Ab'e Roma 10:17 - Baibuli Ekibono kya Katonda 2014

¹⁷ Kale ni okwikiriza kuva mu kuwulira bukwenda, era obukwenda buli mu kukobera abantu ebigema ku Kurisito.

Ab'e Roma 10:17 ပူးပေါင်းရင်းမြစ်များ

Ab'e Galatia 3:2

Ka mbabuuzeeku kino kyonka: Mwafuna Mwoyo lwa kukola ng'Amateeka bwe galagira oba lwa kuwulira nakwikiriza bya Yesu?

Ab'e Galatia 3:5

Katonda oyo abagabira Mwoyo era n'akola ebyewuunhio mu imwe, akola atyo lwa kuba mukola ng'Amateeka bwe galagira oba lwa kuba muwulira era mwaikiriza?

1 Ab'e Thessalonika 2:13

Era titulekera kweyanza Katonda kuba bwe mwawulira ekibono kye, kye twabakobera mwakisangaalira ti ng'ekibono eky'abantu aye ng'ekibono ekya Katonda, nga era bwenebwene bwekiri ekibono kya Katonda ekikolera mu imwe abaikiriza.

Ab'e Kolosai 3:16

Ekibono kya Kurisito n'obukombe bwakyo kibenga mu myoyo gyaimwe. Buli muntu ayegeresenga era agalagirenga mwine mu magezi goonagoona. Mwembenga zabbuli n'enhembo edhisaaka Katonda, n'enhembo edh'omwoyo nga mwoleka okusiima kwaimwe mu myoyo gyaimwe eri Katonda.

Luka 11:28

Aye Yesu yaakoba ati: “Abasinga okuba ab'enkabi n'abo abawulira ekibono kya Katonda ni bakigema.”

Mariko 4:24

Ekindi, yaabakoba ati: “Mwegendereze bye muwulira, ekigero ky'ogerera abandi weena ky'oligererwa, ate n'okwongerwa kiryongerwaku;

Luka 8:21

Yesu yaabairamu ati: “Mukaire wange ni baganda bange n'abo abawulira ekibono kya Katonda era ni bakikoleraku.”

Ab'e Roma 1:16

Amawulire Amalungi tigangemya nsoni, kuba n'amaani ga Katonda agalokola buli aikiriza, okusookera ku Bayudaaya memale oizeeku abamaghanga agandi.

Ab'e Roma 10:14

Aye balisaba batya oyo ye bataikirizanga? Era baliikiriza batya oyo ye batawulirangaku? Era baliwulira batya nga ghazira muntu abakobeire?

1 Petero 1:23

Kuba mwazaalibwa omukuzi ogwokubiri. Aye ku luno timwazaalibwa muzaire oyo afa, aye mwazaalibwa oyo atafa, nga mubita mu kibono kya Katonda ekiramu era ekitawaagho.

Luka 8:11

“Mperaano olufumo lutegeeza kino: Ensigo, n'ekibono kya Katonda.

Okwolekebwa 1:9

Ninze Yoanne muganda waimwe era Mukurisito munaimwe, agabanira aghalala n'imwe ku kudaazibwadaazibwa ni ku Bwakyabazinga bwa Kurisito era ni ku kuguminkiriza mu kudaazibwadaazibwa. Nateebwa ku kizinga ekyetebwa Patumo nga nangibwa okwegeresa abantu ekibono kya Katonda n'olw'okuba omudhulirwa wa Yesu.

2 Ab'e Korintho 2:17

Tituli oti n'abantu abandi kamaala abakozesa ekibono kya Katonda okufunamu kye banaalya, aye tuli bantu Katonda be yatuma, era twogera mazima mu maiso ge, ng'abagheereza mu Kurisito.

Yobu 42:5

Nawuliranga buwulire bye bakwogerangaku, aye mpegaano nkweboneireku n'agange.

Abaheburayi 4:2

Kuba twena twawulira Amawulire Amalungi ng'oti ni beene bwe baagawulira. Aye bye baawulira tibyabaganhula, kuba byabaagaana nga baziramu kwikiriza.

Yoanne 1:37

Abeegeresebwa be abo ababiri baawulira ekyo baanonereza Yesu.