Ab'e Roma 10:2 - Baibuli Ekibono kya Katonda 2014

² Nkakasa nti benda inho okukola Katonda by'ayenda aye okwenda kwaibwe kuziramu kumanha kutuufu.

Ab'e Roma 10:2 ပူးပေါင်းရင်းမြစ်များ

2 Bakyabazinga 10:16

yaamukoba ati: “Idha tuje twembi, obone nga bwe neeghaireyo okutuukiriza ebya Musengwa Katonda.” Agho baajiira bombi mu kigaali kye eky'omu lutalo.

Zabbuli 14:4

Aye abakozi b'ebibi bano boonaboona, abalya abantu bange ng'oti balya mere, kiki kyene kye bataidhi, ekibalobera okusinza Musengwa Katonda?

Ensambo 19:2

Ti kirungi muntu kukola kintu nga tasoose kulowooza, era ole agwidhubana n'ebintu talwa kugwa mu nsobi.

Isaia 27:1

Ku lunaku olwo, Musengwa Katonda alikozesa empiima ye enkalangufu enkologho era endhogi einho, yaabonereza ogusota ogwetebwa Leviathani, ogwezingulula ni gulumuka. Aliita ogusolo ogwo oguba mu nhandha.

Yoanne 16:2

Balibabinga mu sinagoga. Ate ekiseera kirituuka oyo abaita lw'alirowooza ati okukola ekyo aba ali kukola mulimo gwa Katonda.

Ebikolwa by'Abatume 21:20

Bwe baakiwulira, baasaaka Katonda era baakoba Paulo bati: “Owoluganda, obona nga bwe ghaligho Abayudaaya enkumi n'enkumi abafuuse abaikiriza era nga boonaboona beekalangulira ku Mateeka.

Ebikolwa by'Abatume 21:28

nga bwe bawowoigana bati: “Abasaadha Abaisiraeli, mutuyambe. Ono n'omusaadha aja ng'ayegeresa buli ghantu okunhoomanga eighanga lyaife n'Amateeka n'ekifo kino. Era mperaano aleese n'Abagureki mu isinzizo, yaayonoona ekifo kino ekitukuvu.”

Ebikolwa by'Abatume 22:22

Abantu baamuwulirisa okutuusa bwe yayogera ekibono ekyo. Agho bainhama okwasiikana nga bakoba bati: “Mumutoolegho, kuba omuntu ng'oti n'oyo tagwaine kuba mulamu.”

Ebikolwa by'Abatume 22:3

“Ndi Muyudaaya, eyazaalibwa mu Taruso eky'omu Kilikia, aye eyakulira mu kibuga kino. Gamalieli yansomesa okukalangukira ku Mateeka ga badhaadha baife era neegheerayo irala ku bya Katonda era nga mwena bwe mukola buti.

Ab'e Roma 10:1

Aboluganda, omwoyo gwange kye gwenda era kye nsabira Abaisiraeli ye Katonda ni kino nti balokoke.

Ab'e Roma 10:3

Kuba bwe bataamanha nsambo Katonda y'aghaamu abantu obutuukirivu, baagundhagho ensambo eyaibwe ku bwaibwe, baaloba kujiira ku nsambo Katonda y'aghaamu obutuukirivu.

2 Ab'e Korintho 4:4

N'abo abataikiriza, kuba Sitaani omufuzi ow'ensi eno yabaghemba emyoyo, yaabalobera okubona obutangaavu obw'Amawulire Amalungi ag'ekitiisa kya Kurisito, oyo abonerwamu Katonda nga bw'afaanana.

2 Ab'e Korintho 4:6

Katonda eyakoba ati, “Ekimulika kyake mu nzikiiza!” N'eyaleeta ekimulika kye okwakira mu myoyo gyaife, okutumanhisa ekitiisa kya Katonda ekyakira ku maiso ga Kurisito.

2 Ab'e Korintho 8:3

Mbakakasa nti baagaba nga bwe basobola, ate n'okusinga baasinzaagho nga ghazira kukakibwa.

Ab'e Galatia 1:14

Bayudaaya banange bwe twaisuka, nabaswikirira inho mu kugema empisa edh'endhikiriza ey'Ekiyudaaya, era ni mu kwekalangulira ku mpisa dha badhaadha baife.

Ab'e Galatia 4:15

Okusangaala okwo kwaja gha? Kuba nkakasa nti nguli mwali musobola mwanditunduiremu n'amaiso gaimwe mwagampa naabonesa.

Ab'e Filippi 1:9

Era mbasabira okugonza kwaimwe kuje nga kweyongera, era mube n'amagezi n'okumanha kwonakwona.

Ab'e Filippi 3:6

Nali nga nhiinkiira okukiriga Ekikunsu ky'Abaikiriza mu Kurisito ate mu butuufu obuva mu kugema amateeka, nga nziraku nsobi.

Ab'e Kolosai 4:13

Nze mwene nkighaaku obudhulirwa nti akoze inho ku lwaimwe ni ku lw'abantu b'e Laodikea n'e Hierapoli.