Ab'e Roma 10:16 - Baibuli Ekibono kya Katonda 2014

¹⁶ Aye ti boonaboona abaikiriza Amawulire Amalungi, kuba Isaia akoba ati: “Musengwa, naani aikiriza obukwenda bwaife?”

Ab'e Roma 10:16 ပူးပေါင်းရင်းမြစ်များ

Isaia 50:10

Buli muntu ata mu Musengwa Katonda ekitiisa, era n'ajiira ku ebyo omugheereza wa Musengwa Katonda oyo by'akoba, ni bw'atambulira mu nzikiiza ng'azira kimulika, yeesigenga bwa Musengwa Katonda oyo, agumirenga ku Katonda oyo.

Isaia 53:1

Abantu bairamu bati: “Naani asobola okwikiriza bye tuwuliire? Era naani asobola okwikiriza ati omukono gwa Musengwa Katonda n'ogwakola ekyo?

Matayo 13:14

Era abo batuukiriza Isaia kye yalanga ng'akoba ati, ‘Okuwulira muliwulira aye timulitegeera, era n'okubona mulibona aye timulitegeera;

Yoanne 10:26

Imwe timwikiriza kuba timuli ntaama dhange.

Ebikolwa by'Abatume 28:24

Abandi baikiriza olw'ebyo bye yayogera aye abandi baaloba kwikiriza.

Ab'e Roma 1:5

Ku lw'oyo, Katonda yampa omukisa ogw'okuba omutume olwa Kurisito. Nsobole okutuusa abantu abamaghanga goonagoona ku kwikiriza ni ku kuba abagonvu,

Ab'e Roma 11:17

Aye oba nga ensaga edhindi edh'omuti omwoliva ogw'omu nimiro dhaawogolwaku, iwe ng'olusaga olw'omuti omwoliva ogw'omu nsiko, waateebwa mu kifo kyadho okugabana ku bugimu bwa gwo,

Ab'e Roma 16:26

Aye buti ekyama ekyo kimanhisiibwa mu Byaghandiikibwa abalanzi. Katonda atawaagho yalagira kimanhibwe amaghanga goonagoona, abantu baghange okwikiriza Katonda era n'okumugonderanga.

Ab'e Roma 2:8

Aye abo ab'entaka era abatenda mazima era abakola ebibi, Katonda alibasungughalira, yaabakambughalira.

Ab'e Roma 3:3

Memale bwe kiba ng'abandi ku abo tibaali beesigwa, kitegeeza nti Katonda taliba mwesigwa?

Ab'e Roma 6:17

Aye Katonda yeekaza, kuba mwali nga muli bairu ba kibi, aye mwaganha n'omwoyo gwaimwe gwonagwona ebyo ebyali mu kwegeresebwa kwe mwagheebwa.

Ab'e Galatia 3:1

Imwe abantu ab'e Galatia abazira magezi, muli baloge? Abantu abainhonholwa obukalamu, ni mubona Yesu Kurisito nga bwe yakomererwa ku musalaba!

Ab'e Galatia 5:7

Ate ni, mwali mukola bukalamu naani eyabalekeza okugondera amazima?

2 Ab'e Thessalonika 1:8

Aliidha n'omuliro ogwaka, yaaleetera abatatya Katonda n'abatagondera Mawulire Malungi aga Musengwa waife Yesu, okudaagadaaga.

Abaheburayi 11:8

Okwikiriza n'okwaleetera Aburahamu okuwulira Katonda bwe yamweta ave ku butaka, aje mu nsi ye yali aja okugheebwa ng'ekisuubizo, era yaaja nga taidhi y'aja.

Abaheburayi 4:2

Kuba twena twawulira Amawulire Amalungi ng'oti ni beene bwe baagawulira. Aye bye baawulira tibyabaganhula, kuba byabaagaana nga baziramu kwikiriza.

Abaheburayi 5:9

Era ng'amaze okutuukirizibwa, abo boonaboona abamugondera yabafuukira ensimuko ey'obulokozi obutawaagho,

1 Petero 1:22

Nga bwe mwamala okutukuza emyoyo gyaimwe nga mugondera amazima, ni mugonzania ng'aboluganda, mweyongere okugonzania n'omwoyo oguziramu buguya.

1 Petero 2:8

Era biti: “Lino n'eibaale abantu kwe beekontola ni bagangalima, olubaale lwe beeguunhaku ni bagwa.” Bagangalima kuba tibaikiriza kibono, kye kikoba era atyo Katonda bwe yabategekera.

1 Petero 3:1

Mu nsambo n'endala, abakazi muwulirenga baibaimwe. Olwo, abandi ku abo waire mperaano tibaikiriza kibono, basobole okuleetebwa mu kwikiriza olw'empisa dhaimwe enkalamu nga ghazira ni kye mubakobyeku.