Ab'e Roma 2:4 - Baibuli Ekibono kya Katonda 2014

⁴ Oba, onhooma ekisa kye ekingi, n'okugema empola kwe, n'okuguminkiriza kwe? Toidhi nga ekisa kya Katonda kikuleetera okwenenia?

Ab'e Roma 2:4 ပူးပေါင်းရင်းမြစ်များ

Zabbuli 10:11

Munda mule akoba ati: “Katonda tafaayo! Yeeghembye mu maiso era kino taidha kukibona!”

Zabbuli 104:24

Wo Musengwa Katonda, nga wakola ebintu nga bya nsambo kamaala! Ate waabikola mu magezi amangi oti ki! Ensi eidhwire ebitonde byo.

Zabbuli 31:19

Bwenebwene ebirungi biri kamaala, by'oterekeire abo abakutya. Abantu boonaboona babona by'okolera abo abakwesiga.

Zabbuli 78:38

Aye Katonda olw'okuba n'okusaasira okungi einho, yaabasonigha okwonoona kwaibwe, yaaloba kubazikiriza kubamalagho. Emikuzi kamaala ng'afuga obusungu, yaamira ekiruyi kye

Zabbuli 86:15

Aye iwe Musengwa Katonda, niiwe Katonda asaasira era agemerwa abantu ekivunika, olwagho okusungughala, ogonza abantu obutalekera era oli mwesigwa inho.

Zabbuli 86:5

Wo Musengwa Katonda iwe oli mulungi, onsonigha era tolekera kugonza abo abakusinza.

Okuvaayo 34:6

Musengwa Katonda yaabita mu maiso ga Musa era yaalangirira ati: “Nze Musengwa Katonda, ninze Katonda asaasira era agemerwa abantu ekivunika, alwagho okusungughala, agonza abantu obutalekera era omwesigwa einho.

Omulangirizi 8:11

Olw'okuba ekibonerezo ekisalirwa omuntu akoze ekibi tibakigheeragho mangu, abantu kyebava beeyongerera irala okukola ebibi.

Isaia 30:18

Aye ate Musengwa Katonda ali agho ateegereire ng'ayenda abagemerwe ekivunika. Yeetegeike okubasaasira, kuba by'akola byonabyona bituufu nga tiyeekubira. Ba nkabi abo boonaboona abamwesiga.

Yeremia 7:10

Mpegaano mwidha mutya okwemerera mu maiso gange, mu isinzizo lino eryange lyene, mwakoba muti, ‘Tuli bukalamu’, nga kabiri mumala muja bwa mu maiso na kukola ebyenhinhalwa ebyo byonabyona?

Ezekieli 11:19

Ndibagha omwoyo omuyaaka n'endowooza empyaka. Naabatoolamu omwoyo omukalangafu oguli ng'oti ibaale, naabataamu omwoyo omugonvu omuwulize.

Ezekieli 16:63

Era ndikusonigha ebyo byonabyona bye wakola, aye waabiidhukiranga ensoni dhaakugema, nga tosobola kwogera kintu kyonakyona olw'okuswala.” Musengwa Katonda atyo bw'akobye.

Hosea 3:5

Aye mu biseera eby'oluvainhuma abantu bange Abaisiraeli balikyuka, kabiri baira eri Musengwa Katonda waibwe n'eri Daudi kyabazinga waibwe. Baliiramu okutya Musengwa Katonda oyo, era baafunanga ebirungi ebiva y'ali.

Yona 4:2

Agho yaakoba ati: “Wo Musengwa Katonda, bino ti bye nakoba nga nkaali mu nsi yange? Nze namanha ng'oli wa kivunika era asaasira einho. Ogonza inho abantu obutalekera era obaguminkiriza buliidho oli mwetegefu okukyusa ebidhuubo byo waaloba kubabonereza. Era kyova obona nali numukiire e Tarushishi.

Okubala 14:18

‘Nze Musengwa Katonda ndwagho okusungughala, ngonza abantu obutalekera, era naasonigha aboonooni n'abadheemu. Aye tiriroba kubonereza aliku musango. Ndibonereza abaana n'abaidhukulu olw'ebibi eby'abazaire baibwe, okutuukira irala ku luse olwokusatu n'olwokuna.’

Ab'e Roma 10:12

tibiboola kuba Abayudaaya n'abamaghanga agandi ghazira ndhawulo. Katonda ni Musengwa waibwe boonaboona era agabira abamusaba ebirungi kamaala

Ab'e Roma 11:22

Kale ni weekalirise ekisa n'obukambwe bwa Katonda. Akambughalira abo abaagwa, aye yaasaasira iwe kasita ogumira ku kisa kye. Aye bw'otagumira ku kisa kye, weena alikuwogolaku.

Ab'e Roma 11:33

Bwenebwene ekisa kya Katonda n'amagezi ge, n'okumanha kwe, nga tibikoma! By'asalagho tibirowoozeka! Enkola ye nga temanhikana!

