Ab'e Roma 10:14 - Baibuli Ekibono kya Katonda 2014

¹⁴ Aye balisaba batya oyo ye bataikirizanga? Era baliikiriza batya oyo ye batawulirangaku? Era baliwulira batya nga ghazira muntu abakobeire?

Ab'e Roma 10:14 ပူးပေါင်းရင်းမြစ်များ

Yona 1:16

Abasaadha baatya Musengwa Katonda ekibitiriire. Baamugha omusengo era beeyama.

Yona 1:5

Olw'okutya okunene, abavuzi b'eryato baalira, buli muntu yaayeta omusambwa gwe. Baatoola ebintu ebyali mu lyato baabisuula mu nhandha olw'okuwewula ku lyato. Aye Yona yali aserengeite mu kisenge ekya ghansi eky'omu lyato, era ng'atendwike endoolo enhingi einho.

Matayo 20:7

Baamukoba bati: “Kuba ghazira atughaire kya kumukolera.” Yaabakoba ati: “Mwena muje mu isamba ery'emizabbibu.”

Yoanne 20:31

Aye bino byaghandiikibwa ku lwaimwe, mwikirize nga Yesu ni Kurisito, Omwana wa Katonda, era olw'okwikiriza okwo, mufune obulamu mu liina lye.

Yoanne 9:36

Omusaadha yaamukoba ati: “Musengwa, naani mmwikirize.”

Ebikolwa by'Abatume 19:2

yaababuuza ati: “Mwafuna Mwoyo Mutukuvu bwe mwaikiriza?” Baamwiramu bati: “Tituwuliranga naku tuti eriyo Mwoyo Mutukuvu.”

Ebikolwa by'Abatume 8:31

Omwethiopia yaamwiramu ati: “Mpanga ntya okubitegeera, okutoolaku nga ghaligho abiinhinhongoire?” Agho yaasaba Filipo aniine atyame naye mu kigaali.

Ab'e Roma 1:5

Ku lw'oyo, Katonda yampa omukisa ogw'okuba omutume olwa Kurisito. Nsobole okutuusa abantu abamaghanga goonagoona ku kwikiriza ni ku kuba abagonvu,

Ab'Efeso 2:17

Kurisito yaidha yaabakobera Amawulire Amalungi ag'emiraala, imwe abaali eghala n'abo abaali okumpi.

Ab'Efeso 4:21

Nkakasa nga mwamuwuliraku, era imwe ng'ababe, mwayegeresebwa amazima agali mu Yesu.

Amateeka Agokubiri 30:13

Era tibiri ere ng'osomoike enhandha, olwo mukobe muti, ‘Naani anaatusomokera enhandha abituleetere, memale tughange okubiwulira n'okubituukiriza?’

2 Timotheo 4:17

Aye Musengwa yali ninze, era yampa amaani naakobera mu bwidhuvu abamaghanga agandi ekibono kya Katonda, baakiwulira. Olwo yamponia okunsalira ogw'okufa.

Tito 1:3

Era mu kiseera ekituufu yaabutwolekera mu bukwenda bwe. Obukwenda buno bwampeebwa, era Katonda Omulokozi waife yampa ekiragiro mbukobere abantu.

Abaheburayi 11:6

Ghazira aghanga kusiimya Katonda ng'azira kwikiriza. Kuba aja ye Katonda ateekwa okwikiriza nga Katonda aligho, era ng'agha empeera abo abamunoonia.

Yakobo 5:15

Okusaba okwo nga kukoleibwa n'okwikiriza, kuliwonia omulwaire oyo. Musengwa alimugologosa era bwe ghalibaagho ebibi bye yakola birisoniyibwa.