Ab'e Roma 12:12 - Baibuli Ekibono kya Katonda 2014

¹² Okusuubira kwaimwe kubakuumenga nga musagamba, mubenga baguminkiriza mu bizibu byaimwe era musabenga buliidho.

Ab'e Roma 12:12 ပူးပေါင်းရင်းမြစ်များ

Zabbuli 109:4

Bandhogeraku bibi byereere, waire nga nze mbagonza era naabasabira.

Zabbuli 37:7

Sirikanga ng'oli aghali Musengwa Katonda, oteegerere ky'anaakola. Ole ebintu ni bwebimujiira obukalamu, oba n'afuna ebintu ng'abita mu magira amabi, otafangayo.

Zabbuli 40:1

Eisuubi lyange lyonalyona nalita mu Musengwa Katonda era yaatega kutu yaawulira okulira kwange.

Zabbuli 62:8

Bantu bange, mumwesigenga ebiseera byonabyona, mumukobere ebiri mu myoyo gyaimwe byonabyona; kuba oyo n'omukuumi waife.

Ensambo 10:28

Abatuufu bye basuubira bituukirira baasangaala, aye ababi bye beesumba tibabifuna naire.

Ensambo 14:32

Ababi beereetera beene okugwa olw'ebikolwa byaibwe ebibi, aye abatuufu, obwesigwa bwaibwe n'obubakuuma.

Matayo 5:12

Musangaale era musagambe, kuba empeera yaimwe eri mu igulu nnene. Kuba batyo bwe baakiriga abalanzi abaabasooka.

Luka 10:20

Aye mutasangaala olw'okuba emizimu gibawulira, musangaale olw'okuba amaina gaimwe gaaghandiikibwa mu igulu.”

Luka 21:19

Mu kuguma kwaimwe mwe muliwoneza obulamu bwaimwe.”

Luka 8:15

Eyo eyagwa mu itaka eirungi, n'abo abawulira ekibono kya Katonda n'omwoyo ogugwaine era omulungi, baakikalangula baabala ebibala nga baguminkiriza.

Ebikolwa by'Abatume 1:14

Bano boonaboona beemalira ku kusaba n'omwoyo mulala, ghalala n'abakazi, ni Maria mukaire wa Yesu, ni baganda be.

Ebikolwa by'Abatume 12:5

Kale ni, Petero yaakuumirwa mu ikomera, aye Ekikunsu ky'Abaikiriza mu Kurisito kyekalangula okumusabira ye Katonda.

Ebikolwa by'Abatume 2:42

Beekalangulira mu kwegeresebwa kw'Abatume, ni mu kwisa ekirala, mu kumegula omugaati, ni mu kusaba.

Ebikolwa by'Abatume 6:4

Ife twidha kusigala ku kusaba na kwegeresa kibono kya Katonda.”

Ab'e Roma 15:13

Katonda, ensimuko ey'okusuubira, abaidhuze eisanhu n'emiraala olw'okumwikiriza, mughange okweyongeranga okuba n'eisuubi olw'amaani ga Mwoyo Mutukuvu.

Ab'e Roma 15:4

Byonabyona Ebyaghandiikibwa eira, byaghandiikibwa olw'okutwegeresa tusobole okubanga n'eisuubi olw'okuguminkiriza n'olw'amaani, ebiva mu Byaghandiikibwa.

Ab'e Roma 2:7

Abo abanoonia ekitiisa, okusaakibwa n'obutafa nga banhiinkiira okukola obukalamu, alibagha obulamu obutawaagho

Ab'e Roma 8:25

Aye bwe tusuubira ekyo kye tutabonaku, tulindirira n'okuguminkiriza.

1 Ab'e Korintho 13:13

Mperaano ghaligho ebintu bisatu: okwikiriza, okusuubira n'okugonza aye ekisinga bino obukulu, kugonza.

2 Ab'e Korintho 12:8

Emikuzi esatu nga neeghemba Musengwa antoolemu eiwa eryo.

Ab'e Filippi 3:1

Ekisembayo baganda bange, musagambirenga mu Musengwa. Tifaayo kwiramu kubaghandiikira ku bintu byene ebyo, era muganhulwa bwe nkikola.

Ab'e Filippi 4:4

Buliidho musagambirenga mu Musengwa. Era kabiri nkiiramu nti Musagambe!

Ab'e Kolosai 1:11

Mukalanguke olw'amaani goonagoona agaabagheebwa okuva mu bukumu bwe obw'ekitiisa, mughange okugumira buli kintu n'obuguminkiriza era n'okusagamba.

Ab'e Kolosai 1:27

Abo Katonda be yasiima okumanhisa obukombe obw'ekitiisa obuli mu kyama ekyo, mu bamaghanga agandi. Ekyama ekyo ni Kurisito ali mu imwe era eisuubi ery'ekitiisa ekiri kwidha.

Ab'e Kolosai 4:12

Epafura, owundi ku abo ab'ewaimwe, ate era omugheereza wa Kurisito Yesu, abalamwisa. Buliidho abasabira n'omwoyo gwe gwonagwona mwekalangule ng'abantu abakulu abeekakasa mu ebyo Katonda by'ayenda.

