Ab'e Roma 2:5 - Baibuli Ekibono kya Katonda 2014

⁵ Aye nga bw'oli n'omwoyo omukalangufu ogutenda kwenenia, weereeteire mwene omusango n'obukambwe ku lunaku Katonda lw'aliragiraku obusungu bwe, nga asala omusango aghazira kusaliriza.

Ab'e Roma 2:5 ပူးပေါင်းရင်းမြစ်များ

2 Ebyomubyanda 30:8

Era mulobe kuba na mpwitu ng'oti ni badhaadha baimwe, aye mwegheeyo eri Musengwa Katonda, mwingire mu isinzizo lye, lye yatukuza ebyanda n'ebyanda. Mugheerezenga Musengwa Katonda waimwe, olwo alekere agho okuboolekeza obusungu bwe obubitiriire.

2 Ebyomubyanda 36:13

Zedekia era yaadheemera ni kyabazinga Nebukadinezzari, eyali amaze okumulayiza mu Katonda, ng'ali n'okuwuliranga ebiragiro bya Nebukadinezzari oyo. Aye Zedekia oyo yaakola bwa mpwitu era yaakalangusa omwoyo gwe, yaaloba kwenenia kwira eri Musengwa Katonda, Katonda wa Isiraeli.

Yobu 21:30

Ku lunaku Katonda lw'asungughala n'abonereza, omubi buliidho n'awonagho.

Zabbuli 110:5

Iwe kyabazinga, Musengwa Katonda ali agho ku mukono gwo omusaadha, aidha kufafaagania bakyabazinga abandi, ku lunaku olw'ekiruyi kye.

Zabbuli 95:8

Akoba ati: “Mulekere agho okukalangusa emyoyo gyaimwe nga badhaadha baimwe bwe baakola nga bali e Meriba. Ku lunaku olwo nga bali e Massa mu irungu,

Okuvaayo 14:17

Ndidha kukalangusa emyoyo egy'Abamisiri balobe kutya, boona bangire mu nhandha nga bababingirira, aye kye nja okukola kyabazinga n'abalwani be boonaboona, n'ebigaali bye eby'omu lutalo, n'abavuzi be ab'embalaasi, kija kumpeesa ekitiisa.

Okuvaayo 32:34

Aye iwe ja okulembere abantu obatuuse mu kifo ekyo kye nakukoba. Era, bona eno, malaika wange aidha kukukulembera. Aye era ekiseera kiidha kutuuka mbabonereze olw'ekibi kyaibwe ekyo.”

Okuvaayo 8:15

Aye kyabazinga bweyabona ng'ekizibu ekyo kiviiregho yaakalangusa omwoyo gwe, yaaloba kutya era yaaloba kuwulira nga Musengwa Katonda bweyakoba.

Ensambo 1:18

Aye abantu abo beetegamu beene omutego beite, baabwama okuzikiriza obulamu obwaibwe bwene.

Ensambo 11:4

Ku lunaku Katonda lw'alamuliraku abantu, okuba omukombe kizira kye kiyamba, aye obutuufu buwonia omuntu okufa.

Ensambo 28:14

Wa nkabi ole atya Musengwa Katonda buliidho, aye ole akalangusa omwoyo gwe afuna ebizibu ebitaloodheka.

Ensambo 29:1

Omuntu ye banenia emikuzi kamaala ng'ayongera bwa kukalambalira mu nsobi, mu kaseera buseera balimutentena nga takairayo kuwona.

Omulangirizi 12:14

Era Katonda aja kutusalira omusango ku byonabyona bye tukola, ka bibe ebirungi oba ebibi, nga kw'otaire n'ebyo ebikolebwa mu ngiso.

Isaia 48:4

Namanha nga bwe muli ab'empwitu, abali n'emyoyo emibbalangafu ng'oti n'ekyuma ekigumu einho, era abali n'ebirowoozo ebikalangafu ng'oti n'ekyuma ky'ekikomo.

Yeremia 40:3

Era mperaano akituukiriiza kye yakoba okukola. Ebyo byonabyona bibairegho, lwa kuba abantu bo baakola ebibi eri Musengwa Katonda era baamudheemera.

Ezekieli 11:19

Ndibagha omwoyo omuyaaka n'endowooza empyaka. Naabatoolamu omwoyo omukalangafu oguli ng'oti ibaale, naabataamu omwoyo omugonvu omuwulize.

Ezekieli 3:7

Aye ab'eighanga lya Isiraeli tibaidha kukuwulirisa, kuba tibenda kuwulira nze bye mbakoba, olw'okuba ba mpwitu era baakalanguka emyoyo.

Danieli 5:20

Aye bwe yatoolera okwekuluntaza, n'akalangusa omwoyo gwe nga takaagondera biragiro, Katonda oyo yaamutoola ku kityamo kye eky'obwakyabazinga, era yaamutoolaku n'ekitiisa kye yali nakyo.

Hosea 13:12

Ekibi n'omusango eby'Abaisiraeli byaghandiikibwa bukalamu, byateebwa mu iterekero.

