Ab'e Roma 16:7 - Baibuli Ekibono kya Katonda 2014

⁷ Muunamukize Anduroniko ni Yunia ab'eighanga lyange be nali nabo mu ikomera. Bano Abatume babaidhi bukalamu era n'abansooka okuba aba Kurisito.

Ab'e Roma 16:7 ပူးပေါင်းရင်းမြစ်များ

Isaia 45:17

Aye Musengwa Katonda buliidho aidha kulokolanga Isiraeli. Imwe Abaisiraeli ensoni tidhiribagema waire okuswazibwaswazibwa ebyanda n'ebyanda.’ ”

Isaia 45:25

Mu nze Musengwa Katonda, eizaire lyonalyona erya Isiraeli mwe lirifunira obughanguzi n'ekitiisa.”

Yoanne 14:20

Olunaku olwo bwe lulituuka mulimanha nga mba mu Lata wange, imwe mwaba mu nze, ate nze naaba mu imwe.

Yoanne 15:2

Kiisi lusaga oluli ku nze olutayama alukutulaku, ate kiisi lusaga olwama aluwoolera lwanhirira male lwayama inho.”

Yoanne 6:56

Kiisi alya omubiri gwange n'anhwa n'omusaayi gwange, aba mu nze zeena naamubaamu.

Ab'e Roma 16:10

Mulamuse Apelle omwesigwa mu Kurisito. Mulamuse ab'omu ndhu ya Arisitobulo.

Ab'e Roma 16:11

Muunamukize ni Herodioni muganda wange. Mulamuse aboluganda ab'omu ndhu ya Narukisso.

Ab'e Roma 16:21

Timotheo mukozi munange abalamwisa, okwo nga kw'otaire Lukio, Yasoni ni Sosipateri ab'eighanga lyange.

Ab'e Roma 16:3

Muunamukize Purisikilla ni Akwila bakozi banange mu Kurisito Yesu be tugheereza nabo,

Ab'e Roma 16:6

Muunamukize Maria eyakola einho emirimo mu imwe.

Ab'e Roma 16:8

Mulamuse Ampuliato mukagwa wange bwe twisania mu Musengwa.

Ab'e Roma 16:9

Mulamuse Urubano mukozi munaife mu Kurisito ye tugheereza naye. Mulamuse ni Sitaku mukagwa wange.

Ab'e Roma 8:1

Kale ni abo abali mu Kurisito Yesu tibakaali na musango.

Ab'e Roma 8:11

Oba nga Mwoyo wa Katonda eyazuukiza Yesu ali mu imwe, kale oyo eyazuukiza Kurisito Yesu, emibiri gyaimwe egifa gyona aligigha obulamu ku bwa Mwoyo we ali mu imwe.

Ab'e Roma 9:3

Kuba kasinga nze mwene Kurisito yandiinaamye olwa baganda bange, ab'eighanga eirala ninze.

1 Ab'e Korintho 1:30

Katonda oyo n'ensimuko ey'obulamu bwe muli nabwo mu Kurisito Yesu. Kurisito oyo Katonda ye yafuula amagezi gaife, era oyo n'atufuula abatuufu eri Katonda, era n'atutukuza, era oyo n'okununulibwa kwaife.

2 Ab'e Korintho 11:23

Abo bagheereza ba Kurisito? Nze mbasinga. Nga ndhogera ng'omulalu, mbasinga okukola einho. Nsibiibwa mu ikomera emikuzi kamaala okubasinga. Nkubiibwa emikuzi kamaala okubasinga, era emikuzi mingi naabulaku katono n'okufa.

2 Ab'e Korintho 12:2

Ndidhiyo Omukurisito eyatwalibwa mu igulu erya ghaigulu einho, buti emyaka ikumi n'ena egibiseegho. Tiidhi oba nga bwene kino kyaligho, oba kwali kubonekerwa. Tiidhi, Katonda yenka n'aidhi.

2 Ab'e Korintho 5:17

Agho ni buli muntu aba mu Kurisito aba kitonde kiyaaka, ekikaire kivaagho ekiyaaka kyaidha.

2 Ab'e Korintho 5:21

Kurisito tiyali na kibi, aye ku lwaife Katonda yamutaaku ebibi byaife tusobole okubita mu oyo okugabana ku butuufu bwa Katonda.

Ab'e Galatia 1:22

Era nali nkaali kumanhibwa bikunsu bya baikiriza mu Kurisito ab'e Buyudaaya.

Ab'e Galatia 2:2

Najaayo kuba Katonda yakindholeka nga kingwaniire okujaayo. Era nga tuli twenka n'abakulu, nayandha mu maiso gaibwe Amawulire Amalungi ge nalinga nga nkobera abamaghanga agandi. Ekyo nakikola omulimo gwe nali nkoze, ni gwe nali nja okukola gulobe kunfa busa.

Ab'e Galatia 2:6

Aye era abo abaaboneka ng'oti n'abakulu, oba bwenebwene bwe baali ekyo ku nze ti kya nsonga, kuba Katonda taboola mu bantu abakulu abo, nga bwe nkobye, mpaagho kiyaaka kye baanhongeraku.

Ab'e Galatia 5:6

kuba bwe tweyimba mu Kurisito Yesu, okukeketebwa n'obutakeketebwa byaga. Ekikulu n'okwikiriza okweyolekera mu kugonza.

Ab'e Galatia 6:15

Kuba ekikulu n'okufuuka ekitonde ekiyaaka, aye ti kukeketebwa oba obutakeketebwa.

Ab'Efeso 2:10

Kuba ife tuli bitonde bya Katonda, twatondebwa mu Kurisito Yesu tukole ebikolwa ebikalamu Katonda bye yatutegekera okuva eira.

Ab'e Kolosai 4:10

Arisitaruko musibe munange abalamwisa ni Mariko omwiwa wa Barunaba. Mariko ono ni ye nabakoberaku nti bw'aidhanga ye muli mumusangaaliranga.

Filemoni 1:23

Epafura musibe munange ku lwa Kurisito Yesu,

1 Yoanne 4:13

Kuno kwe tumanhira nga tuli mu oyo era nga yeena ali mu ife, kuba yatughaaku ku Mwoyo we.

1 Yoanne 5:20

Twidhi nga Omwana wa Katonda yaidha, era yaatugha okutegeera, tumanhe Katonda oyo ow'amazima. Era tuli mu oyo ow'amazima, mu Mwana we Yesu Kurisito. Ono ni Katonda mwene era n'obulamu obutawaagho.

Okwolekebwa 1:9

Ninze Yoanne muganda waimwe era Mukurisito munaimwe, agabanira aghalala n'imwe ku kudaazibwadaazibwa ni ku Bwakyabazinga bwa Kurisito era ni ku kuguminkiriza mu kudaazibwadaazibwa. Nateebwa ku kizinga ekyetebwa Patumo nga nangibwa okwegeresa abantu ekibono kya Katonda n'olw'okuba omudhulirwa wa Yesu.