Ab'e Roma 1:21 - Baibuli Ekibono kya Katonda 2014

²¹ Waire baamanha Katonda aye tibaamwisaamu kitiisa nga Katonda, oba okumwebaza. Aye baira mu kulowooza bitagasa n'emyoyo gyaibwe egizira kye giidhi gyaidhula enzikiiza.

Ab'e Roma 1:21 ပူးပေါင်းရင်းမြစ်များ

Amainhama 6:5

Musengwa Katonda yaabona ng'omuntu ku nsi afuuse mubi inho era ng'ebidhuubo bye bibi ekiseera kyonakyona.

Amainhama 8:21

Musengwa Katonda yaawunhiza akawoowo, yaasangaala, yaakoba mule ati: “Tikairayo kukolima nsi kabiri olw'omuntu by'akola, kuba omwoyo gwe gwidhwire bubi bwereere okuva mu buto bwe. Tikairayo kabiri kuzikiriza bintu biramu byonabyona nga bwe nkoze.

1 Bakyabazinga 20:23

Agho abakungu ba kyabazinga wa Siria baamukoba bati: “Emisambwa gy'Abaisiraeli abo misambwa gya ku nsozi, kye baava ni batusinga amaani. Aye ka tulwane nabo ku museetwe, olwo bwenebwene twidha kubasinga amaani.

2 Bakyabazinga 17:15

Baaloba kugemanga biragiro bye, waire okukuuma endagaano ye yakola ni badhaadha baibwe, era baaloba kufangayo ku kulabula, kwe yabalabulangamu. Baasinzanga ebisinzibwa ebitali Katonda ebitagasa, olwo ni beene baafuuka ebitagasa, era baajiiranga ku mpisa edh'abamaghanga agandi agabeezungulwire. Ate nga Musengwa Katonda yabalobera okwebisanga ng'oti n'abamaghanga ago.

Zabbuli 50:23

Ole bw'asiima, aba aghaireyo omusengo ogumpeesa ekitiisa, era nja kulokola oyo atambulira mu ngira entuufu.”

Zabbuli 81:12

Kale n'okubaleka bajiire ku ebyo emyoyo gyaibwe emidheemu bye gibalagira, beebise nga beene bwebalowooza.

Zabbuli 86:9

Amaghanga goonagoona ge watonda, gaja kwidha gakukubire amakiryaivu, era gaatule ng'eriina lyo bwe liri ery'ekitiisa.

Omulangirizi 7:29

Era bona n'ekindi kye nazuula: Katonda yakola abantu nga balungi, aye beene baaja nga beeyonoona.

Isaia 60:2

Bona eno, enzikiiza erigema ku nsi, enzikiiza eri bedimudimu yaasandikira amaghanga. Aye Musengwa Katonda alivaayo ng'oti ndhuba yaakwakiraku, n'ekitiisa kye kya bonekera ku iwe.

Yeremia 16:19

Wo Musengwa Katonda, niiwe amaani gange era niiwe onkuuma; niiwe onhamba mu biseera ebizibu. Amaghanga galiva mu buli nsonda y'ensi, gaidha y'oli, gaakoba gati: “Badhaadha baife tibaali na Katonda, aye baali na bisinzibwa ebitali Katonda, ebintu obuntu ebiziramu muganhulo naire.

Yeremia 17:9

“Naani asobola okutegeera omwoyo gw'omuntu? Ezira kirimbalimba nga gwene; mubi inho ebitaloodheka.

Yeremia 2:5

Musengwa Katonda akoba ati: “Kisobyo ki badhaadha baimwe kye bambonamu, memale ni basalagho okunvaaku. Ni baja okusinza ebintuntu ebiziramu makulu, era ni beene ni bafuuka abaziramu makulu?

Yeremia 9:14

Aye baakola bw'ebyo emyoyo gyaibwe emikalangufu bye gyenda, nga bajiira ku musambwa Baali nga badhaadha baibwe bwebaabeegeresa.

