Ab'e Roma 1:30 - Baibuli Ekibono kya Katonda 2014

³⁰ Batema ku banaibwe ebibono, bakyagha Katonda, bavumagana, ba lunkulu, beesuuta, bayiiya amagezi ag'okukola ebibi, era batengugha abazaire baibwe.

Ab'e Roma 1:30 ပူးပေါင်းရင်းမြစ်များ

1 Bakyabazinga 20:11

Kyabazinga wa Isiraeli yaamwiramu ati: “Mumukobe muti, ‘Ole agemye eby'okulwanisa okuja mu lutalo, tagwaine kwesuutiriza ng'oti n'ole amaze okubiisa ghansi ng'alughangwire.’ ”

2 Ebyomubyanda 19:2

Omulanzi ayetebwa Yehu, mutabane wa Hanani, yaaja okumweisuusaayo, era yaamukoba ati: “Obwo bwene, obona nga iwe ogwaniire okuyamba ababi n'okugonza abo abakyagha Musengwa Katonda? Ekyo ky'okoze kikuleeteire obusungu bwa Musengwa Katonda okukwidhira.

2 Ebyomubyanda 25:19

Mpegaano oli kukoba oti, ‘Bona eno, naghangula Edomu!’ Ekyo kyakuleetera okwekuluntaza. Kale ni ba ewuwo weesaake n'ekyo. Lwaki onaawuula ebizibu eby'okukuzikiriza iwe ni Buyudaaya yoonayoona?”

Zabbuli 10:3

Omukozi w'ebibi yeesaakiriza olw'okwegomba kwe okubi, era omuntu oyo agwidhubanira eby'okufuna, ayogera bubi ku Musengwa Katonda era yaamunhooma.

Zabbuli 106:39

Batyo beene beereetaku okuba aboonoonefu olw'ebikolwa byaibwe ebyo, era baava ku Katonda.

Zabbuli 49:6

abantu abo beesiga bukombe bwaibwe era beesuuta olw'ebintu kamaala bye baba nabyo.

Zabbuli 5:5

Toyenda na kulinga ku beesaakiriza, era okyagha abakozi b'ebibi.

Zabbuli 52:1

Iwe ow'amaani, lwaki weesaaka olw'ebibi by'okola ku abo abatya Katonda? Olunaku lwonalwona

Zabbuli 81:15

Abo abankyagha nze Musengwa Katonda, bandiidhye ye ndi nga baavula bwavule, naababonereza ebyanda n'ebyanda.

Zabbuli 94:4

Ababi boonaboona beesaaka olw'ebikolwa byaibwe ebibi bye bakola.

Zabbuli 97:7

Abo boonaboona abasinza ebitali Katonda, ni beesaaka olw'okwesiga ebifaananie obufaananie ebyo ebiziramu na muganhulo, baswazibwa; kuba ebyo byonabyona bimukubira amakiryaivu.

Zabbuli 99:8

Wo Musengwa Katonda waife, abantu bo wabaghanga bye baakusabanga, waabasonighanga bye baakusobyanga, waire nga wababonerezanga olw'ebibi byaibwe.

Ensambo 24:8

Omuntu ategeka okukola akabi buli kiseera, balimweta, “mwene kubidooma”.

Ensambo 25:23

Ng'empewo ey'oku luuyi olw'omukono omugooda olw'e buvandhuba bw'ereeta amaadhi, n'okugeya kutyo bwe kuleeta obusungu.

Ensambo 30:17

Amaiso g'oyo anhooma ise oba ag'oyo atagondera inhina, galimodhebwamu amakoova ag'omu nsiko, era gaaliibwa ensega.

Ensambo 8:36

Aye oyo akola ebibi yeerumiriza mwene, era oyo ankyagha aba ayenda kufa.”

Omulangirizi 7:29

Era bona n'ekindi kye nazuula: Katonda yakola abantu nga balungi, aye beene baaja nga beeyonoona.

Ezekieli 14:5

Olwo nsobole okwiza ye ndi ab'omu ighanga Isiraeli boonaboona, ebisinzibwa ebyo ebitali Katonda be byaleetera okunvaaku.

Ezekieli 22:7

Abazaire mu iwe batwalibwa ng'ekitagasa, ebintu by'abasenze byakupankupanizibwa, banamwandu ni bamulekwa baatulugunhizibwa.

Okubala 10:35

Buli lwe baatooleranga okutambuza Esanduuku ey'Endagaano, nga Musa akoba ati: “Wo Musengwa Katonda, situkiramu osansaanie abazigu bo, era abo abakukyagha ka bakulumuke.”

