Ab'e Roma 14:3 - Baibuli Ekibono kya Katonda 2014

³ Oyo alya kiisi kiriibwa kyonakyona atanhoomanga oyo atakirya. Ate oyo atakirya atanenianga ole akirya, kuba n'oyo Katonda yamusangaaza.

Ab'e Roma 14:3 ပူးပေါင်းရင်းမြစ်များ

Zekaria 4:10

Abo boonaboona ababaire bawoiremu amaani olw'okubona ng'ebintu biri kuja kasoobo, baja kusangaala nga baboine Zerubbabeli bw'ali kuja mu maiso n'okuzimba eisinzizo.”

Matayo 18:10

“Mwegendereze, obutanhoomanga ni bw'aba omulala ku bato bano. Kuba ka mbakobere, mu igulu, bamalaika baibwe buliidho babona amaiso ga Lata wange ali mu igulu. [

Matayo 9:14

Agho abeegeresebwa ba Yoanne baidha ye Yesu nga bakoba bati: “Lwaki ife n'Abafarisaayo tusiiba emikuzi kamaala aye nga Abeegeresebwa bo tibasiiba?”

Luka 18:9

Agho, abo abaali beidhi nga batukuvu era nga banhooma abandi boonaboona, yaabakobera olufumo luno:

Ebikolwa by'Abatume 10:34

Agho Petero yaatoolera okwogera, yaakoba ati: “Bwenebwene mperaano ntegeereire irala nga Katonda taboola mu bantu.

Ebikolwa by'Abatume 10:44

Agho Petero yali akaayogera ebyo, Mwoyo Mutukuvu yaika ku boonaboona abaali bawulirisa bye yali ayogera.

Ebikolwa by'Abatume 28:2

Abataka ab'oku kizinga baatulaga ekisa ekitaloodheka. Baatusangaalira twenatwena baatukumira omuliro, kuba amaadhi gaali gatooleire okugwa era nga n'obwire bwa kiinhogogo.

Ab'e Roma 11:15

kuba oba nga ekya Katonda okubalekulira agho kyaleetera ensi okwizaagho omukago ni Katonda, memale okwizibwa kwaibwe tikulireeta bulamu okuva mu kufa!

Ab'e Roma 14:1

Atali mugumu mu kwikiriza mumusangaazenga, aye mutatakananga naye mu ebyo by'adhuuba.

Ab'e Roma 14:10

Kale iwe lwaki onenia mwino? Twenatwena Katonda n'aja okutusalira omusango.

Ab'e Roma 14:13

Kale ni tukange agho buli muntu okunenianga mwine. Era tutaleeteranga waluganda kugwa mu kibi.

Ab'e Roma 14:15

Bw'onakughaza owoluganda olw'eky'okulya, oba nga tokaakolera ku kugonza. Eky'okulya ky'olya kitaleeteranga muntu Kurisito ye yafiirira kuzikirira.

Ab'e Roma 14:21

Kituufu obutalyanga mamba oba obutanhwanga omwenge ogw'emizabbibu, oba obutakolanga ekintu kyonakyona ekireetera owoluganda okugwa mu kibi.

Ab'e Roma 15:7

Buli muntu asangaazenga mwine nga Kurisito bwe yabasangaaza, olwo Katonda agheebwe ekitiisa.