Ab'e Roma 1:26 - Baibuli Ekibono kya Katonda 2014

²⁶ Kyova Katonda yabaleka okufugibwanga okwegomba kwaibwe okubi. Abakazi baibwe mu kifo eky'okukozesa emibiri gyaibwe ng'obutonde bwe buli, bagikozesa bindi ebitajiira ku butonde.

Ab'e Roma 1:26 ပူးပေါင်းရင်းမြစ်များ

Amainhama 19:5

Baayeta Loti, baamubuuza bati: “Abasaadha abaidhie okusula ewuwo obwire buno bali gha? Batufulumikize tube nabo.”

Zabbuli 81:12

Kale n'okubaleka bajiire ku ebyo emyoyo gyaibwe emidheemu bye gibalagira, beebise nga beene bwebalowooza.

Ab'e Roma 1:24

Kale ni kyova Katonda yabalekera okwegomba okw'emyoyo gyaibwe okukola eby'eiko nga baghemula emibiri gyaibwe beene na beene.

Ab'e Roma 1:28

Olw'okuba baaloba okumanha Katonda, kyova Katonda yabaleka ni badankaana mu myoyo, ni bakola ebitasaana.

1 Ab'e Korintho 6:9

Timwidhi ng'abakozi b'ebibi tibalingira mu Bwakyabazinga bwa Katonda? Mulobe kwerimba ghazira badankaanu, waire abasinza ebitali Katonda, waire abenzi, waire abatamiivu, waire abasaadha abadankaana ni basaadha banaibwe, oba abakazi abadankaana ni bakazi banaibwe, abalingira mu Bwakyabazinga bwa Katonda.

Ab'Efeso 4:19

Tibakaali na nsoni beemaliire mu bya budankaanu, balulunkanira okukola ebibi ebya buli nsambo.

Ab'Efeso 5:12

Kuba ebyo bye bakola mu ngiso bigemya ensoni n'okubyogeraku.

1 Ab'e Thessalonika 4:5

Mutafugibwanga mairu ga mubiri ng'oti n'abantu ab'ensi abatatya Katonda bwe bakola.

1 Timotheo 1:10

Gaateebwagho lwa benzi, lwa badankaanu, abawuuyi, abaguya era abalayira ebiziramu, n'abo boonaboona abakola ebitajiira ku ndhegeresa ntuufu.

Yuda 1:10

Aye abantu bano bavuma kiisi kye bataidhi, ate ebyo bye baidhi babiidhi bwa mu butonde okufaananaku ensolo edh'omu nsiko. Era byene ebyo n'ebibazikiriza.

Yuda 1:7

Nhenda era okubaidhusa Sodoma ni Gomorra n'ebibuga ebindi ebyali biriiraine agho, byona ebyakola ebikolwa eby'ensoni n'eby'amairu ag'abasaadha n'abakazi agatajiira ku butonde. Bino byabonerezebwa mu muliro ogutazikira, byafuuka eky'okuboneraku.

Abalamuzi 19:22

Bwe baali nga bakaasanhuka, abasaadha ab'omu kibuga abadankaanu baazingiza endhu eyo okugyezunguluza. Baakonta ku lwigi, baakoba omusaadha omukaire mwene ndhu bati: “Fulumya omusaadha oyo aingiire mu ndhu yo, tube naye mu nsambo abasaadha ye babaamu n'abakazi mu buliri!”