Ab'e Roma 10:5 - Baibuli Ekibono kya Katonda 2014

⁵ Kino Musa kye yaghandiika ku butuukirivu obujiira ku Mateeka ati: “Kiisi akola ebyo Amateeka bye galagira, aliba mulamu.”

Ab'e Roma 10:5 ပူးပေါင်းရင်းမြစ်များ

Nehemia 9:29

Waabalabulanga, basobole okukyuka bagondere amateeka go. Aye beekuluntaza, baaloba kugondera biragiro byo, baakola bukole bibi. Ate nga mu kutuukiriza ebiragiro omuntu mw'afunira obulamu. Aye baakolanga bwa mpwitu era baakalangusanga emyoyo gyaibwe, baaloba kukugondera.

Isaia 55:3

Mwidhe ye ndi mutege amatu; muwulirise bye nkoba musobole okufuna obulamu. Ndikola n'imwe endagaano etaliwaagho, ey'okugonza kwange okutakoma kwe nagonzangamu Daudi.

Ezekieli 20:11

Naabagha ebiragiro byange, naabeegeresa n'amateeka gange kuba ebyo nga n'ebireetera omuntu okuba omulamu ng'abituukiriiza.

Ezekieli 20:13

Aye abantu ab'eighanga Isiraeli bandheemera nga bali eyo mu irungu, baaloba kujiira ku mateeka gange era baava ku biragiro byange, ebireetera omuntu okuba omulamu ng'abituukiriiza. Era baayonoona olunaku lwange olwa Sabbato. Agho naayenda mbamalireku ekiruyi kyange nga bali eyo mu irungu, mbazikirize mbamaliriregho.

Ezekieli 20:21

“Aye abaana boona bandheemera, baaloba kujiira ku mateeka gange era baava ku biragiro byange, ebireetera omuntu okuba omulamu ng'abituukiriiza. Baayonoona n'olunaku lwange olwa Sabbato. Agho naayenda okubamaliraku ekiruyi kyange, mboolekeze obusungu bwange nga bali eyo mu nsi Misiri.

Abalevi 18:5

Agho ni mugemenga amateeka n'ebiragiro bye mbagha. Anaabituukirizanga, anaabanga mulamu. Ninze Musengwa Katonda.

Ab'e Roma 7:10

era kyandeetera okufa. Kale ekiragiro ekyandibaire nga kindeetera obulamu, kyanviiramu kufa.

Ab'e Galatia 3:12

Aye Amateeka tigeesigama ku kwikiriza, kuba ebyaghandiikibwa era bikoba biti: “Oyo akola ebyo byonabyona bye galagira aliba omulamu olw'Amateeka.”

Amateeka Agokubiri 4:1

Musa yaayongera okukoba Abaisiraeli ati: “Agho ni muwulirenga amateeka n'ebiragiro bye ndi kubeegeresa mubituukirizenga, olwo mughange okuba abalamu, mwingire mu nsi Musengwa Katonda, Katonda wa badhaadha baimwe y'ali kubagha, era mugitwale.

Ab'e Filippi 3:9

olwo nsobole okumweyimbiraku irala. Tikaali na butuufu bwange ku bwange obuva mu kugema amateeka. Mperaano ndi n'obutuufu obuva mu kwikiriza Kurisito, obutuufu obuva ye Katonda era obuva mu kwikiriza.