Ab'e Roma 12:16 - Baibuli Ekibono kya Katonda 2014

¹⁶ Mwisanienga mwenamwena. Muteekudumbazanga aye mubitenga n'abaghafu. Mulobe kwetwalanga ng'abagezi.

Ab'e Roma 12:16 ပူးပေါင်းရင်းမြစ်များ

2 Ebyomubyanda 30:12

Era amaani ga Katonda gaakolera mu Bayudaaya, beeyimba kitole nga bamalirivu okujiira ku kiragiro kyabazinga n'abakungu be, kye baabagha nga Musengwa Katonda bwe yalagira.

Yobu 36:5

Bona eno, Katonda wa maani, ezira muntu y'alekulira agho, era ghazira ky'atategeera.

Ensambo 17:5

Omuntu akiina abaavu aba ali kuvuma Katonda eyabatonda; n'oyo asekerera abali mu bizibu taliroba kubonerezebwa.

Ensambo 19:17

Agemerwa omwavu ekivunika aba ng'oti awoze Musengwa Katonda, era Musengwa Katonda oyo aja kumusasula olw'ekikolwa kye ekyo.

Ensambo 19:22

Obwesigwa n'obuleetera omuntu okwendebwa, era omwavu awula omuguya.

Ensambo 19:7

Omwavu akyayibwa aboluganda be boonaboona, era bwe kituuka ku bakagwa be, bamwesamba bwesambe! Ni bw'abeetereza atya tibaidha.

Ensambo 26:12

Omusiru ghabaaghooku k'omusuubiramu, okusingaku ole eyeebona nga mugezi.

Ensambo 26:5

Omusiru omwirangamu bya kisiru, olwo alobe kwebona ng'omugezi.

Ensambo 3:7

Iwe mwene oteebonanga ng'omugezi einho, aye tyanga Musengwa Katonda era weekuumenga obutakola bibi.

Isaia 5:21

Bakagwireku abo abeetwala okuba abagezi, ni beesuuta okuba abaidhi buli kintu.

Yeremia 32:39

Ndibaleetera okweyimba ekitole era nga bali n'ekigendererwa kirala, eky'okuntaamu ekitiisa olubeerera ku lw'obulungi bwaibwe beene n'obwa baidhukulu baibwe.

Yeremia 45:5

Obwo iwe oli kwenda obisibwe mu nsambo ey'endhawulo? Busa naire, ebyo biveeku. Ndidha kuleeta akabi ku bantu boonaboona. Aye iwe weesuneku, kuba oidha kuwoniangagho obulamu bwo, eyo yoonayoona y'olija. Nze Musengwa Katonda, ninze nkobye.”

Matayo 11:5

Abatulu babona, abalema batambula, abali n'endwaire ey'ebigenge balongooka, abaasemba amatu bawulira, abafu bazuukizibwa, n'abaavu bakoberwa Amawulire Amalungi.

Matayo 26:11

kuba abaavu muli nabo buliidho, aye nze timwidha kuba ninze buliidho.

Luka 14:13

Aye bw'ofumbanga embaga, oyetanga abaavu, n'abateesobola, n'abalema, n'abatulu

Luka 6:20

Yesu yaalingirira Abeegeresebwa be yaakoba ati: “Muli ba nkabi abaavu, kuba Obwakyabazinga bwa Katonda bwaimwe.

Ebikolwa by'Abatume 4:32

Abo boonaboona abaali baikiriza, baali n'omutima n'omwoyo mulala. Era nga ghazira akoba ku ebyo bye yabanga nabyo ati kuliku ekikye ku bubwe. Aye nga byonabyona byaibwe ghalala.

Ab'e Roma 11:20

Kino kituufu. Dhaawogolwaku olw'obutaikiriza bwadho era iwe kwikiriza n'okukubeesiisaagho. Kale oteesuuta, weekuume.

Ab'e Roma 11:25

Aboluganda, nhenda mumanhe ekyama kino mulobe kwesuuta kuba bagezi, kuba abandi ku Baisiraeli baidha kusigala nga bakalangafu ba myoyo okutuusa omughendo ogw'abamaghanga agandi lwe gulimala okwidha ye Katonda.

Ab'e Roma 12:3

Olw'ekisa Katonda kye yampa, nkoba kiisi mulala ku imwe obuteetwala nga wa kitalo. Aye yeebisenga bukalamu ng'ajiira ku kigero eky'okwikiriza Katonda kye yamugha.

Ab'e Roma 15:5

Era Katonda ensimuko y'okuguminkiriza era atwizaamu amaani, abaghe okwisania nga Kurisito Yesu bw'asiima.

Ab'e Roma 6:2

Busa naire. Oba nga olw'ekibi twafa, kabiri tughanga tutya okuba nga tukaali balamu mu kibi?

1 Ab'e Korintho 1:10

Aboluganda, mbeeghembye mu liina lya Musengwa waife Yesu Kurisito mwisanie, mulobe kweyawulayawulamu aye mube kitole mu kulowooza ni mu kukola.

1 Ab'e Korintho 3:18

Ghatabangagho muntu yeesubagha mwene. Omuntu yeenayeena mu imwe bwe yeerowooza okuba omugezi, mu magezi ag'ensi, afuuke musiru memale aghange okufuuka omugezi

1 Ab'e Korintho 4:10

Ku lwa Kurisito ife tuli basiru, aye imwe muli bagezi mu Kurisito oyo! Ife tuli banafu, aye imwe muli ba maani! Ife tunhoomebwa, aye imwe muteebwamu ekitiisa.

1 Ab'e Korintho 6:5

Timuswala? Bwenebwene mu imwe muzira muntu mugezi asobola kusala musango ghagati gh'aboluganda?

1 Ab'e Korintho 8:2

Ole bw'alowooza ati ali ni ky'aidhi, aba akaali kumanha nga bw'agwaine kumanha.

2 Ab'e Korintho 13:11

Ekisembayo aboluganda: Tukaali! Mufube okuba abatuukiriire, mujiire ku kugalaga kwange, mwisanie, mube n'emiraala, ni Katonda mwene kugonza era mwene miraala anaabanga n'imwe.

Ab'e Filippi 1:27

Ekikulu kiri nti mu bulamu bwaimwe mwebise nga bwe kigwaniire ababunia Amawulire Amalungi aga Kurisito. Agho ni oba ndidha okubabona oba tiidha, mbe nga mpulira nti mwekalangwire, muli muntu mulala, era nga kye munuyirira kiri kirala okulwanirira okwikiriza Amawulire Amalungi

Ab'e Filippi 3:16

Aye ekikulu tweyongere okujiira ku nkola ye tubairengaku okutuusa mperaano.

Ab'e Filippi 4:2

Ewodia ni Suntuke, mbeeghembye mwisanie mu kuwulira Musengwa.

Abaheburayi 13:5

Mulobenga kugonza mpiiya, aye bye muli nabyo bibamalenga. Katonda yakoba ati: “Tirikuvaaku naire era tirikulekulira agho naire.”

1 Petero 3:8

Ekisembayo mwisanienga mwenamwena era nga mulumirwagana. Mugonzenga aboluganda era mubenga ba kisa era abawombeefu.

1 Petero 5:3

Mulobenga kwebisa oti bafuzi mu byayo omwo, aye mubenga kya kuboneraku.

3 Yoanne 1:9

Naghandiikira Ekikunsu ky'Abaikiriza mu Kurisito aye Dioterefe ayenda okwefuula omukulu taganha bye mmukoba.