Matayo 15:4

Ate nga Katonda yakoba ati, ‘Lata wo ni inhoko obatangamu ekitiisa,’ era ati, ‘Oyo avuma Ise oba inhina aitibwenga bwitibwe.’

Matayo 16:21

Okuva ku olwo Yesu yaatoolera okulaga Abeegeresebwa be ati ali n'okuja e Yerusalemu, n'okudaazibwadaazibwa einho abakulu ab'ebika, Bakabona Abakulu, n'Abanamateeka, era bamwite, ate azuukire ku lunaku olwokusatu.

Luka 21:16

Era muligheebwayo abazaire baimwe, baganda baimwe, ab'ekika kyaimwe, mikwano gyaimwe, era baliita abandi ku imwe.

Yoanne 7:7

Ensi tesobola kubakyagha, aye nze enkyagha, kuba mpa obudhulizi ku bikolwa byayo ebibi.

Ebikolwa by'Abatume 5:36

Kuba mwidhukire nga ghaaligho Theudasi eyeeyeta ow'amaani era abantu ng'ebikumi bina (400) baamweyimbaku, aye yaitibwa n'abo abaali bamunonereza baasansaana, yaazikirira.

Ab'e Roma 2:17

Aye iwe weeyeta Omuyudaaya, weesiga Amateeka, era weesuutira mu Katonda.

Ab'e Roma 2:23

Iwe oweesuutira mu Mateeka ga Katonda, tomuswaza ng'omenha Amateeka ge?

Ab'e Roma 3:27

Kale ekikuleetera okwesuuta kiri gha? Kiziragho. Lwaki kiziragho? Olw'okuba nga tugema Amateeka? Busa naire, aye lwa kuba twikiriza

2 Ab'e Korintho 10:15

Kale titwesaaka kusinga ghaatugererwa, ni twingira na mu mulimo gwa bandi, aye tusuubira tuti ng'okwikiriza kwaimwe bwe kuja nga kweyongera, era n'omulimo gwaife mu imwe bwe gunaaja nga gweyongera okugazigha, nga buliidho twekuumira agho aghaatugererwa.

2 Ab'e Korintho 12:20

Ekintiisa, n'okwidha ni mbaagaana nga timuli nga bwe nandyenze mube, oba imwe okumbona nga tiri nga bwe mwandyenze mbe. Ntya okwagaanayo okusoola, ensaalwa, obusungu, okweyendeza buli kintu, okusalaganaku ebibono, olubono, okwekudumbaza, era n'okutabukatabuka.

Amateeka Agokubiri 27:16

“ ‘Omuntu yeenayeena anaanhoomanga ise oba inhina, akolimirwenga!’ “Olwo abantu boonaboona baliiramu bati, ‘Amiina.’

Amateeka Agokubiri 7:10

Aye abamukyagha alibeesasuuza ng'abazikiriza. Talirwagho naire kubonereza muntu amukyagha.

2 Ab'e Thessalonika 2:4

Oyo n'atakania era ni yeegungumaza okusinga kiisi kyetebwa katonda, oba ekintu kyonakyona ekisinzibwa. Aja ni mu isinzizo lya Katonda yeetyebeka omwo nga yeeyeta mwene okuba Katonda.

2 Timotheo 3:2

Abantu balyefaaku bonka, baliba n'amairu ag'empiiya, balyetuusa, balyesaakiriza, baliba bavumagani, baliroba okuwulira ababazaala, baliba abatasiima, abatali batukuvu,

Tito 3:3

kuba twena eira twali basiru era abadheemu, nga twadaaliima era nga tufugibwa okwegomba kwaife n'amasanhu aga buli nsambo. Twali ba itima era ab'ensaalwa, ng'abantu batukyagha era nga tukyagha abantu boonaboona.

Yakobo 3:5

N'olulimi bwe luli: kantu katono ku mubiri aye keesuutira mu bintu kamaala. Ogubira ni bwe gwaga gha, kaba kaliro katono kaagwokya.

Yakobo 4:16

Aye mperaano mwesuutiriza era mwekudumbaza. Okwekudumbaza ng'oti n'okwo kubi.

2 Petero 2:18

Mu busiru bwaibwe baasiikana nga beesuuta, era baakozesa obudankaanu bwaibwe obw'omubiri okusendasenda abo abaakava obuve mu bantu abakaali mu nsobi.

Yuda 1:16

Abantu bano buli kaseera baba mu kutolooma olw'obutasiima, bageyigeyi, bajiira ku kwegomba kwa mibiri gyaibwe, beesaaka era baasuutiriza abantu nga bali ni kye babendaku.