Ab'e Roma 10:18 - Baibuli Ekibono kya Katonda 2014

¹⁸ Aye mbuuza: Kituufu tibaawulira bukwenda? Bwenebwene baabuwulira, ng'ebyaghandiikibwa bwe bikoba biti: “Amamiro gaibwe gaatuuka mu nsi yoonayoona. Ebibono byaibwe byawulirwa ensi y'ekoma.”

Ab'e Roma 10:18 ပူးပေါင်းရင်းမြစ်များ

1 Bakyabazinga 18:10

Ndayira mu Musengwa Katonda wo, nti ezirayo ighanga waire obwakyabazinga, musengwa wange kyabazinga y'ataatumya kukunooniayo. Era bwe baakobanga bati, ‘Ghano aziragho’, ng'alayiza obwakyabazinga obwo oba eighanga eryo, okukakasa nga tibakubonangaku.

Zabbuli 19:4

aye ate amamiro gaabyo gabitabita mu nsi yoonayoona, era kye bikoba kyatuukira irala ensi y'ekoma. Mu ebyo byene Katonda mwe yazimbira endhuba edhu yaayo.

Zabbuli 22:27

Okuva ku ndhuyi dhoonadhoona edh'ensi amaghanga galiidhukira Musengwa Katonda. Galikyuka gaira y'ali; ebika byonabyona birimusinza;

Zabbuli 98:3

Yakuuma ekisuubizo, kye yasuubiza endhu ya Isiraeli, eky'okubagonzanga obutalekera n'okubanga omwesigwa ye bali. Okuva ensi y'eva okutuuka y'ekanga, abantu boonaboona baabona obughanguzi bwa Katonda waife obulokola.

Isaia 24:16

Tuliwulira enhembo okuva ensi y'ekoma nga dhisaaka ekitiisa ky'oyo Omutukuvu. Aye nze nkoba nti nga nkagwireku! Ndi kuseenena buseenene mwoyo era naagoogomba naawaagho. Abantu ab'enkwe baba bwa mukusalira banaibwe nkwe. Era enkwe dhaibwe dheeyongera bweyongere okuba embi.

Isaia 49:6

Musengwa Katonda oyo yankoba ati: “Iwe eky'okuba omugheereza wange n'okola ogw'okwizaagho ekitiisa ky'ebika bya Yakobo, n'okwiza Abaisiraeli abaawonagho, tikimala. Ku ebyo ndyongerezaaku okukufuula eitaala eri amaghanga, olwo ensi yoonayoona erokolebwe.”

Isaia 52:10

Musengwa Katonda alikozesa omukono gwe omutukuvu ogw'obuyinza, yaalokola abantu be ng'ensi yoonayoona eri kubona.

Yeremia 16:19

Wo Musengwa Katonda, niiwe amaani gange era niiwe onkuuma; niiwe onhamba mu biseera ebizibu. Amaghanga galiva mu buli nsonda y'ensi, gaidha y'oli, gaakoba gati: “Badhaadha baife tibaali na Katonda, aye baali na bisinzibwa ebitali Katonda, ebintu obuntu ebiziramu muganhulo naire.

Matayo 24:14

Era n'Amawulire Amalungi ag'Obwakyabazinga galirangirirwa mu nsi yoonayoona, ng'amazima ag'okudhulirwa amaghanga goonagoona agho ni ng'enkomerero etuuka.

Matayo 26:13

Bwenebwene ka mbakobere: Buli Amawulire Amalungi gano ye galikoberwa, mu nsi yoonayoona, kino omukazi ky'akoze kyona kinaayogerwangaku okumwidhukira.”

Matayo 28:19

Kale ni muje mu maghanga goonagoona, abantu mubafuule beegeresebwa, nga mubabatiza mu liina lya Lata n'erya Mwana, n'erya Mwoyo Mutukuvu

Matayo 4:8

Kabiri Sitaani yaamutwala ku lusozi oluleeyi einho, yaamulaga obwakyabazinga obw'ensi n'ekitiisa kyabwo.

Mariko 16:15

Agho yaabakoba ati: “Muje mu nsi yoonayoona mukobere ebitonde byonabyona Amawulire Amalungi.

Mariko 16:20

Ate Abeegeresebwa baaja baayegeresa buli ghantu Musengwa ng'ali nabo. Ebibono byaibwe ng'abikakasa n'ebyewuunhio bye yabakozanga.] [Mangu ago baakobera Petero ni be yali nabo, byonabyona malaika bye yabalagira. Era ebyo olwawa, Yesu mwene yaabatuma okuja okulangirira Amawulire Amatukuvu agatawaagho ag'obulokozi woonawoona okuva e buvandhuba okutuuka e bugwandhuba.]

Ebikolwa by'Abatume 1:8

Aye mulifuna amaani Mwoyo Mutukuvu lw'alibaidhaku, mwaba badhulizi bange mu Yerusalemu, ni mu Buyudaaya mwonamwona, ni mu Samaria, n'okutuusa ensi y'ekoma.”

Ebikolwa by'Abatume 26:20

Aye natoolera n'ab'omu Damasiko, n'ab'omu Yerusalemu, n'ab'omu Buyudaaya yoonayoona, era n'ab'omu maghanga agandi, naabakobera beenenie, bakyuke baire ye Katonda, bakole ebikolwa ebyoleka nga beeneniiza.

Ebikolwa by'Abatume 28:23

Baamulaga olunaku era ku olwo baidha kamaala mu ndhu mwe yasulanga. Era okuva enkyo okutuusa eigulo yaabainhonholanga era ng'abakobera eby'Obwakyabazinga bwa Katonda. Yaafubanga okubaikirizisa Yesu nga adhuliza eby'omu Mateeka ga Musa n'ebyaghandiikibwa abalanzi.

Ab'e Roma 1:8

Nga ntoolera, neeyanza Katonda wange ku lwaimwe mwenamwena nga mbita mu Yesu Kurisito, kuba okwikiriza kwaimwe kwogerwaku mu nsi yoonayoona.

Ab'e Roma 15:19

mu maani ag'obumanhiso n'ebyewuunhio, ni mu maani aga Mwoyo Mutukuvu. Kale ntyo okuviira irala e Yerusalemu okutuukira irala mu Iluriko, nkobera abantu Amawulire Amalungi aga Kurisito.

Ab'e Kolosai 1:23

Aye niini, muli n'okuba n'okwikiriza nga mwekalangwire aghazira kwekyusa, era nga timuviire ku kusuubira okw'Amawulire Amalungi ge mwawulira. Zeena Paulo nafuuka mugheereza w'Amawulire gano agaakoberwa buli kitonde kyonakyona ekiri ghansi gh'eigulu.

Ab'e Kolosai 1:6

Amawulire gano agaabakoberwa era agaakoberwa ensi yoonayoona, galeese ebibala ng'oti ni bwe gabaire gakola mu imwe okuva ku lunaku lwe mwawulira era ni mumanha ekisa kya Katonda mu mazima.

1 Ab'e Thessalonika 1:8

Olw'ensambo ye mwebisangamu, ekibono kya Musengwa kyaja nga kiwulirwa mu Makedonia ni mu Akaia, era n'okwikiriza kwaimwe mu Katonda kwatuuka buli ghantu. Kale ghazira kye twetaaga kwogera,