Ab'e Roma 14:1 - Baibuli Ekibono kya Katonda 2014

¹ Atali mugumu mu kwikiriza mumusangaazenga, aye mutatakananga naye mu ebyo by'adhuuba.

Ab'e Roma 14:1 ပူးပေါင်းရင်းမြစ်များ

Yobu 4:3

Bona, oyegereisa abantu kamaala, era waagumya abanafu.

Isaia 40:11

Aidha kulabirira entaama dhe ng'oti n'omwayi bw'akola: asoloze edhikaali ento adhibbeedere mu kifuba, ate enzaire edhiyonsa adhitambuze mpola n'obwegendereza.

Isaia 42:3

Olugada oluvuniike talirukutulamu, n'olutambi olw'entaala olulikufenfeenha taliruzikiza, aye alireetera abantu okukolerwanga eby'amazima ebibagwaniire.

Ezekieli 34:16

Ndinoonia edhibuze, naiza edhitambuliratambulira eyo dhityo, edhimenheike naadhisibaku ekintu dhaayunga, n'enafu naadhiizaamu amaani. Era edho edhaageedha edh'amaani ndidhirabirira, kuba nze ndi mwayi akolera ku mazima.

Ezekieli 34:4

Enafu timudhirabirira kudhiizaamu maani, endwaire timudhiwonia, edhimenheike timudhisibaku kintu ni dhiyunga, edhitambulatambula eyo dhityo timudhiiza mu kisibo, n'edhibula timudhinoonia. Aye mudhitwala bya ntaka na bukambwe.

Zekaria 11:16

kuba, bona eno, ndi kutaagho mu nsi eno omwayi w'entaama atafaayo ku edho edhiri kuzikirira, oba okwagala edho edhiri kutambulatambula eyo dhityo. Era ataidhandhaba edho edhighenhera, waire okutwala edho edhikaali enamu aghali eisubi dhirye. Aye aligho okulya obulye emamba y'edho ensavu, n'alya n'amabbonge.

Matayo 12:20

Olugada oluvuniike talirukutulamu, n'olutambi olunioka taliruzikiza, okutuusa ng'atuusiiza amazima ku bughanguzi.

Matayo 14:31

Era Yesu yaagolola mangu omukono yaamugema, era yaamukoba ati: “Okwikiriza kwo nga kutono! Lwaki obuusiizabuusiiza?”

Matayo 18:10

“Mwegendereze, obutanhoomanga ni bw'aba omulala ku bato bano. Kuba ka mbakobere, mu igulu, bamalaika baibwe buliidho babona amaiso ga Lata wange ali mu igulu. [

Mariko 7:19

Kuba tikingira mu mwoyo gwe, aye kija mu nda, ate era yaakifulumya.” Mu ngeri eno yaakakasa ati emere yoonayoona nungi.

Luka 17:2

Oyo kyandimubeereire kikalamu ngoli asibibwa olubengo olunene mu nkoto n'asuulibwa mu nhandha, okusinga okuleetera ni bw'aba omulala ku bato bano okugwa mu kibi.

Yoanne 13:20

Bwenebwene ka mbakobere: oyo yeenayeena asangaalira ye mba nga ntumye, aba asangaaliire nze. Ate oyo ansangaalira, aba asangaaliire oyo eyantuma.”

Ebikolwa by'Abatume 28:2

Abataka ab'oku kizinga baatulaga ekisa ekitaloodheka. Baatusangaalira twenatwena baatukumira omuliro, kuba amaadhi gaali gatooleire okugwa era nga n'obwire bwa kiinhogogo.

Ab'e Roma 11:15

kuba oba nga ekya Katonda okubalekulira agho kyaleetera ensi okwizaagho omukago ni Katonda, memale okwizibwa kwaibwe tikulireeta bulamu okuva mu kufa!

Ab'e Roma 14:2

Omugumu mu kwikiriza azira ky'atalya, aye atali mugumu mu kwikiriza alya iva lyonka.

Ab'e Roma 14:21

Kituufu obutalyanga mamba oba obutanhwanga omwenge ogw'emizabbibu, oba obutakolanga ekintu kyonakyona ekireetera owoluganda okugwa mu kibi.

Ab'e Roma 14:3

Oyo alya kiisi kiriibwa kyonakyona atanhoomanga oyo atakirya. Ate oyo atakirya atanenianga ole akirya, kuba n'oyo Katonda yamusangaaza.

Ab'e Roma 15:1

Ife ab'amaani mu kwikiriza tugwaine okuyambanga abo abanafu mu kwikiriza, aye ti kwefaaku twenka.

Ab'e Roma 15:7

Buli muntu asangaazenga mwine nga Kurisito bwe yabasangaaza, olwo Katonda agheebwe ekitiisa.

Ab'e Roma 4:19

Okwikiriza kwe tikwakendeeraku waire yali agheziiza emyaka nga kikumi egy'obukulu, era nga omubiri gwe guboneka ng'oti guzira kye gukaaghanga, era ng'okwo ni kw'otaire n'ekya Sara okuba omugumba.

1 Ab'e Korintho 9:22

Mu banafu mu kwikiriza, nafuuka ng'omunafu nsobole okuleeta abanafu. Kale nafuuka ebintu byonabyona mu bantu boonaboona, bwe kiba nga kisoboka mbeeku ni be ndokola.

Ab'e Filippi 2:29

Kale mumusangaalire inho ng'owoluganda mu Musengwa. Era abantu abali ng'oti n'oyo mubatengamu ekinhagansi,

1 Ab'e Thessalonika 5:14

Aboluganda, tubakubiriza okulabulanga abagayaavu, mugumyenga abatali bagumu mu myoyo, mubeerenga abanafu, era muguminkirizenga abantu boonaboona.

Abaheburayi 5:14

Aye emere yeene n'ey'abantu abakulu abamaze okwega olw'ebyo bye babitamu, era ni basobola okwawulagho ekirungi n'ekibi.

2 Yoanne 1:10

Omuntu yeenayeena bw'aidhanga ye muli ng'aleeta endhegeresa etali eno, mutamusangaazanga mu maka gaimwe era mutamulamusanga.