Ab'e Roma 12:3 - Baibuli Ekibono kya Katonda 2014

³ Olw'ekisa Katonda kye yampa, nkoba kiisi mulala ku imwe obuteetwala nga wa kitalo. Aye yeebisenga bukalamu ng'ajiira ku kigero eky'okwikiriza Katonda kye yamugha.

Ab'e Roma 12:3 ပူးပေါင်းရင်းမြစ်များ

Ensambo 25:27

Nga bwe kitali kirungi kunhwa mudheenene gwa ndhuki mungi, era kityo bwe kitali kirungi muntu kwenda inho kusaakibwa.

Ensambo 26:12

Omusiru ghabaaghooku k'omusuubiramu, okusingaku ole eyeebona nga mugezi.

Omulangirizi 7:16

Kale ni otabitirizanga kuba mutuufu, oba kuba mugezi. Oidha kweita mwene.

Mika 6:8

Busa, Musengwa Katonda yatukobera ekikalamu kye tube tukole, era ni kino: Ayenda tukolenga ebintu mu butuufu, twolekenga okugonza okutakoma, era tumusinzenga nga tuli bawombeefu.

Luka 18:11

Omufarisaayo yaayemerera yaasaba mu mwoyo gwe ati, ‘Katonda wange nkwebaza, kuba tiri ng'oti n'abantu abandi, abanhazi, abazira mazima, abenzi era tiri ng'oti n'omughooza w'omusolo oyo.

Yoanne 3:34

Oyo Katonda ye yatuma ayogera ebibono bya Katonda, kuba Katonda tagaba Mwoyo we mu bipimo.

Ab'e Roma 1:5

Ku lw'oyo, Katonda yampa omukisa ogw'okuba omutume olwa Kurisito. Nsobole okutuusa abantu abamaghanga goonagoona ku kwikiriza ni ku kuba abagonvu,

Ab'e Roma 11:20

Kino kituufu. Dhaawogolwaku olw'obutaikiriza bwadho era iwe kwikiriza n'okukubeesiisaagho. Kale oteesuuta, weekuume.

Ab'e Roma 11:25

Aboluganda, nhenda mumanhe ekyama kino mulobe kwesuuta kuba bagezi, kuba abandi ku Baisiraeli baidha kusigala nga bakalangafu ba myoyo okutuusa omughendo ogw'abamaghanga agandi lwe gulimala okwidha ye Katonda.

Ab'e Roma 12:16

Mwisanienga mwenamwena. Muteekudumbazanga aye mubitenga n'abaghafu. Mulobe kwetwalanga ng'abagezi.

1 Ab'e Korintho 15:10

Aye olw'ekisa kya Katonda, kye nva ni mba nga bwendi buti. Era ekisa ekyo tikyafa busa. Nakola inho okusinga abatume abandi, waire nga mu butuufu ti ninze eyali akola, aye ekisa kya Katonda nga n'ekikolera mu nze.

1 Ab'e Korintho 3:10

Nga nkozesa ekirabo Katonda kye yampa, nataagho omusingi ng'omuzimbi omukugu, era omuntu owundi kw'ali kuzimbira. Kale buli azimbaku yeegendereze ensambo y'azimbiraku.

1 Ab'e Korintho 7:17

Buli muntu asigale mu bulamu Musengwa bwe yamugha, Katonda mwe yamwetera. Ntyo bwe ndhegeresa mu Bikunsu eby'Abaikiriza mu Kurisito byonabyona.

2 Ab'e Korintho 10:13

Aye ife titwidha kwesaaka kuswisa agho ghe tuteekwa kukanga. Twesaaka lwa mulimo Katonda gwe yatugha gwonka, nga mw'otwaliire n'okukola mu imwe.

2 Ab'e Korintho 12:13

Kale Ebikunsu eby'Abaikiriza mu Kurisito ebindi nabikolera ki kye ntaakolera imwe, okutoolaku okuba nga nze tyabakaluubiriza imwe? Munsonighe ekisobyo ekyo.

2 Ab'e Korintho 12:7

Aye olw'okundobera okwekudumbaza olw'okuba nafuna okwolekebwa okutali kwa buliidho, nafumitibwa eiwa mu mubiri erikola ng'omukwenda wa Sitaani okunkubanga, olwo ndobenga kwekudumbaza.

Ab'e Galatia 6:3

Kuba oyo eyeebona nga kintu kikulu ate nga tali, yeesubagha mwene.

