Ab'e Roma 13:1 - Baibuli Ekibono kya Katonda 2014

¹ Kiisi muntu agonderanga abafuzi, kuba ghazira bufuzi butava wa Katonda era abafuzi abaligho baateebwagho Katonda.

Ab'e Roma 13:1 ပူးပေါင်းရင်းမြစ်များ

Zabbuli 62:11

Nkiwuliire emikuzi egisinga mu mulala nga Katonda akoba ati ni mwene buyinza,

Ensambo 24:21

Mwana wange otyanga Musengwa Katonda ni kyabazinga, era otabadheemeranga.

Danieli 2:21

Aleetera enaku n'ebiseera okukyukakyuka, yaataagho era yaatoolagho bakyabazinga. Aleetera abantu okuba n'amagezi, era yaabaleetera okuba n'okutegeera.

Danieli 4:17

Ekyo n'ekibonerezo ekyasalibwagho, ni kirangirirwa bamalaika abakuumi abatukuvu. Olwo abantu boonaboona eyo ye bali, basobole okumanha ng'oyo Ali Ghaigulu Yeene n'afuga obwakyabazinga obw'abantu. Era ng'abugha y'ayenda yeenayeena, ni bw'aba nga n'asingamu okuba omuwombeefu mu boonaboona.’ ”

Danieli 4:32

Baidha kukubinga bakutoole mu bantu, bakusindike mu nsolo edh'omu nsiko. Omale emyaka musanvu ng'olyanga isubi ng'oti nte, okutuusa lw'olimanha ng'oyo Ali Ghaigulu Yeene n'afuga obwakyabazinga obw'abantu. Era ng'abugha oyo y'ayenda yeenayeena.”

Matayo 6:13

Totutwala mu kulebwa, aye tulokole mu bubi.’

Yoanne 19:11

Yesu yaamwiramu ati: “Tiwandibaire na bukumu ku nze nguli tibwakugheebwa Katonda. Kale ampaireyo mu ngalo dho n'ali n'ekibi ekisinga.”

Ebikolwa by'Abatume 2:41

Abo abaasangaalira ebibono bye, baabatizibwa, era ku lunaku olwo, ku baikiriza kweyongeraku abantu ng'enkumi isatu.

Ab'e Roma 12:21

Ekibi kitakughangulanga, aye iwe kighangulenga ng'okola ebikalamu.

Ab'e Roma 13:2

Kale ni kiisi adheemera abafuzi, aba adheemeire abo Katonda be yataagho, era aba yeereeseeku mwene omusango

Ab'Efeso 5:21

Buli muntu awulirenga mwine olw'okwisaamu Kurisito ekitiisa.

Amateeka Agokubiri 17:12

Omuntu yeenayeena aneekuluntazanga, n'atawulira mulamuzi oba kabona ali eyo mu luwalo olw'okugheereza mu maiso ga Musengwa Katonda, aidha kwitibwanga bwitibwe mu nsambo eyo mwidha kwetoolangaku ekibi ekyo mu Isiraeli.

1 Timotheo 2:2

Era musabirenga abafuzi ni boonaboona abali mu buyinza, olwo tube bukalamu nga tuli miraala, nga tutya Katonda era nga twebisa bukalamu.

Tito 3:1

Idhukizanga Abakurisito bo okuwuliranga abafuzi n'ab'obuyinza, n'okubagonderanga, era babenga beetegefu okukola kiisi mulimo mukalamu.

Yuda 1:8

Abantu bano boona bwe bali. Bajiira ku kubonekerwa okw'obuguya, baaghaayo emibiri gyaibwe okugikozesa ebibi, baanhooma obuyinza bwa Katonda era baavuma eby'ekitiisa ebiri mu igulu.

Okwolekebwa 1:5

Era ni Yesu Kurisito, omudhulirwa omwesigwa, omuberi mu kuzuukira, era afuga bakyabazinga ab'oku nsi, yeena akole atyo. Kurisito oyo atugonza era eyatunaazaaku ebibi byaife n'omusaayi gwe,

Okwolekebwa 17:14

Balirwanisa Entaama Ento aye eribaghangula ng'eri ghalala n'abo abaginonereza be yayeta, be yalondamu era abeesigwa; kuba Entaama Ento eyo ni Musengwa w'abasengwa era ni Kyabazinga wa bakyabazinga.”

Okwolekebwa 19:16

Ku kivaalo kye ni ku kiteege kye nga kughandiikiibwaku eriina liti: “Kyabazinga wa bakyabazinga era Musengwa w'abasengwa.”

1 Samueli 2:8

Abbeeda abaavu yaabatoola mu nkungu, yaasitula abali mu bwetaavu yaabatoola mu ivu, yaabatyamya ghalala n'abakungu, yaabata mu bifo eby'ebitiibwa; kuba empango edh'ensi dha Musengwa Katonda, era ku mpango edho kwe yata ensi.