, n'okwidha ni mbaagaana nga timuli nga bwe nandyenze mube, oba imwe okumbona nga tiri nga bwe mwandyenze mbe. Ntya okwagaanayo okusoola, ensaalwa, obusungu, okweyendeza buli kintu, okusalaganaku ebibono, olubono, okwekudumbaza, era n'okutabukatabuka.

Ab'e Galatia 5:20

okusinza ebitali Katonda, okuloga, enzigu, okukanamuka, ensaalwa, okudhuunadhuuna, okwebitiriza, okuba n'obutaisania, okweyawulamu,

Ab'e Filippi 1:17

Aye bale ab'ensaalwa bakobera abantu ebigema ku Kurisito mu buguya, olw'ebyo bye bafunamu beene nga badhuuba bati baidha kwongera okuunumya mu busibe bwe ndimu.

Ab'e Filippi 2:3

Timukolanga kintu kyonakyona nga mwefaaku mwenka oba olw'okwenda bababone babasaake. Aye mu kwefeebya buli muntu atwale abandi nga n'abamusinga.

2 Ab'e Thessalonika 1:8

Aliidha n'omuliro ogwaka, yaaleetera abatatya Katonda n'abatagondera Mawulire Malungi aga Musengwa waife Yesu, okudaagadaaga.

Tito 3:9

Aye oteeyimbanga mu ntaka dhiziramu makulu, oba okutakana ku ndyo dha bantu, oba obutaisania n'okusoola ku biri mu mateeka, kuba ebyo ghazira kye biganhula era bya bwereere.

Abaheburayi 10:27

Ekiba kisigaire, n'okuba mu kutya nga tuteegerera okusalirwa omusango, era n'obukambwe obw'omuliro oguja okwokya abazigu ba Katonda.

Abaheburayi 11:8

Okwikiriza n'okwaleetera Aburahamu okuwulira Katonda bwe yamweta ave ku butaka, aje mu nsi ye yali aja okugheebwa ng'ekisuubizo, era yaaja nga taidhi y'aja.

Abaheburayi 5:9

Era ng'amaze okutuukirizibwa, abo boonaboona abamugondera yabafuukira ensimuko ey'obulokozi obutawaagho,

Yakobo 3:14

Aye oba nga mu myoyo gyaimwe mwidhwire ensaalwa enkambwe, n'okweyendeza mwenka, muteesuutanga biziramu muti mbu muli n'amazima.

Yakobo 3:16

Kuba aghaba ensaalwa n'okweyendeza, n'aghaba n'okutabukatabuka n'emize emibi eja buli nsambo.

1 Petero 3:1

Mu nsambo n'endala, abakazi muwulirenga baibaimwe. Olwo, abandi ku abo waire mperaano tibaikiriza kibono, basobole okuleetebwa mu kwikiriza olw'empisa dhaimwe enkalamu nga ghazira ni kye mubakobyeku.

1 Petero 4:17

Ekiseera eky'okusalirwa omusango kituuse era abantu ba Katonda beene n'abaja okusooka okusalirwa. Kale oba nga aja kusooka n'ife, memale leero kiriba kitya n'abo abaloba okuwulira Amawulire Amalungi agava ye Katonda?

Okwolekebwa 14:10

yeena alinhwa omwenge ogw'emizabbibu ogw'obusungu bwa Katonda, nga gufukiibwa mu kikopo eky'obusungu bwe era nga tigudhuuluusiibwamu naire. Era alidaazibwadaazibwa n'omuliro n'obunhota bwa salufa, mu maiso ga bamalaika abatukuvu n'ag'Entaama Ento.

Okwolekebwa 16:19

Ekibuga ekikologho kyayabikamu ebitundu bisatu, n'ebibuga eby'ensi dhoonadhoona byagwa. Katonda yaaloba kwerabira Babiloni ekibuga ekikologho, yaakigha okunhwa okumaliramu irala ekikopo eky'omwenge ogw'emizabbibu, omwenge ogw'obusungu bwe obungi.