Ab'e Roma 10:20 - Baibuli Ekibono kya Katonda 2014

²⁰ Era ni Isaia akana yaakoba ati: “Abataanoonianga bandhagaana; naabonekera abatandhagalanga.”

Ab'e Roma 10:20 ပူးပေါင်းရင်းမြစ်များ

Ensambo 28:1

Ababi balumuka nga ghazira na kiri kubabinga, aye abatuufu baba bagumu ng'oti mpologoma.

Isaia 49:6

Musengwa Katonda oyo yankoba ati: “Iwe eky'okuba omugheereza wange n'okola ogw'okwizaagho ekitiisa ky'ebika bya Yakobo, n'okwiza Abaisiraeli abaawonagho, tikimala. Ku ebyo ndyongerezaaku okukufuula eitaala eri amaghanga, olwo ensi yoonayoona erokolebwe.”

Isaia 52:15

Atyo bw'alyewuunhisa amaghanga kamaala, bakyabazinga baabulwa eky'okwogera; kuba balibona ekitabakoberwangaku era baategeera kye batawulirangaku.”

Isaia 58:1

Musengwa Katonda era akoba ati: “Kaabuka era oyasiikane nga bw'osobola, obe ng'oti kuvuga kwa igwala. Okobere abantu bange okusobya kwaibwe; oyatulire ab'endhu ya Yakobo abo ebibi byaibwe.

Matayo 20:16

“Kale ab'ensembo batyo bwe baliba ab'emberi ate n'ab'emberi baaba ab'ensembo.”

Luka 14:23

Musengwa we kyeyava n'amulagira ati, ‘Ja mu nguudo enene ni mu ngira okake abantu okwidha, endhu yange eidhule.

Ab'e Roma 10:3

Kuba bwe bataamanha nsambo Katonda y'aghaamu abantu obutuukirivu, baagundhagho ensambo eyaibwe ku bwaibwe, baaloba kujiira ku nsambo Katonda y'aghaamu obutuukirivu.

Ab'e Roma 9:30

Kale tunaakoba tutya? Ka tukobe tuti abamaghanga agandi abataakolerera butuukirivu, baafuna obutuukirivu obuva mu kwikiriza.

Ab'e Roma 9:31

Aye ng'Abaisiraeli abaanoonia obutuukirivu obujiira ku Mateeka, tibaasobola kutuukiriza Mateeka ago.

1 Yoanne 4:19

Tugonza kuba mwene n'eyasooka okutugonza.