Ab'e Roma 13:12 - Baibuli Ekibono kya Katonda 2014

¹² Obwire bujiire olunaku lunaatera okutuuka. Kale tuve mu bikolwa eby'enzikiiza, tugeme eby'okulwanisa eby'obutangaavu.

Ab'e Roma 13:12 ပူးပေါင်းရင်းမြစ်များ

Olwembo 2:17

Omugonzi wange, kyuka oire, obe eno ng'oti n'empuuli oba empongo ento bw'eba mu nsozi edh'e Betheli, okutuusa obwire bwe bunaakya buli kazikiiza nga kaweereiregho irala.

Isaia 2:20

Ku lunaku olwo, abantu balisuula ere ebisinzibwa ebitali Katonda ebya feeza ni zaabu. Ebintu ebyo beene bye beekolera okubisinzanga, balibirekera mpube na buwundowundo,

Isaia 30:22

Olwo mulitoola ebifaananie byaimwe ebibaadhe bye mwalimbyaku feeza, n'ebyo bye mwakola mu zaabu, mwabisuula ere ng'ebintu ebitali birongoofu, nga mukoba muti: “Muje ere, era timwiranga!”

Ab'e Roma 13:14

Aye tugeme eby'okulwanisa bya Musengwa waife Yesu Kurisito. Mutaganhanga mubiri kukola kye gwenda.

1 Ab'e Korintho 10:11

Bino byonabyona byabatuukaku bibe eby'okuboneraku eri abandi, era byaghandiikibwa olw'okutwegeresa ife abaligho mu biseera bino ng'ensi eri kumpi okutuuka ku nkomerero.

1 Ab'e Korintho 7:29

Aboluganda, kye nkoba ni kino nti ekiseera kisigaireyo kitono, era okuva ni mperaano abali n'abakazi beebise ng'oti bazira

2 Ab'e Korintho 10:4

Eby'okulwanisa mu lutalo lwaife ti bya nsi, aye n'ebyo ebiri n'amaani ga Katonda okuzikiriza amaani ag'omuzigu.

2 Ab'e Korintho 6:7

Twogera amazima n'amaani ga Katonda, era twakozesa obutuufu ng'eky'okulwanisa kyaife mu kulumba ni mu kwetaasa.

Ab'Efeso 4:22

Kale mwesambe obulamu obw'eira bwe mwalimu, obwayoneka n'okwegomba kwabwo okuguya.

Ab'Efeso 5:11

Muteeyimbanga mu kukola bintu bya mu nzikiiza ebiziramu nsa abantu bye bakola, aye mubyatuukirizenga.

Ab'Efeso 5:8

kuba eira mwali mu nzikiiza, aye okuva lwe muli bantu ba Musengwa, muli ba butangaavu. Kale mutambule ng'abantu abali mu butangaavu,

Abaheburayi 10:25

Tutagayaaliriranga kwesolozanga ng'abandi bwe bakola. Aye kiisi muntu agumyenga mwine n'okusingira irala nga mperaano bwe muli kubona ng'Olunaku lwa Musengwa luli kumpi okutuuka.

Abaheburayi 12:1

Kale twena nga bwe tuli n'abadhulizi kamaala batyo abatwezungulwire, tusuule ere kiisi kintu ekituzitoogherera era n'ekibi ekitwesibyeku. Tungire n'obumalirivu mu ntaka edh'okulumuka edhiteereibwagho,

Yakobo 1:21

Kale mulekeyo emize n'empisa embi dhoonadhoona, mwikirize n'obuwombeefu ekibono Katonda ky'asiga mu myoyo gyaimwe era ekisobola okubawonia.

Yakobo 5:8

Mwena muguminkirize. Mutawaamu isuubi kuba olunaku Musengwa lw'aliira luli kumpi.

1 Petero 2:1

Kale ni mwetoolemu emize gyonagyona emibi, obuguya, okwewoomya ku ngulu, ensaalwa n'okuvuma.

1 Petero 4:7

Enkomerero ey'ebintu byonabyona eri kumpi. Agho ni mubenga beetegefu era musabenga.

2 Petero 3:11

Oba nga ebintu bino bija kuzikirizibwa bityo, imwe mugwaine kuba mutya? Mugwaine kuba batukuvu era abatya Katonda mu bulamu bwaimwe.

2 Petero 3:9

Musengwa talwisaagho kutuukiriza kye yasuubiza ng'oti n'abandi bwe balowooza. Aye abaguminkiriza kuba tayenda naire muntu mulala ati kuzikirizibwa. Ayenda abantu boonaboona beenenie, bave mu bibi byaibwe.

1 Yoanne 2:18

Baana bange, ekiseera eky'enkomerero kituuse! Era nga bwe mwawulira muti Omuzigu wa Kurisito aidha, era ni mperaano abazigu ba Kurisito kamaala baidha. Kuno kwe tumanhira ng'ekiseera eky'enkomerero kituuse.

Okwolekebwa 1:3

Wa nkabi asomera abantu ebibono bino eby'obulanzi, era ba nkabi abo abawulira ebyaghandiikibwa bino ni babigema. Kuba ekiseera kiri kumpi.

Okwolekebwa 22:10

Era yankoba ati: “Ebibono by'obulanzi ebiri mu kitabo kino tobigisa mu kyama, kuba ekiseera kiri kumpi ebintu bino bibeegho.