Ab'e Roma 10:3 - Baibuli Ekibono kya Katonda 2014

³ Kuba bwe bataamanha nsambo Katonda y'aghaamu abantu obutuukirivu, baagundhagho ensambo eyaibwe ku bwaibwe, baaloba kujiira ku nsambo Katonda y'aghaamu obutuukirivu.

Ab'e Roma 10:3 ပူးပေါင်းရင်းမြစ်များ

Nehemia 9:33

Aye ate, mu byonabyona ebyatutuukaku, iwe wali mutuufu okutubonereza, kuba iwe wasigala ng'oli mwesigwa, aye ife twayonoona bwonoone.

Yobu 33:27

Era yaakobera abantu ati, ‘Nayonoona, naakola ebikyamu, aye Katonda taneesasuliizaaku.

Zabbuli 71:19

Obutuufu bwo butuuka ni mu igulu. Okoze ebintu ebikologho, ezira ali ng'oti niiwe.

Isaia 51:1

Musengwa Katonda akoba ati: “Mumpulirise imwe abanoonia okulokolebwa, mulowooze ku ibaale kwe mwabaadhibwa, ni ku kirombe eky'amabaale mwe baabasima.

Isaia 51:6

Mulinge ku igulu, mulinge ni ku nsi. Eigulu eryo liriwaagho ng'oti n'omwosi bwegubulagho, ensi yaakairigha ng'oti kivaalo, n'abagibaamu baafa ng'oti nsowera. Aye obulokozi bwange bwe ndeeta bwidha kubangagho byanda na byanda, mbawonienga aghazira kukoma.

Isaia 51:8

kuba baliwaagho ng'oti n'ekivaalo ekiriiriibwa ensiriri oba enseete. Aye obulokozi bwange bwe ndeeta bwidha kubangagho byanda na byanda, mbawonienga aghazira kulekera.”

Isaia 56:1

Musengwa Katonda akoba abantu be ati: “Mukolenga amazima n'obutuufu, kuba ndi kumpi kwidha okubalokola, era ndholeke nga ninze mbawonia ebizibu byaimwe.

Isaia 57:12

Imwe mulowooza muti bye mukola bituufu, aye nze ndyerula ebikolwa byaimwe, era ebyo bye musinza ebitali Katonda biriba tibikaabagasa naire.

Isaia 64:6

Twenatwena twafuuka ng'oti n'abatali balongoofu, n'ebikolwa byaife byonabyona ebirungi, biri ng'oti n'ekivaalo ekikongeire eiko. Olw'ebibi byaife, twenatwena tuli ng'oti makaba maniavu, era empewo etufuuwa ere yaatutwalikiza irala.

Okulira 3:22

Okugonza kwa Musengwa tikukoma n'ekisa kye tikiwa.

Danieli 9:24

“Katonda yalagira ekiseera kya myaka nsanvu emikuzi musanvu ku bantu bo ni ku kibuga kyo ekitukuvu, memale okwonoona kukomezebwe, n'okukola ebibi kuweegho. Olwo ebyonoono bisoniyibwe, ghairegho okukola amazima ebyanda n'ebyanda, n'okubonekerwa n'obulanzi bituukirizibwe, era n'eisinzizo eitukuvu liiremu okutukuzibwa.

Abalevi 26:41

ni bandeetera okubeefuulaku, ni mbasindika mu bunhage mu nsi y'abazigu baibwe, era baidhukulu baimwe abo bwe balimala okugonda, ni baganha okubonerezebwa olw'ebibi byaibwe,

Luka 10:29

Aye ole olw'okwenda okulaga ati ky'abuuziiza kya makulu, yaakoba Yesu ati: “Muntu munange naani?”

Luka 16:15

Aye yaabakoba ati: “Niimwe abeerongoosa mu maiso ag'abantu aye Katonda aidhi emyoyo gyaimwe kuba abantu kye basuuta, Katonda akyenhinhala.

Ab'e Roma 1:17

Kuba mu Mawulire ago obutuufu bwa Katonda mwe bubonekera. Obutuufu obwo Katonda abutugha lwa kwikiriza, era butoolerera mu kwikiriza bweyongerera mu kwikiriza. Era nga bwekyaghandiikibwa kiti: “Omutuufu anaabanga mulamu lwa kwikiriza.”

Ab'e Roma 10:2

Nkakasa nti benda inho okukola Katonda by'ayenda aye okwenda kwaibwe kuziramu kumanha kutuufu.

Ab'e Roma 10:20

Era ni Isaia akana yaakoba ati: “Abataanoonianga bandhagaana; naabonekera abatandhagalanga.”

Ab'e Roma 11:7

Kale tunaakoba tutya? Abaisiraeli tibaafuna ekyo kye baanuyirira? Abalondemu n'abaakifuna, aye abandi baakalanguka emyoyo,

Ab'e Roma 3:22

buno n'obutuukirivu Katonda bw'agha abantu boonaboona olw'okwikiriza Yesu Kurisito. Kuba mu boonaboona ghazira ndhawulo

Ab'e Roma 3:26

Aye mu biseera bino, abonereza abantu olw'ebibi byaibwe olw'okwoleka obutuukirivu bwe era nga bw'agha obutuukirivu buli muntu aikiriza Yesu.

Ab'e Roma 5:19

Era ng'okudheema okw'omuntu omulala bwe kwaleetera abantu kamaala okuba aboonooni, n'obuwulize obw'omuntu omulala butyo bwe bulireetera abantu kamaala okuba abatuukirivu.

2 Ab'e Korintho 5:21

Kurisito tiyali na kibi, aye ku lwaife Katonda yamutaaku ebibi byaife tusobole okubita mu oyo okugabana ku butuufu bwa Katonda.

Amateeka Agokubiri 6:25

Ife kye tugwaine okukola, n'okwegendereza tutuukirizenga byonabyona Musengwa Katonda waife bye yatulagira.’ ”

Ab'e Filippi 3:9

olwo nsobole okumweyimbiraku irala. Tikaali na butuufu bwange ku bwange obuva mu kugema amateeka. Mperaano ndi n'obutuufu obuva mu kwikiriza Kurisito, obutuufu obuva ye Katonda era obuva mu kwikiriza.

2 Petero 1:1

Ninze Simoni Petero omugheereza era omutume wa Yesu Kurisito. Mpandiikira abo abaafuna okwikiriza okuli ng'oti n'okwaife, olw'obutuufu bwa Katonda waife era Omulokozi waife Yesu Kurisito.