Ab'e Roma 12:6 - Baibuli Ekibono kya Katonda 2014

⁶ Kale nga bwe tuli n'ebirabo eby'endhawulo olw'ekisa kya Katonda, tubikozesenga. Oba twagheebwa kya bulanzi, tukoberenga abantu ekibono kya Katonda ng'okwikiriza kwaife bwe kuli.

Ab'e Roma 12:6 ပူးပေါင်းရင်းမြစ်များ

Matayo 23:34

Kale ndidha kubatumira abalanzi, n'abasaadha abagezi n'abeegeresa abandi mulibaita, mwabakomerera ku misalaba, abandi mulibakuba enkoba mu sinagoga dhaimwe, era mwabakiriga mu buli kibuga.

Matayo 25:22

“N'oyo eyafuna talanta eibiri yaaseeta, yaakoba ati, ‘Musengwa, wampa talanta ibiri aye bona, nazaazaamu talanta edhindi ibiri.’

Luka 11:49

Ni mu Magezi ga Katonda kikoba kiti, ‘Abandi balibakiriga n'abandi balibaita.’

Ebikolwa by'Abatume 13:1

Mu Kikunsu ky'Abaikiriza mu Kurisito eky'omu Antiokia mwalimu abalanzi n'abeegeresa: Barunaba ni Simeoni, eyayetebwanga Omwirugavu, Lukio ow'e Kurene, Menayeni eyakulira aghalala n'omufuzi Herode, ni Saulo.

Ebikolwa by'Abatume 15:32

Yuda ni Sila boona nga bwe baali abalanzi, baalamba aboluganda mu bibono kamaala era baabagumya.

Ebikolwa by'Abatume 2:17

‘Katonda akoba ati ku nkomerero kino n'ekiribaagho: Ndiyugha ku bantu boonaboona Mwoyo wange. Batabane baimwe ni baghala baimwe baliranga ekiribaagho, n'abaisuka baimwe balibonekerwa, n'abakaire mu imwe baliroota ebirooto.

Ebikolwa by'Abatume 21:9

Yali ni baghala be bana abaali bakaali kubayira, abaakoberanga abantu ekibono kya Katonda.

Ab'e Roma 1:11

Kuba neegomba inho okubabona, mwena mughange okufunaku ekirabo eky'omwoyo okubagumya.

Ab'e Roma 12:3

Olw'ekisa Katonda kye yampa, nkoba kiisi mulala ku imwe obuteetwala nga wa kitalo. Aye yeebisenga bukalamu ng'ajiira ku kigero eky'okwikiriza Katonda kye yamugha.

1 Ab'e Korintho 12:18

Aye nga bwekiri, Katonda yata mu mubiri ebitundu eby'endhawulo nga bwe yayenda.

1 Ab'e Korintho 13:2

Era ni bwe mba n'amaani ag'obulanzi, ni ntegeera ebyama bya Katonda byonabyona, era ni mmanha ebintu byonabyona, era ni bwe mba n'okwikiriza okusobola okusimulagho ensozi, aye ni mba nga tigonza bantu banange, tiba na muganhulo.

1 Ab'e Korintho 14:1

Munuyirirenga okugonza banaimwe, era mufubenga okufuna ebirabo Mwoyo by'agha, era nga ekisinga bukulu n'eky'obulanzi.

1 Ab'e Korintho 14:24

Aye boonaboona bwe baba nga bali kulanga, memale ataikiriza oba ow'endha naingira, by'awulira byonabyona bimulumiriza olw'ebibi bye, era byamusalira omusango.

1 Ab'e Korintho 14:29

Ghabengagho babiri oba basatu abali n'obulanzi babwogerenga, abandi nga bwe bagerangerania ebyo ebyogeirwa.

1 Ab'e Korintho 3:5

Kuba bwenebwene Apollo naani? Era Paulo naani? Tuli bagheereza bugheereza ba Katonda, be yakozesa okutuusa imwe ku kwikiriza. Buli muntu ku ife akola omulimo Katonda gwe yamugha okukola.

1 Ab'e Korintho 7:7

Abantu boonaboona nguli baba oti ninze kyandibaire kikalamu, aye buli muntu ali n'ekitone kye eky'endhawulo Katonda ky'amugha. Ono amugha kino, ole yaamugha kire.

2 Ab'e Korintho 8:12

Kuba omuntu ayenda okugaba, asiimibwa Katonda olw'okugaba ekyo ky'ali nakyo se ti ekyo ky'azira.

Ab'Efeso 3:5

Mu byanda eby'eira ghazira muntu yeenayeena eyamanhisibwaku ku kino mu nsambo oti n'eno Mwoyo y'akyolekamu Abatume be n'abalanzi be abatukuvu.

Ab'Efeso 4:11

Era n'oyo eyagha abandi okuba abatume, abandi okuba abalanzi, abandi okukobera abantu Amawulire Amalungi, abandi okulabirira abantu ba Katonda, n'abandi okuba abeegeresa.

Ab'e Filippi 3:15

Twenatwena abakuze mu by'omwoyo tugwaine okuba n'ebidhuubo oti n'ebyo. Aye oba ng'abandi ku imwe muli n'ebidhuubo ebindi, Katonda aja kukibooleka bukalamu.

1 Ab'e Thessalonika 5:20

Mutagayiriranga bya bulanzi.

2 Petero 1:20

Ekikulu mu byonabyona, mumanhe nga ghazira asobola kuvuunula bya balanzi ebiri mu Byaghandiikibwa ku bubwe yenka;