Ab'e Roma 1:9 - Baibuli Ekibono kya Katonda 2014

⁹ Katonda n'omudhulizi nga bye nkoba bituufu, kuba oyo ye mpeereza n'omwoyo gwange gwonagwona nga nkobera abantu Amawulire Amalungi agagema ku Mwana we. Katonda oyo akiidhi nga buliidho mbaidhukira buli lwe nsaba,

Ab'e Roma 1:9 ပူးပေါင်းရင်းမြစ်များ

Yobu 16:19

Ni mu kaseera kano mu igulu eriyo andhulira; ghaigulu eyo eriyo ansemba nga ndi mutuufu.

Mariko 1:1

Entandiika y'Amawulire Amalungi aga Yesu Kurisito Omwana wa Katonda.

Luka 18:1

Agho yaabafumira olufumo okubalaga ati bagwaine okusabanga buliidho era n'obutakoogha.

Ebikolwa by'Abatume 12:5

Kale ni, Petero yaakuumirwa mu ikomera, aye Ekikunsu ky'Abaikiriza mu Kurisito kyekalangula okumusabira ye Katonda.

Ebikolwa by'Abatume 19:21

Ebyo nga bimaze okubaagho, Paulo yaamalirira mu mwoyo gwe okubita mu Makedonia ni mu Akaia era aje e Yerusalemu era yaakoba ati: “Nga mmaze okutuuka eyo, nteekwa n'okuja e Roma.”

Ebikolwa by'Abatume 24:14

Aye kino nkyatula mu maiso go nti, nsinza Katonda wa badhaadha baife nga ntambulira mu Ngira abo ye bakoba mbu nkyamu, era ndhikiriza ebyo byonabyona eby'omu Mateeka n'ebyaghandiikibwa abalanzi.

Ebikolwa by'Abatume 27:23

kuba obwire obwabise malaika wa Katonda wange ye mpeereza yayemereire ghe ndi

Ebikolwa by'Abatume 3:26

Agho ni, Katonda bwe yalonda Omwana we, yasooka kumutuma ye imwe abaghe enkabi nga buli mulala akyuka yaaleka ebibi bye.”

Ab'e Roma 9:1

Ndhogera mazima mu Kurisito tiguya, era n'omwoyo gwange gundhulira mu Mwoyo Mutukuvu.

2 Ab'e Korintho 1:23

Katonda aidhi ebiri mu mwoyo gwange n'omudhulizi wange, nti olw'obutenda kubataghaania n'ekyandobera okwidha e Korintho.

2 Ab'e Korintho 11:31

Katonda era Lata wa Musengwa waife Yesu, asaakibwa ebyanda n'ebyanda, aidhi nga tiri kuguya.

Ab'e Galatia 1:20

Ndayira mu maiso ga Katonda nga bye ndi kubaghandiikira, tiri kusubagha!

Ab'Efeso 6:18

Buliidho musabenga, nga Mwoyo bw'anaabanga abagalagiire. Mubenga beetegefu nga timwiririra, musabirenga abatuukirivu boonaboona.

Ab'e Filippi 1:3

Nsiima Katonda wange kiisi lwe mbadhuuba.

Ab'e Filippi 1:4

Kiisi lwe mba nga mbasabira mwenamwena, nsaba nga ndi musangaavu

Ab'e Filippi 2:22

Aye omugaso gwa Timotheo mugwidhi bukalamu, mwidhi bwe tubairenga nga tusansaania naye Amawulire Amalungi, ng'oti n'omwana n'ise bwe bandikoze.

Ab'e Filippi 3:3

Kuba niife abaafuna okukeketebwa okutuufu, abasinza Katonda nga Mwoyo we bw'atugalagira, abasagambira mu kwisa ekirala mu Kurisito Yesu, era abatata bwesige mu bya mubiri.

1 Ab'e Thessalonika 1:2

Buliidho tusiima Katonda olwa imwe mwenamwena nga titwosa kubasabira.

1 Ab'e Thessalonika 3:10

Tumweghemba omusana n'obwire atuganhe okubonaganaku n'imwe maiso ku maiso, olwo twidhuulirize ebikaabulaku mu kwikiriza kwaimwe.

1 Ab'e Thessalonika 5:17

musabenga buliidho

1 Timotheo 2:7

Era ekyo n'ekyanteesaagho mbe omutume era omwegeresa ow'abamaghanga agandi, mbakobere eby'okwikiriza n'eby'amazima. Ndi kwogera mazima, tiri kuguya.

2 Timotheo 1:3

Neeyanza Katonda oyo ye mpeereza n'omwoyo omunaabuufu, era nga badhaadha bange bwe baakolanga. Kiisi lwemba nga nsaba nkwidhukira era naamusiima.

Filemoni 1:4

Buliidho nkwidhukira mu kusaba kwange era naasiima Katonda wange.

1 Samueli 12:23

Era ku lwange, neeghemba Musengwa Katonda ansaasire ndobe kukola kibi ni mmusungughaza, nga ndekayo okubasabira imwe. Era ndidha kubeegeresanga ekirungi era ekituufu kye mugwaine okukola.