Ezekieli 14:5

Olwo nsobole okwiza ye ndi ab'omu ighanga Isiraeli boonaboona, ebisinzibwa ebyo ebitali Katonda be byaleetera okunvaaku.

Ezekieli 20:25

“Agho naabaleka bajiire ku mateeka ni ku biragiro, ebitaleetera muntu abijiiraku kuba mulamu naire.

Hosea 2:8

Tiyayatulaku naire ati ninze eyamughanga engaano, n'omwenge ogw'emizabbibu, n'omuzigo ogw'ebibala eby'emiti emyoliva. Waire okwatulaku ati ninze eyamudoomooleranga feeza ni zaabu bye yaghangayo mu kusinza omusambwa Baali.

Yoanne 3:19

Guno n'omusango: Ekimuliikirira kyaidha mu nsi, aye abantu baagonza enzikiiza mu kifo ky'okugonza ekimuliikirira olw'okuba ebikolwa byaibwe bibi.

Ebikolwa by'Abatume 26:18

Olibazibula amaiso, bagaluke okuva mu nzikiiza baire mu butangaavu, era bave mu buyinza bwa Sitaani baire ye Katonda, basoniyibwe ebibi byaibwe era bafune omugabo n'abo abatukuzibwa olw'okundhikiriza.’

Ab'e Roma 1:19

Ebyo ebisoboka okumanhibwa ku Katonda babibona bukalamu, kuba Katonda mwene yabibooleka.

Ab'e Roma 1:28

Olw'okuba baaloba okumanha Katonda, kyova Katonda yabaleka ni badankaana mu myoyo, ni bakola ebitasaana.

Ab'e Roma 11:10

Amaiso gaibwe gazibibwe balobe kubona; n'emigongo gyaibwe gifunhibwe enaku dhoonadhoona.”

Ab'e Roma 15:9

era abamaghanga agandi basobole okusaaka Katonda olw'okusaasira kwe. Nga bwe kyaghandiikibwa kiti: “Kale ni nnaakwebazanga mu bamaghanga agandi; nnaayemba nga nsaaka eriina lyo.”

Amateeka Agokubiri 28:29

Mwidha kughaamantanga mu kasana ghagati, ng'oti n'omutulu bw'aghaamanta mu nzikiiza, era timuubenga na nkabi mu bye mukola. Mwidha kutuntuzibwanga era munhagibwengaku ebyaimwe buli kiseera, nga ghazira ababeera.

2 Timotheo 3:2

Abantu balyefaaku bonka, baliba n'amairu ag'empiiya, balyetuusa, balyesaakiriza, baliba bavumagani, baliroba okuwulira ababazaala, baliba abatasiima, abatali batukuvu,

1 Petero 1:18

Mwidhi bukalamu nga ekyabaleetera okununulwa mu mpisa dhaimwe edhiziramu dhe mwatoola ku badhaadha baimwe, ti feeza oba zaabu ebiwaagho.

1 Petero 2:9

Aye imwe muli lulyo lulonde, bakabona aba Kyabazinga, muli ighanga itukuvu era abantu ba Katonda beene. Katonda oyo n'eyabeeta okuva mu nzikiiza okwira mu butangaavu bwe obwewuunhisa einho, yaabalonda okukobera abantu ebyewuninkiriza bye yakola.

Okwolekebwa 14:7

Yaayogera n'amamiro ag'amaani ati: “Mutyenga Katonda mumusaake, kuba ekiseera kye eky'okusaliramu omusango kituuse. Mumusinze oyo eyatonda eigulu n'ensi, n'enhandha, n'ensulo.”

Okwolekebwa 15:4

Musengwa, naani atalitya liina lyo oba okulisaaka? Iwe wenka n'iwe omutukuvu. Abantu ab'amaghanga goonagoona baliidha baasinza mu maiso go, kuba ebikolwa byo eby'obutuufu bibonebwa abantu boonaboona.”