Ab'e Roma 2:6 - Baibuli Ekibono kya Katonda 2014

⁶ Kuba aligha empeera kiisi muntu nga ajiira ku bikolwa bye.

Ab'e Roma 2:6 ပူးပေါင်းရင်းမြစ်များ

Yobu 34:11

Kuba aja kugha kiisi muntu empeera ng'ajiira ku muntu oyo bye yakola. Alibisa kiisi muntu ng'ajiira ku muntu oyo bwe yeebisa.

Zabbuli 62:12

era ng'akoba ati atugonza obutalekera; kuba agha kiisi muntu empeera ng'ajiira ku bikolwa bye.

Okuvaayo 32:34

Aye iwe ja okulembere abantu obatuuse mu kifo ekyo kye nakukoba. Era, bona eno, malaika wange aidha kukukulembera. Aye era ekiseera kiidha kutuuka mbabonereze olw'ekibi kyaibwe ekyo.”

Ensambo 24:12

Osobola okwewuuguusa oti: “Bona eno, ekyo nze tikimanhangaku naire.” Aye Katonda abona ebigendererwa eby'omuntu era yaabimanha. Oyo n'akuuma obulamu bwo, era abona buli kintu. Era aja kusasula buli muntu, ng'ajiira ku bikolwa bye.

Ensambo 24:2

Mu myoyo gyaibwe bayiiya kukola bya bukambwe era bye boogera bireeta kutabulatabula.

Ensambo 26:10

Omuntu atoola buli musiru y'aboine n'amutaagho okumukolera omulimo, aba ng'oti n'omulasi ow'obulaso afumita buli muntu.

Omulangirizi 3:17

Naakoba mule nti: “Katonda aja kusalira abatuufu n'ababi omusango, kuba buli kintu na buli kikolwa yakiteeragho ekiseera kyakyo.”

Yeremia 17:10

Nze Musengwa Katonda neekebeedha ebidhuubo by'abantu era naaleba emyoyo gyaibwe. Ngabira buli muntu nga njiira ku neebisa ye ni ku bikolwa bye.”

Yeremia 32:19

Okola entegeka edh'amagezi agataloodheka, era waakola eby'amaani. Obona ebintu byonabyona abantu bye bakola, era waabasasulamu ng'ojiira ku bikolwa byaibwe.

Ezekieli 18:20

Kale omuntu akola ebibi n'alifa. Omwana tibalimuvunaana bibi muzaire we bye yakola, waire omuzaire okuvunaanibwa ebibi omwana we bye yakola. Omuntu omutuufu aligheebwa empeera olw'ebituufu by'akola, ate omubi yaavunaanibwa olw'ebibi by'akola.

Ezekieli 18:30

“Nze Musengwa Katonda ndi kubakobera imwe Abaisiraeli, nti ndisalira buli muntu ku imwe omusango nga njiira ku bikolwa bye. Mwenenie mukyuke muve mu bibi byaimwe byonabyona, olwo ebibi byaimwe ebyo lwe bitaabaviiremu kuzikirira.

Ezekieli 36:19

Nabasalira omusango nga njira ku neebisa yaibwe ni ku bikolwa byaibwe. Era naabasansaaniza eyo mu maghanga, naabaidhuza eyo mu nsi enhingi.

Matayo 16:27

Omwana w'Omuntu aja kwidha mu kitiisa kya Ise, ni bamalaika be, era buli muntu amughe ekimugwana ng'ajiira ku bikolwa bye.

Ab'e Roma 14:22

Ky'oikiriza kikuume nga kimanhiibwa iwe wenka ni Katonda wo. Wa nkabi omuntu oyo ateesalira musango kumusinga mu ebyo by'atwala okuba ebituufu.

1 Ab'e Korintho 3:8

Oyo asimba ayagayaga n'oyo afukirira era Katonda alisasula buli muntu olw'omulimo gwe yakola.

1 Ab'e Korintho 4:5

Kale mutasaliranga muntu yeenayeena musango nga ekiseera kikaali kutuuka ekya Musengwa waife okwidha. Oyo alita mu butangaavu ebintu ebigise mu nzikiiza, era alitoolayo ebidhuubo ebigise mu myoyo gy'abantu byamanhibwa. Olwo ni buli muntu yaasiimibwa Katonda.

2 Ab'e Korintho 11:15

Kale tikyewuunhisa n'abagheereza be bwe beefuula okuba abagheereza ab'obutuufu. Ku nkomerero balifuna ekituukana n'ebikolwa byaibwe.

2 Ab'e Korintho 5:10

Kuba twenatwena tuteekwa okuboneka mu maiso ga Kurisito atusalire omusango. Buli muntu alimusasula ng'ajiira ku bikalamu, oba ku bibi bye yakola ng'ali mu mubiri guno.

2 Timotheo 4:14

Alekisandero omugheesi yankola bubi inho, aye Musengwa alimwesasuulizaaku olw'ebyo bye yankola.

Okwolekebwa 2:23

Era abaana be ndibaita, Ebikunsu eby'Abaikiriza mu Kurisito byonabyona bimanhe nga ninze aidhi kiisi muntu by'alowooza mule ni by'ayenda okukola. Era kiisi mulala ku imwe ndimugha ekigwaniire ebikolwa bye.

Okwolekebwa 20:12

Naabona abafu, abakulu n'abato, nga beemereire mu maiso g'ekityamo ekyo eky'obwakyabazinga. Ebitabo byawumbululwa. Era n'ekitabo ekindi kyawumbululwa, ekitabo eky'obulamu. Abafu baasalirwa omusango okuva ku bye baakola, ebyaghandiikibwa mu bitabo.

Okwolekebwa 22:12

“Bona, ndi kwidha mangu. Ndidha n'empeera nsasule buli muntu, nga njiira ku bye yakola.