Ab'e Roma 1:23 - Baibuli Ekibono kya Katonda 2014

²³ Mu kifo eky'okusinza Katonda atawaagho, basinza ebifaananie eby'abantu obuntu, oba eby'enhonhi, oba eby'ensolo, oba ebyekulula.

Ab'e Roma 1:23 ပူးပေါင်းရင်းမြစ်များ

Zabbuli 106:20

Baalekera okugha Katonda ekitiisa, baakigha ekifaananie eky'ente erya obw'eisubi!

Isaia 40:18

Kale olwo Katonda tunaamugeza ku ani, oba kiki kye tunaamufaanania?

Isaia 40:26

Mulinge ghaigulu mubone! Naani eyatonda ebyo ebiri ku igulu? Ni Katonda omulala oyo abiduumira ng'oti igye, n'ayeta buli kirala eriina lyakyo. Era nga bw'ali omukologho ow'amaani agataloodheka, ghaziragho waire ekirala kiti ku ebyo ekitabaagho ng'ayese.

Isaia 44:13

Ate omubaadhi apima omuti n'olukoba, yaagulambaku n'ekalaamu. Yaagulanda n'eranda, era yaagulambaku n'ekyuma ekipima, yaagukolamu ekifaananie ekirungi kyene ekiri ng'oti muntu, eky'okuteebwa mu isabo.

Yeremia 2:11

Ghaligho eighanga eryafaanisaaku bakatonda baalyo, waire nga mu butuufu ti bakatonda beene? Aye abantu bange bafaanisaamu nze Katonda abagheesa ekitiisa, baaja n'ebintuntu ebiziramu makulu naire.

Ezekieli 8:10

Kale naingira, naabona ng'ebimante byonabyona baabitonatona n'ebifaananie eby'ebitonde ebyeghaluliza ku itaka ebya buli nsambo, n'eby'ensolo edhitali nongoofu, n'eby'ebintu ebindi Abaisiraeli bye baasinzanga.

Ebikolwa by'Abatume 10:12

Mu isuuka omwo mwalimu buli kisolo eky'amagulu ana, ebyekulula n'enhonhi edh'omu nsiko.

Ebikolwa by'Abatume 17:29

Agho ni nga bwe tuli eizaire lya Katonda, titugwaine kudhuuba tuti Katonda afaanana ebintu ebikolebwa mu zaabu, oba mu feeza, oba mu mabaale, mu magezi ni mu kutetenkania kw'abantu.

Ab'e Roma 1:25

Baira mu busubayi mu kifo eky'okugema amazima agagema ku Katonda, baasinza era baagheereza ebitonde, mu kifo eky'okugheereza Omutonzi, asaakibwa ebyanda n'ebyanda. Amiina.

1 Ab'e Korintho 12:2

Mwidhi nga bwe mwali nga mukaali kufuuka ba Kurisito, mwabuzibwabuzibwanga, mwajanga okusinza ebintu ebisinzibwa ebitali Katonda ebitoogera.

Amateeka Agokubiri 5:8

“ ‘Muteekoleranga kibaadhe oba kiwumbe ekifaanana ekintu kyonakyona ekiri ghaigulu ku igulu, oba ghansi ku nsi, oba waire ekiri mu maadhi agali ghansi agh'ensi.

1 Petero 4:3

Mu biseera ebyabita mwali n'obwire obumala okukola ebyo abantu ab'ensi bye benda. Mwemaliranga mu bwenzi, mu bukaba, mu butamiivu, mu kuja ku bibinuko ebibi, ni mu kusinza ebintu ebitali Katonda ebyenhinhalwa.

Okwolekebwa 9:20

Abantu abandi boonaboona, abataitibwa bibamba bino, baaloba kwenenia mu ebyo bye baakolanga: Baaloba kuleka okusinza emizimu emibi n'ebisinzibwa ebitali Katonda bye baakola mu zaabu, ni mu feeza, ni mu kyuma eky'ekikomo, ni mu mabaale, ni mu miti, ebitasobola kubona oba kuwulira oba kutambula.