Ab'e Kolosai 4:2

Mwekalangulenga mu kusaba, era nga mwisangayo omwoyo ku bye musaba, era nga mweyanza.

1 Ab'e Thessalonika 1:3

Twidhukira mu maiso ga Katonda era Lata waife, nga bwe mwoleka okwikiriza n'okugonza kwaimwe mu bye mukola, era twidhukira nga bwe mwoleka eisuubi lyaimwe eritakoma mu Musengwa waife Yesu Kurisito.

1 Ab'e Thessalonika 5:8

Aye nga ife bwe tuli ab'omusana tulobe kutamiira, aye tube n'okwikiriza n'okugonza ng'ekivaalo eky'omu kifuba eky'ekyuma. Tube n'eisuubi ery'okulokoka ng'enkuufiira ey'ekyuma ku mutwe.

2 Ab'e Thessalonika 1:4

N'ife beene kye tuva ni tuwulira nga twesiimye n'imwe, mu Bikunsu eby'Abaikiriza mu Kurisito ebya Katonda, olw'okuguma n'okwikiriza bye muli nabyo mu kukirigibwa n'okudaazibwadaazibwa.

2 Ab'e Thessalonika 3:5

Musengwa abatuuse ku kugonza kwa Katonda ni ku kuguminkiriza kwa Kurisito.

1 Timotheo 6:11

Aye iwe omuntu wa Katonda, ebyo byonabyona bireke, ojiirenga ku butuufu, okutya Katonda, okwikiriza, okugonza, okuguminkiriza n'okuba omwikaikamu.

2 Timotheo 3:10

Aye iwe obaire olondoola bukalamu bye mbaire nga ndhegeresanga, ensambo ye neebisaamu, ekigendererwa kyange mu bulamu, okwikiriza kwange, okugumira ebizibu kwange, okugonza kwange, okuguminkiriza kwange,

Tito 2:13

Era tube nga tuteegerera olunaku olw'enkabi lwe tusuubira, era nga tuteegerera okuboneka okw'ekitiisa kya Katonda waife omukologho era Omulokozi waife Yesu Kurisito.

Tito 3:7

Ekyo yakikola okutugheesa obutuukirivu olw'ekisa kye, tusuubire okugheebwa obulamu obutawaagho.

Abaheburayi 10:32

Mwidhukire ebiseera eby'eira bwe mwamala okufuna obutangaavu bwa Katonda ni muguminkiriza okudaazibwa okw'amaani.

Abaheburayi 10:36

Mwetaaga okuguminkiriza, memale musobole okukola Katonda ky'ayenda, n'okugheebwa ekyasuubizibwa.

Abaheburayi 12:1

Kale twena nga bwe tuli n'abadhulizi kamaala batyo abatwezungulwire, tusuule ere kiisi kintu ekituzitoogherera era n'ekibi ekitwesibyeku. Tungire n'obumalirivu mu ntaka edh'okulumuka edhiteereibwagho,

Abaheburayi 3:6

Aye Kurisito yali mwesigwa ng'omwana akulira enhumba ya Katonda era ife niife enhumba ya Katonda kasita tukalanguka era ni twesiimira mu kusuubira.

Abaheburayi 5:7

Yesu mu bulamu bwe obw'oku nsi kuno, yayogerera ghaigulu mu kusaba kwe, era yaalira n'amaziga nga yeeghemba Katonda, eyali nga n'asobola okumuwonia okufa. Era olw'okutya Katonda okwo kwe yali nakwo, Katonda yamuwulira.

Abaheburayi 6:12

Ti twenda mube bagayaavu, aye mube ng'oti n'abo abaikiriza, era ni baguminkiriza, ni bafuna ebyasuubizibwa.

Abaheburayi 6:15

Aburahamu yaaguminkiriza, era atyo yaafuna Katonda kye yamusuubiza.

Yakobo 5:7

Baganda bange, muguminkirize okutuusa Musengwa lw'aliira. Mubonere ku mulimi bw'ateegerera eitaka lye okumugha amakungula ag'omugaso. Ateegerera amaadhi amatoigo n'amasambya.

1 Petero 4:13

Aye musangaale era musagambe olw'okubona nga mudaazibwadaazibwa ng'oti ni Kurisito, olwo mwidhule eisanhu, ekitiisa kye lwe kiriboneka.

1 Petero 4:7

Enkomerero ey'ebintu byonabyona eri kumpi. Agho ni mubenga beetegefu era musabenga.

2 Petero 1:6

ku kumanha mwongereku okwefuga, ku kwefuga mwongereku okuguminkiriza ku kuguminkiriza mwongereku okutya Katonda

Okwolekebwa 13:10

Kiisi muntu eyategekerwa okunhagibwa, alitwalibwa mu bunhage. Era kiisi muntu eyategekerwa okwitibwa empiima, alifa mpiima. Agho ni abatuukirivu bateekwa okuba n'okwikiriza era n'okuguminkiriza.