Ab'e Roma 2:10 - Baibuli Ekibono kya Katonda 2014

¹⁰ Aye abo abakola obukalamu Katonda alibagha ekitiisa, okusaakibwa n'emiraala, okwinhamira ku Bayudaaya memale kwireku abamaghanga agandi

Ab'e Roma 2:10 ပူးပေါင်းရင်းမြစ်များ

Yobu 22:21

“Yobu, tabagana ni Katonda obe n'emiraala, olwo oidha kufuna ebirungi.

Zabbuli 15:2

N'oyo omutuufu aziraku musango, ng'akola ekituufu, era nga by'ayogera muzira buguya.

Zabbuli 29:11

Musengwa Katonda aghenga abantu be amaani, era aghenga abantu be enkabi babe miraala.

Zabbuli 37:37

Weekalirisenga omuntu aziraku musango era omutuufu; omuntu ayenda emiraala tabula izaire.

Ensambo 11:18

Omukozi w'ebibi yeerimba ati katyo anaabifunamu empeera emugasa, aye ate omuntu omutuufu n'afuna empeera yeene egasa.

Ensambo 8:18

Ninze ngaba obukombe n'ekitiisa, obukombe obutuufu era obutawaagho.

Isaia 26:12

Wo Musengwa Katonda, iwe oidha kutugha tubenga mu miraala, kuba ni bye tukola byonabyona niiwe obireetera okutujiira obukalamu.

Isaia 32:17

Era olw'abantu okukola ebituufu kirireetera ensi eno okubaamu emiraala, era kyagiviiramu okuba n'obutebenkevu, n'obwesige, ebyanda n'ebyanda.

Isaia 48:18

“Ha, kale ngoli wawulira ebiragiro byange! Wandibaire mu miraala egikuuluula ng'oti mwiga ogutakala, era waaba n'obughanguzi obw'amaani ng'oti kwefuukuula kwa nhandha.

Isaia 48:22

Musengwa Katonda akoba ati: “Abakozi b'ebibi tibaja kuba na miraala naire.”

Isaia 55:12

Muliva mu Babiloni nga muli basangaavu; mwavaayo mwatwalibwa nga muli mu miraala. Ensozi n'obusozi biritimbuka byayemba, n'emiti gyonagyona gyasangaala gyakuba mu ngalo.

Isaia 57:19

Nze Musengwa Katonda nkoba nti ninze ndeetera abantu ab'okumpi n'eghala okuba mu miraala. Era ninze ndiwonia abantu bange.

Yeremia 33:6

Aye bona eno, ndiizaagho ekibuga kino bukalamu era naakireetera okuwona. Abantu baamu ndibaleetera okuba mu miraala kamaala, ng'ebintu bibajiira bukalamu.

Okubala 6:26

Musengwa Katonda akulingengaku n'amaiso ag'ekisa era akughenga emiraala.”

Matayo 10:13

Era endhu eyo bw'eba ng'egwaine, emiraala gyaimwe ginaagisigalangaku aye bw'eba tegwaine, emiraala gyaimwe ginaabairiranga.

Luka 1:79

Okwakira abo abatyaime mu nzikiiza ni mu kinsense eky'olumbe, n'okutereeza ebigere byaife mu ngira ey'eidembe.”

Luka 12:37

Abagheereza abo nga ba nkabi, abo musengwa waibwe b'aliira n'ayagaana nga beetegefu. Bwenebwene ka mbakobere: Alyesiba, yaabatyamya ku kiiwulo, yaabita ng'abagheereza.

Luka 19:42

Yaakoba ati: “Nguli wamanha waire olwaleero luno ebireeta emiraala! Aye mperaano bya kwegisaaku

Luka 22:14

Esaawa bwe yatuuka, Yesu n'Abatume baatyama ku kiiwulo.

Luka 9:48

era yaabakoba ati: “Buli asangaalira omwana ono mu liina lyange aba asangaaliire nze; asangaalira nze aba asangaaliire oyo eyantuma; kuba asembayo mu imwe mwenamwena, oyo n'omubbede.”

Yoanne 12:26

Kiisi ayenda okumpeereza annonerezenga. Ghe mba n'omugheereza wange gh'anaabanga. Era Lata alita oyo yeenayeena ampeereza mu kifo eky'ekitiisa.

Yoanne 14:27

“Mbalekeire emiraala, emiraala gyange gyene gye mbaghaire ate tigibaghaire ng'ensi bw'egigaba. Muteeraliikirira mu myoyo gyaimwe waire okutya.

Yoanne 16:33

Bino mbibakobeire mube miraala mu nze. Mu nsi muno mwidha kufuna ebizibu aye mugumenga, nze mpangwire ensi.”

