Ab'e Roma 1:27 - Baibuli Ekibono kya Katonda 2014

²⁷ Mu nsambo n'endala abasaadha baalekayo okwebisa n'abakazi ng'obutonde bwe buli, beegombanga basaadha banaibwe era baadankaananga nabo, era beereetaku ekibonerezo ng'okwonoona kwaibwe bwe kwali.

Ab'e Roma 1:27 ပူးပေါင်းရင်းမြစ်များ

Abalevi 18:22

Otabanga na musaadha mwino mu buliri, mu nsambo abasaadha ye babaamu n'abakazi. Ekyo kyenhinhalwa.

Abalevi 20:13

Omusaadha bw'anaabanga ni musaadha mwine mu buliri mu nsambo abasaadha ye babaamu n'abakazi, banaabanga nga bakoze ekyenhinhalwa. Bombi banaitibwanga, era beene n'abanaabanga nga beereeteire okwitibwa.

1 Ab'e Korintho 6:9

Timwidhi ng'abakozi b'ebibi tibalingira mu Bwakyabazinga bwa Katonda? Mulobe kwerimba ghazira badankaanu, waire abasinza ebitali Katonda, waire abenzi, waire abatamiivu, waire abasaadha abadankaana ni basaadha banaibwe, oba abakazi abadankaana ni bakazi banaibwe, abalingira mu Bwakyabazinga bwa Katonda.

Yuda 1:7

Nhenda era okubaidhusa Sodoma ni Gomorra n'ebibuga ebindi ebyali biriiraine agho, byona ebyakola ebikolwa eby'ensoni n'eby'amairu ag'abasaadha n'abakazi agatajiira ku butonde. Bino byabonerezebwa mu muliro ogutazikira, byafuuka eky'okuboneraku.