Ab'e Roma 3:25

Olw'okufa kwe Katonda yamutaagho okuba omutango ogw'ebibi by'abaikiriza. Katonda yakola kino olw'okwoleka obutuufu bwe, kuba olw'okuguminkiriza kwe, ebibi by'abantu eby'eira tiyabiringiriza.

Ab'e Roma 6:1

Kale tunaakoba tutya? Tweyongere okukola ebibi memale ekisa kya Katonda kyeyongere?

Ab'e Roma 6:15

Kale tukole tutya? Tukole ekibi kuba tufugibwa ekisa kya Katonda? Busa naire.

2 Ab'e Korintho 8:2

Baabita mu kulebwa okunene nga badaazibwadaazibwa, aye baasigala nga basangaavu inho. Era baali baavu inho, aye baaba bagabi inho.

Ab'Efeso 1:18

Abazibule amaiso ag'omwoyo mubone ebyo bye yasuubiza bwe yabeeta, mumanhe obukombe obuli mu ebyo eby'ekitiisa by'abiikira abatuukirivu.

Ab'Efeso 1:7

Olw'okufa kwa Kurisito ng'omusengo, tufuna okununulwa nga tusoniyibwa ebibi byaife olw'ekisa kya Katonda ekyodo,

Ab'Efeso 2:4

Aye Katonda olw'ekisa kye ekyodo n'olw'okugonza einho kw'atugonzaamu,

Ab'Efeso 2:7

Yakola ekyo okutwoleka mu byanda ebija okwidha ekisa kye ekitakeruka eri ife, ng'abita mu Kurisito Yesu.

Ab'Efeso 3:16

Naamusaba olw'ekitiisa ekyodo, abagumye ng'abagha amaani, mule munda, ng'abita mu Mwoyo we,

Ab'Efeso 3:8

Waire nga ninze asembayo mu batuukirivu boonaboona, Katonda yampa omukisa okukobera abamaghanga agandi Amawulire Amalungi, ag'obukombe obuli mu Kurisito obutaloodheka.

Ab'e Filippi 4:19

Era Katonda wange aidha kubagha buli kintu kyonakyona kye mwetaaga, ng'atoola ku bukombe bwe obw'ekitiisa bw'agaba ng'abita mu Kurisito Yesu.

Ab'e Kolosai 1:27

Abo Katonda be yasiima okumanhisa obukombe obw'ekitiisa obuli mu kyama ekyo, mu bamaghanga agandi. Ekyama ekyo ni Kurisito ali mu imwe era eisuubi ery'ekitiisa ekiri kwidha.

Ab'e Kolosai 2:2

Kino nkikola bairemu amaani mu myoyo gyaibwe era babe mu kugonzania, bamanhire irala era bategeerere irala ekyama kya Katonda. Ekyama ekyo nga ni Kurisito.

1 Timotheo 1:16

Aye Katonda yansaasira, olwo Yesu Kurisito aghange okubita mu nze, omwonooni asinga boonaboona, alage okusaasira kwe okutakoma. Era mbe eky'okuboneraku y'abo abalimwikiriza, ni bafuna obulamu obutawaagho.

1 Timotheo 6:17

Labula abakombe ab'oku nsi kuno, balobe kweghanika, waire okwesiga obukombe obutali bwa lubeerera, aye beesige Katonda atugha byonabyona ebitusangaaza.

1 Petero 3:20

Egyo n'emyoyo egy'abo abaaloba okuwulira Katonda eyabaguminkiriza mu biseera Noa bye yazimbiramu eryato. Mu lyato omwo n'omwawonera abantu abatono bati omunaana, abaawonagho mu maadhi.

2 Petero 1:11

aye mulingizibwa n'ekitiisa mu Bwakyabazinga obutawaagho obwa Musengwa waife, era Omulokozi waife Yesu Kurisito.

2 Petero 3:15

Mukitwale ng'okuguminkiriza kwa Musengwa kuligho lwa imwe kulokolebwa. Atyo muganda waife omugonzi Paulo bwe yabaghandiikira mu magezi Katonda ge yamugha.

2 Petero 3:3

Okusookera irala muteekwa okumanha nga mu nnaku edhisembayo, abantu abenda einho musekererwe era abafugibwa okwegomba okw'omubiri, baliboneka. Balibaseka

2 Petero 3:9

Musengwa talwisaagho kutuukiriza kye yasuubiza ng'oti n'abandi bwe balowooza. Aye abaguminkiriza kuba tayenda naire muntu mulala ati kuzikirizibwa. Ayenda abantu boonaboona beenenie, bave mu bibi byaibwe.

Okwolekebwa 2:21

Namugha ekiseera okwenenia aye yaloba okuleka obudankaanu bwe.

Okwolekebwa 3:20

Ndi ku lwigi nhemereire, nkonkona. Awulira amamiro gange n'aigulagho olwigi, ndingira omumwe naalya naye.