Ebikolwa by'Abatume 10:35

Aye mu buli ighanga, asiima kiisi amwisaamu ekitiisa era n'akola ekituufu.

Ab'e Roma 14:17

kuba Obwakyabazinga bwa Katonda tibuva mu kulya na kunhwa, aye buva mu butuufu, mu miraala na mu kusangaala, Mwoyo Mutukuvu by'atugha.

Ab'e Roma 15:13

Katonda, ensimuko ey'okusuubira, abaidhuze eisanhu n'emiraala olw'okumwikiriza, mughange okweyongeranga okuba n'eisuubi olw'amaani ga Mwoyo Mutukuvu.

Ab'e Roma 2:7

Abo abanoonia ekitiisa, okusaakibwa n'obutafa nga banhiinkiira okukola obukalamu, alibagha obulamu obutawaagho

Ab'e Roma 2:9

Abantu boonaboona abakola ebibi balifuna okudaagadaaga n'obulumi, okwinhamira ku Bayudaaya memale kwireku abamaghanga agandi.

Ab'e Roma 5:1

Kale oba nga mu maiso ga Katonda tubalibwa okuba abatuukirivu lwa kwikiriza, tuba n'emiraala ku lwa Musengwa waife Yesu Kurisito.

Ab'e Roma 8:6

Okwemalira ku by'omubiri kuleeta okufa, aye okwemalira ku bya Mwoyo kuleeta obulamu n'emiraala.

Ab'e Roma 9:21

Omuwumbi ti wa idembe okukola ky'ayenda mu itosi? Tasobola kutoola ku itosi eirala eryo, erindi n'aliwumbamu ekibya eky'ebbeeyi, n'erindi n'aliwumbamu ekibya ekyabuliidho?

Ab'e Roma 9:23

Era yayenda okwoleka ekitiisa kye ekinene einho y'abo be yagemerwa ekisa, abo be yategekera ekitiisa okuva eira n'eira.

Ab'e Galatia 5:22

Aye Mwoyo aleeta kugonzania, kusagamba, kwisania, kuguminkiriza, kisa, kubisa bandi bukalamu, kwesigibwa,

Ab'e Galatia 5:6

kuba bwe tweyimba mu Kurisito Yesu, okukeketebwa n'obutakeketebwa byaga. Ekikulu n'okwikiriza okweyolekera mu kugonza.

Ab'e Filippi 4:7

Era n'emiraala gya Katonda egiswikiriire okumanha kwonakwona gikuume emyoyo n'amagezi gaimwe mu Kurisito Yesu.

1 Timotheo 1:17

Kyabazinga oyo atakoma, atafa era ataboneka, Katonda omulala yenka, asaakibwenga era agheebwenga ekitiisa ebyanda n'ebyanda. Amiina.

Abaheburayi 2:7

Wamukola yaabaaku ghansi gha bamalaika okumala akaseera. Wamuvaaza engule ey'ekitiisa era waamugha okutiibwa.

Yakobo 2:22

Obona ng'okwikiriza kwe bwe kwakolera aghalala n'ebikolwa bye, era ng'ebikolwa bye bwe byatuukiriza okwikiriza kwe.

Yakobo 3:13

Ghaligho mu imwe ali n'amagezi n'okumanha? Kale akakase ekyo nga yeebisa bukalamu mu bulamu bwe, mu bikolwa ebikalamu eby'okwewombeeka n'amagezi.

1 Petero 1:7

Bino birigho lwa kukakasa ng'okwikiriza kwaimwe kwa mazima. Oba nga ni zaabu ow'ekiseera obuseera ateebwa mu muliro yaakenenulwa, n'okwikiriza kwona okw'omughendo okusinga ni zaabu, kuteekwa okulebwa n'okukakasibwa. Olwo ni mwasaakibwa, mwagheebwa ekitiisa n'ekinhagansi ku lunaku Yesu Kurisito lw'alibonekeraku.

1 Petero 5:4

Olwo omwayi omukulu mwene bw'aliboneka, mulifuna engule ey'ekitiisa etawaagho.

1 Samueli 2:30

Nze Musengwa Katonda wa Isiraeli kyenva ni nkoba nti, nasuubiza ng'ab'endhu yo n'ab'endhu ya dhaadha wo banampeerezanga ekiseera kyonakyona. Aye mpegaano nze Musengwa Katonda nkoba nti ekyo nkimenhiegho, kuba abo abantaamu ekitiisa, be ndidha okutangamu ekitiisa, ate abo abaanhooma, tibaateebwengamu kanhagansi.