Ab'e Roma 12:7 - Baibuli Ekibono kya Katonda 2014

⁷ Oba twagheebwa kugheereza tugheerezenga, oba kwegeresa twegeresenga.

Ab'e Roma 12:7 ပူးပေါင်းရင်းမြစ်များ

Zabbuli 34:11

Mwidhe baana bange mumpulirise, ndidha kubeegeresa okutya Musengwa Katonda.

Zabbuli 51:13

Olwo ndyegeresa abasobya y'oli baatambulira mu ngira yo, n'aboonooni baakyuka baira y'oli.

Omulangirizi 12:9

Olw'okuba Omulangirizi yali mugezi, yeeyongeranga okusomesa abantu eby'okumanha. Yeekebeedhanga ensambo, yaadhisengeka bukalamu n'obwegendereza bungi.

Isaia 21:8

Agho omukuumi yaayasiikana ati: “Musengwa Katonda, nze mba ghano ku kituuti ekirengererwaku nga nkuuma omusana n'obwire.”

Matayo 28:19

Kale ni muje mu maghanga goonagoona, abantu mubafuule beegeresebwa, nga mubabatiza mu liina lya Lata n'erya Mwana, n'erya Mwoyo Mutukuvu

Yoanne 3:2

Lwali lulala ono yaaja ye Yesu obwire yaamukoba ati: “Mwegeresa, twidhi tuti oli mwegeresa ava ewa Katonda, kuba ghazira aghanga kukola byewuunhio bino by'okola okutoolaku nga Katonda ali naye.”

Ebikolwa by'Abatume 13:1

Mu Kikunsu ky'Abaikiriza mu Kurisito eky'omu Antiokia mwalimu abalanzi n'abeegeresa: Barunaba ni Simeoni, eyayetebwanga Omwirugavu, Lukio ow'e Kurene, Menayeni eyakulira aghalala n'omufuzi Herode, ni Saulo.

Ebikolwa by'Abatume 20:20

Mwidhi nga ghazira kiisi kintu kyonakyona kiganhula, kye nabagisa. Nakibeegeresanga ghalala era naabeegeresa ndhu ku ndhu.

Ebikolwa by'Abatume 20:28

Mwekuume imwe beene, mukuume n'abantu boonaboona Mwoyo Mutukuvu be yabagemya. Mulabirirenga Ekikunsu ky'Abaikiriza mu Kurisito, Katonda kye yeefunira olw'okufa kw'Omwana we.

Ebikolwa by'Abatume 6:1

Ebiseera byatuuka abeegeresebwa baaja nga beeyongera obungi. Ghaabaagho obutaisania ghagati w'abayudaaya aboogera Olugureki n'Abayudaaya aboogera Oluyudaaya. Kuba Abayudaaya aboogera Olugureki baali baduuduuma bati banamwandu baibwe baali tibafiibwaku mu ngabania ey'ebyetaago ebyabuliidho.

1 Ab'e Korintho 12:28

era mu Kikunsu ky'Abaikiriza mu Kurisito, Katonda yategeka emirimo ng'asookera ku batume, yaizaaku abalanzi, abokusatu n'abeegeresa olwo yaizaaku abakola ebyewuunhio, yaizaaku abawonia, ababeezi, abafuzi, n'aboogera mu nnimi.

1 Ab'e Korintho 12:5

Era ghaligho ensambo edh'okugheereza kamaala, aye Musengwa agheerezebwa ali mulala.

1 Ab'e Korintho 14:26

Kye nkoba ni kino aboluganda: Bwe mwesoloza okusinza, owundi aba n'olwembo olusaaka Katonda, ole yaaba ni ky'ayegeresa. Ole yaaba ni Katonda ky'amwoleike, ole yaaba n'okwogera mu nnimi, ate ole owundi yaaba n'okuvuunula ebyogerwa. Buli ekikolebwa kibe nga kigasa Ekikunsu eky'Abaikiriza mu Kurisito.

Ab'e Galatia 6:6

Oyo ayegeresebwa ekibono, atoole ku bibye byonabyona agheeku oyo amwegeresa.

Ab'Efeso 4:11

Era n'oyo eyagha abandi okuba abatume, abandi okuba abalanzi, abandi okukobera abantu Amawulire Amalungi, abandi okulabirira abantu ba Katonda, n'abandi okuba abeegeresa.

Amateeka Agokubiri 33:10

Baidha kwegeresanga abantu bo ebiragiro byo n'amateeka go. Baidha kuniokezanga obubbaani gh'oli. Baidha kughangayo emisengo egyokebwa ku alutaari yo.

Ab'e Kolosai 4:17

Mukobere Arikippo muti: “Oteekwa okumaliriza omulimo gwe wagheebwa mu bugheereza bwa Musengwa.”

1 Timotheo 2:7

Era ekyo n'ekyanteesaagho mbe omutume era omwegeresa ow'abamaghanga agandi, mbakobere eby'okwikiriza n'eby'amazima. Ndi kwogera mazima, tiri kuguya.

1 Timotheo 3:2

Omulabirizi tateekwa kubaaku ni kye bamwogeraku. Ateekwa okuba n'omukazi mulala, ateekwa okuba nga yeefuga, ataamu amagezi mu by'akola, yeebisa bukalamu, asangaalira abageni, ate aidhi okwegeresa.

1 Timotheo 4:16

Weekuume mu nsambo ye weebisaamu, era ni mu by'oyegeresa, era weekalangulire ku ebyo, kuba bw'okola otyo, olyerokola iwe mwene, era n'abo abakuwulira.

1 Timotheo 5:17

Abakulembeze b'abaikiriza abakola obukalamu, bagwaniire empeera ya mikuzi ebiri, ng'abasinga n'abo abakalabatana okukobera n'okwegeresa abantu ekibono kya Katonda.

2 Timotheo 2:2

Ebyo bye wawulira nga nkoba mu maiso g'abadhulirwa abangi, bigemye abantu abo abeesigwa abalisobola boona okubyegeresa abandi.

2 Timotheo 2:24

Ate nga omugheereza wa Musengwa tateekwa kuba asoolasoola, ateekwa kuba wa kisa eri kiisi muntu, omwegeresa omutuufu, ateegania,

2 Timotheo 4:2

Koberanga abantu ekibono, badeebe oba bakisiima oba tibakisiima, bainhonhole, obanenie era obagumye, obeegerese n'obuguminkiriza.

1 Samueli 12:23

Era ku lwange, neeghemba Musengwa Katonda ansaasire ndobe kukola kibi ni mmusungughaza, nga ndekayo okubasabira imwe. Era ndidha kubeegeresanga ekirungi era ekituufu kye mugwaine okukola.