Amosi 3:10

Musengwa Katonda akoba ati: “Abantu abo tibaidhi kukolera ku butuufu, okutoolaku okwidhuza endhu dhaibwe ebintu ebinhage n'ebiibe.

Ab'e Roma 1:18

Katonda alaga obusungu bwe okuva mu igulu ku bantu abatamutya era abakozi b'ebibi abataganha mazima kuboneka olw'ebikolwa byaibwe ebibi.

Ab'e Roma 11:25

Aboluganda, nhenda mumanhe ekyama kino mulobe kwesuuta kuba bagezi, kuba abandi ku Baisiraeli baidha kusigala nga bakalangafu ba myoyo okutuusa omughendo ogw'abamaghanga agandi lwe gulimala okwidha ye Katonda.

Ab'e Roma 9:22

N'ekyo Katonda kye yakola kifaananaku ni kino. Yayenda okwoleka obusungu bwe n'okumanhisa obukumu bwe. Kyeyava n'aguminkiriza einho abo be yasungughalira abaali bateegereire okuzikirira.

2 Ab'e Korintho 5:10

Kuba twenatwena tuteekwa okuboneka mu maiso ga Kurisito atusalire omusango. Buli muntu alimusasula ng'ajiira ku bikalamu, oba ku bibi bye yakola ng'ali mu mubiri guno.

Amateeka Agokubiri 2:30

“Aye kyabazinga w'e Heshiboni, ayetebwa Sihoni, yaaloba kutuganha kubita mu nsi ye, kuba Musengwa Katonda waimwe yamukalangusa omwoyo. Yaamuleetera okudheema, olwo tughange okumughangula, n'okutwala ensi ye, mwe tukaali ni mpegaano.

Amateeka Agokubiri 32:34

Musengwa Katonda aidhukira abazigu ba Isiraeli abo kye bakoze, era ali kuteega ekiseera ky'ategeike kituuke, memale ababonereze;

2 Ab'e Thessalonika 1:5

Kino kyoleka nga Katonda bw'asalira abantu omusango mu butuufu. Ng'era olumaliira muligwanira okuba mu Bwakyabazinga bwa Katonda bwe muli kudaagirira.

Abaheburayi 3:13

Aye mulambaganenga buli lunaku, kasita luba nga lwetebwa “Olwaleero”, ghalobe kubaagho naire omulala ku imwe obuguya obw'ekibi ye bukalangusa omwoyo.

Abaheburayi 3:15

Ebyaghandiikibwa bikoba biti: “Olwaleero bwe muwulira eiroboozi lye, mutakalangusa myoyo gyaimwe, ng'abadheemu bwe baakola ku lunaku lule.”

Abaheburayi 4:7

Kino kiri kityo kuba era Katonda yataagho olunaku olundi olwetebwa “Olwaleero” lw'ayogeraku nga ghabiseegho emyaka kamaala ng'abita mu Daudi, nga bwe mmaze okukyogeraku ng'akoba ati: “Olwaleero bwe muwulira eiroboozi lye, mutakalangusa myoyo gyaimwe.”

Yakobo 5:3

Zaabu waimwe ni feeza byatalaiga, era obutalaivu obwo n'obuja okubalumiriza busiriize emibiri gyaimwe ng'oti muliro, kuba mu nnaku dhino edhisembayo mwesololeizaaku eby'obukombe.

Yoshua 11:20

Musengwa Katonda n'eyaleeteranga abantu abo, okukanaghala ni balwana n'Abaisiraeli. Olwo basalirwe omusango gubasinge, era bazikirizibwe aghazira kusaasirwa, nga Musengwa Katonda bwe yalagira Musa.

2 Petero 2:9

Ebyo biraga nga Katonda aidhi okutoola abamutya mu buzibu, era n'okukuumira ababi mu kubonerezebwa okutuusa ku lunaku olw'okusalirwaku omusango.

2 Petero 3:7

Era olw'ekibono kyene ekyo, eigulu n'ensi ebirigho buti Katonda abikuuma nga bya kwokebwa muliro. Abikuuma okutuusa ku lunaku olw'okusalirwaku omusango n'okuzikiriza abo abatatya Katonda.

Yuda 1:6

Era ni bamalaika abo abaaleka ebifo byaibwe eby'obukumu ni babivaamu, yabasiba ku ndhegere yaabakuumira mu nzikiiza okutuusa ku lunaku olw'okusaliraku omusango.

Okwolekebwa 2:21

Namugha ekiseera okwenenia aye yaloba okuleka obudankaanu bwe.

Okwolekebwa 6:17

kuba olunaku olw'obusungu bwayo lutuuse, naani asobola okuwona?”

1 Samueli 6:6

Lwaki mwenda okukalangusa emyoyo gyaimwe ng'Abamisiri ni kyabazinga waibwe bwe baakola? Katonda bwe yababonereza n'abamalamu, tibaalwa eira ni baleka Baisiraeli kuva mu Misiri ni baja?