Ab'e Roma 16:2 - Baibuli Ekibono kya Katonda 2014

² Mumusangaaze mu liina lya Musengwa ng'abantu ba Katonda bwe basangaaza, era mumuyambe mu kiisi ky'ayenda, kuba ye mwene yayamba abantu kamaala era nga zeena mwe ndi.

Ab'e Roma 16:2 ပူးပေါင်းရင်းမြစ်များ

Matayo 25:40

“Agho Kyabazinga alibairamu ati, ‘Bwenebwene ka mbakobere buli kye mwakolera omulala ati ku baganda bange bano abato, mwakikolera nze.’

Ebikolwa by'Abatume 9:13

Anania yairamu ati: “Musengwa, nawulira abantu kamaala nga boogera ku musaadha oyo ebibi kamaala bye yakola abantu bo ab'e Yerusalemu,

Ebikolwa by'Abatume 9:15

Musengwa yaakoba Anania ati: “Ja, kuba oyo nze mmwerondeire okumanhisa eriina lyange mu bamaghanga agandi, ni bakyabazinga, n'abantu ba Isiraeli.

Ebikolwa by'Abatume 9:36

Mu Yoppa mwalimu omukazi nga eriina lye ni Tabitha oba Dorukasi, ekitegeeza, empongo. Omukazi ono, yakolanga ebikolwa ebirungi era n'eby'ekisa.

Ebikolwa by'Abatume 9:39

Agho Petero yaasituka yaaja nabo. Bwe yatuuka baamutwala mu kisenge ekya ghaigulu. Banamwandu boonaboona baayemerera gh'ali nga balira era nga bwe bamulaga ebivaalo n'engoye edhindi Dorukasi bye yakola ng'akaali mulamu.

Ebikolwa by'Abatume 9:41

Petero yaamugema ku mukono yaamwemereza. Agho yaayeta abaikiriza ni banamwandu yaamubalaga nga mulamu.

Ab'e Roma 15:7

Buli muntu asangaazenga mwine nga Kurisito bwe yabasangaaza, olwo Katonda agheebwe ekitiisa.

Ab'e Roma 16:15

Mulamuse Filologo ni Yulia, Nereo ni mwanhina, ni Olumpa, n'abantu ba Katonda boonaboona be baba nabo.

Ab'e Roma 16:23

Gayo ansuza era nga mu ndhu ye, Ekikunsu eky'Abaikiriza mu Kurisito kyonakyona mwe kyesololeza, abalamwisa. Erasito omukuumi w'endyanga y'ekibuga n'owoluganda Kwaruto babalamwisa. [

Ab'e Roma 16:6

Muunamukize Maria eyakola einho emirimo mu imwe.

Ab'e Roma 16:9

Mulamuse Urubano mukozi munaife mu Kurisito ye tugheereza naye. Mulamuse ni Sitaku mukagwa wange.

Ab'Efeso 5:3

Ng'abatuukirivu bwe bandibaire, bino tibigwaine na kwogerebwa mu imwe: okwenda, obudankaanu, n'okwegomba okubi.

Ab'e Filippi 1:27

Ekikulu kiri nti mu bulamu bwaimwe mwebise nga bwe kigwaniire ababunia Amawulire Amalungi aga Kurisito. Agho ni oba ndidha okubabona oba tiidha, mbe nga mpulira nti mwekalangwire, muli muntu mulala, era nga kye munuyirira kiri kirala okulwanirira okwikiriza Amawulire Amalungi

Ab'e Filippi 2:29

Kale mumusangaalire inho ng'owoluganda mu Musengwa. Era abantu abali ng'oti n'oyo mubatengamu ekinhagansi,

Ab'e Kolosai 4:10

Arisitaruko musibe munange abalamwisa ni Mariko omwiwa wa Barunaba. Mariko ono ni ye nabakoberaku nti bw'aidhanga ye muli mumusangaaliranga.

1 Timotheo 2:10

Mu kifo ky'ebyo, bakole ebikolwa ebikalamu, nga bwe kigwanira abakazi abaisa mu Katonda ekitiisa.

2 Timotheo 1:18

Era oidhukira bukalamu bye yankolera nga tuli mu Efeso. Musengwa amugemerwe ekisa kye ku lunaku lule.

Tito 2:3

Abakazi abakulu boona bakubirizenga, babenga n'empisa edhigwanira abantu abatya Katonda nga tibasalagania bibono, era nga ti batamiivu. Bateekwa okwegeresanga ebigwaniire,

Filemoni 1:12

Ndi kumutuma aire y'oli, aye nga mmugonza inho.

Filemoni 1:17

Mbeeni oba nga nze ndi mwino, Onesimo musangaalire oti ni bwe wandisangaaliire nze.

2 Yoanne 1:10

Omuntu yeenayeena bw'aidhanga ye muli ng'aleeta endhegeresa etali eno, mutamusangaazanga mu maka gaimwe era mutamulamusanga.