Ab'Efeso 3:2

Ndhuuba nti mwawulira nga Katonda olw'ekisa kye yangemya omulimo guno ku lwaimwe.

Ab'Efeso 3:4

Bwe munaabisoma munaaghanga okubona nga nze bwe ntegeera ekyama eky'entegeka ya Kurisito.

Ab'Efeso 4:16

Kurisito oyo n'aleetera omubiri gwonagwona okuyungibwa, obuyungiro bwonabwona obugulimu bwagugemerera, kiisi kitundu kyagwo kyakola omulimo gwakyo bukalamu. Olwo omubiri gwakula, era gwazimbibwa mu kugonzania.

Ab'e Filippi 2:13

Kuba Katonda n'akolera mu imwe memale mwaganha era mwasobola okukola by'ayenda.

Ab'e Kolosai 1:29

Kino kye ntakabanira era ni nfaabiikana, mwene nga n'akolera mu nze n'amaani ge.

Ab'e Kolosai 2:13

Era imwe abaali abafu olw'okuba mu bibi byaimwe, era n'olw'obutaba bakekete mu mibiri gyaimwe, Katonda yabafuula abalamu ni Kurisito, nga amaze okutusonigha twenatwena ebibi byaife.

1 Timotheo 1:14

Musengwa waife yansaasira inho, yampa okwikiriza n'okugonza, bye tufunira mu Kurisito Yesu.

1 Timotheo 2:15

Aye omukazi alilokolerwa mu kuzaala, kasita akalangukira mu kwikiriza, ni mu kugonza, ni mu butuukirivu, ni mu kwebisa obukalamu.

1 Timotheo 2:9

Era nhenda abakazi bavaalenga ebivaalo ebigwaniire, balobe kwemalira ku misono gya nviiri, na ku kwewoomya nga bavaala ebya zaabu oba amabaale ag'omughendo, oba ebivaalo eby'omughendo einho.

Tito 2:12

Era kitwegeresa okutya Katonda n'okulekayo okwegomba okw'ensi eno, n'okuba abantu abasobola okwefuga, abeesimbu, era abatya Katonda mu nsi muno.

Tito 2:2

Kubirizanga abasaadha abakulu beefugenga, babenga bantu bakalamu. Batenga amagezi mu bye bakola, babenga baidhuvu mu kwikiriza, mu kugonza ni mu kuguminkiriza.

Tito 2:4

memale bagalagirenga bakazi banaibwe abakaali abato okugonzanga baibaibwe n'abaana baibwe.

Tito 2:6

Mu nsambo n'endala, kubirizanga abaisuka okwefuganga.

Yakobo 4:6

Aye atwoleka ekisa kye okusingagho, ekyaghandiikibwa kye kiva ni kikoba kiti: “Katonda atakania abeekudumbaza, aye abeewooya abooleka ekisa kye.”

1 Petero 1:13

Kale ni mu myoyo gyaimwe mubenga beetegefu era mwefugenga. Eisuubi lyaimwe lyonalyona mulitenga mu kisa Katonda ky'aja okubagemerwa ku lunaku Yesu Kurisito lw'alibonekeraku.

1 Petero 4:11

Oyo akobera abantu ekibono kya Katonda, akobere irala ekibono ekyo Katonda ky'amugha; oyo agheereza, agheerezenga n'amaani Katonda g'amugha. Olwo Katonda agheebwe ekitiisa mu byonabyona ku lwa Yesu Kurisito mwene kitiisa, n'obukumu, ebyanda n'ebyanda. Amiina.

1 Petero 4:7

Enkomerero ey'ebintu byonabyona eri kumpi. Agho ni mubenga beetegefu era musabenga.

1 Petero 5:5

Mu nsambo n'endala imwe abato mubenga bawulize eri abakulu mu myaka. Mwenamwena mubenga bawombeefu, nga kiisi mulala agheereza mwine. Kuba ebyaghandiikibwa bikoba biti: “Katonda atakania abeekudumbaza, aye abeewooya abooleka ekisa.”

1 Petero 5:8

Mwefugenga era mubenga beetegefu kuba Sitaani omuzigu waimwe aja nga atambulatambula ng'oti mpologoma eja ng'ewologoma, ng'eyagala y'enaakaavuula.

3 Yoanne 1:9

Naghandiikira Ekikunsu ky'Abaikiriza mu Kurisito aye Dioterefe ayenda okwefuula omukulu taganha bye mmukoba.