Ab'e Roma 1:32 - Baibuli Ekibono kya Katonda 2014

³² Waire nga baidhi nga eiteeka lya Katonda likoba liti abo abakola ebyo bagwaniire kufa, aye babikola. Ate tibakoma ku kubikola, kyonka aye basiima n'abo ababikola.

Ab'e Roma 1:32 ပူးပေါင်းရင်းမြစ်များ

Zabbuli 50:18

Bwemubona omwibi, ng'oyo afuuka mukagwa waimwe, era omwenzi mumwaniriza.

Ensambo 28:4

Abo abatajiira ku mateeka basaaka ababi, aye abagajiiraku babalwanisa.

Hosea 7:3

Musengwa Katonda akoba ati: “Abantu beefuula okuba ng'abasanhusa kyabazinga, aye nga baguya buguye, era beefuula okuba ng'abasanhusa abafuzi baibwe, aye nga balimba bulimbe.

Luka 11:48

Kale mutyo mwakakalisa irala era mwaghagira ebikolwa bya badhaadha baimwe kuba abo baabaita ate imwe mwazimba amagombe gaibwe.

Ebikolwa by'Abatume 22:20

Era n'omudhulizi wo Sitefano bwe yaitibwa zeena mwene naligho, naasemba abo abaamwita era naakuuma ebivaalo byaibwe.’

Ebikolwa by'Abatume 8:1

Saulo yaaganha Sitefano aitibwe. Mu kiseera ekyo Ekikunsu ky'Abaikiriza mu Kurisito, mu Yerusalemu, kyakirigibwa inho. Boonaboona, okutoolaku Abatume, baasansaanira mu biketezo eby'e Buyudaaya ni Samaria.

Ab'e Roma 1:18

Katonda alaga obusungu bwe okuva mu igulu ku bantu abatamutya era abakozi b'ebibi abataganha mazima kuboneka olw'ebikolwa byaibwe ebibi.

Ab'e Roma 1:21

Waire baamanha Katonda aye tibaamwisaamu kitiisa nga Katonda, oba okumwebaza. Aye baira mu kulowooza bitagasa n'emyoyo gyaibwe egizira kye giidhi gyaidhula enzikiiza.

Ab'e Roma 6:21

Aye mwaganhulwamu ki okukola ebintu ebyo ebibagemya n'ensoni mperaano? Kuba enkomerero y'ebintu ebyo kufa.

Ab'e Roma 6:23

Empeera y'ekibi kufa, aye ekirabo kya Katonda n'obulamu obutawaagho bwe tufuna mu Kurisito Yesu Musengwa waife.

2 Ab'e Thessalonika 2:12

Ekirivaamu n'abo boonaboona abaaloba okwikiriza amazima ni basangaalira ekibi, okusalirwa omusango okubasinga.