Ab'e Roma 11:7 - Baibuli Ekibono kya Katonda 2014

⁷ Kale tunaakoba tutya? Abaisiraeli tibaafuna ekyo kye baanuyirira? Abalondemu n'abaakifuna, aye abandi baakalanguka emyoyo,

Ab'e Roma 11:7 ပူးပေါင်းရင်းမြစ်များ

Ensambo 1:28

olwo mulindheta aye naabasiriikirira, mulindhagala mu buli kankondo aye nga timulimbona.

Isaia 44:18

Abantu abo bazira kye baidhi era bazira kye balowooza kikalamu. Baaziba amaiso gaibwe n'emyoyo gyaibwe, baaloba kubona waire okutegeera.

Isaia 6:10

Era yankoba ati: “Kalangusa emyoyo gy'abantu bano, osembe n'amatu gaibwe, otulughaze n'amaiso gaibwe; kuba tomanha bwe babona n'amaiso gaibwe, ni bawulira na matu gaibwe, era ni bategeera na myoyo gyaibwe, ni bakyuka ni mbawonia.”

Mariko 6:52

kuba n'eky'emigaati baali tibakitegeire olw'obukalangufu obw'emyoyo gyaibwe.

Luka 13:24

“Mufube inho okungirira mu mulyango omufunda, kuba ka mbakobere abantu kamaala baligezaaku okungira aye tibalighanga.

Yoanne 12:40

“Katonda abatuluwaiza, era yaakalangusa emyoyo, balobe kubona na maiso gaibwe, waire kutegeera na myoyo gyaibwe. Ti kulwa nga bagaluka baira ye ndi naabawonia.”

Ab'e Roma 10:3

Kuba bwe bataamanha nsambo Katonda y'aghaamu abantu obutuukirivu, baagundhagho ensambo eyaibwe ku bwaibwe, baaloba kujiira ku nsambo Katonda y'aghaamu obutuukirivu.

Ab'e Roma 11:25

Aboluganda, nhenda mumanhe ekyama kino mulobe kwesuuta kuba bagezi, kuba abandi ku Baisiraeli baidha kusigala nga bakalangafu ba myoyo okutuusa omughendo ogw'abamaghanga agandi lwe gulimala okwidha ye Katonda.

Ab'e Roma 11:5

Kityo bwekiri ni buti. Ghaligho abawonagho ni balondebwamu olw'ekisa kya Katonda.

Ab'e Roma 3:9

Kale ife Abayudaaya tuli ni kye tusinga abamaghanga agandi? Busa, tuzira kye tubasinga kuba mmaze okubalaga nti Abayudaaya n'abamaghanga agandi boonaboona bafugibwa ekibi,

Ab'e Roma 6:15

Kale tukole tutya? Tukole ekibi kuba tufugibwa ekisa kya Katonda? Busa naire.

Ab'e Roma 9:18

Kale ni Katonda asaasira oyo y'aba ayenze okusaasira era yaakalangusa omwoyo gw'oyo y'aba ayenze okukalangusa.

Ab'e Roma 9:23

Era yayenda okwoleka ekitiisa kye ekinene einho y'abo be yagemerwa ekisa, abo be yategekera ekitiisa okuva eira n'eira.

1 Ab'e Korintho 10:19

Ndi kukoba ki? Nti ebisinzibwa ebitali Katonda, oba eby'okulya ebigheebwayo, birimu amakulu?

2 Ab'e Korintho 3:14

Aye emyoyo gyaibwe gyakalanguka, kuba n'okutuukiza irala buti, bwe basoma endagaano enkaire, ekitambaala kyene ekyo kikaabaghembereire. Kurisito yenka n'asobola okutoolagho ekitambaala ekyo.

2 Ab'e Korintho 4:4

N'abo abataikiriza, kuba Sitaani omufuzi ow'ensi eno yabaghemba emyoyo, yaabalobera okubona obutangaavu obw'Amawulire Amalungi ag'ekitiisa kya Kurisito, oyo abonerwamu Katonda nga bw'afaanana.

Ab'Efeso 1:4

Katonda ng'abita mu Kurisito, yali yamala ira okutulonda nga n'ensi ekaali kutondebwa, tube batuukirivu abaziraku musango mu maiso ge.

Ab'Efeso 4:18

Emyoyo gyaibwe giidhwire nzikiiza. Bazira mugabo mu bya bulamu Katonda bw'agaba, kuba baidhwire obutamanha, era emyoyo gyaibwe mikalangafu.

Ab'e Filippi 1:18

Aye ekyo tikiinumya! Ndi musangaavu kuba abantu bakoberwa ebigema ku Kurisito mu nsambo yoonayoona ebaagho, k'ebe mu buguya oba mu butuufu.

Abaheburayi 12:17

Mwidhi nga ku nkomerero bwe yayenda okufuna omukisa ogwo, tiyagugheebwa, kuba tiyafuna kaghagaanhia ka kukyusa kye yali akoze, waire yagunoonia ng'alira.

1 Petero 1:2

Katonda Lata yabalonda ng'entegeka ye bwe yali, era Mwoyo we yaabatukuza musobole okugonderanga Yesu Kurisito, era mwamulwe n'omusaayi gwe. Enkabi n'emiraala byeyongerenga mu imwe.