Ab'e Roma 1:20 - Baibuli Ekibono kya Katonda 2014

²⁰ Kasookanga ensi etondebwa, embeera ye etaboneka, era n'obukumu bwe obutawaagho, n'Obwakatonda bwe, bibonekera irala bukalamu nga bimanhikira mu bintu bye yatonda. Kale bazira kya kuwoza naire.

Ab'e Roma 1:20 ပူးပေါင်းရင်းမြစ်များ

Amainhama 1:1

Mu kwinhama Katonda yatonda eigulu n'ensi.

Amainhama 21:33

Aburahamu yaasimba omuti omutamarisiki mu Beerisheba, era yaasinziza eyo Musengwa Katonda, Katonda oyo atawaagho.

Yobu 12:7

“Aye buuza ensolo, dhiidha kukwegeresa; n'enhonhi dhiidha kukukobera.

Zabbuli 104:31

Ekitiisa kya Musengwa Katonda ka kibengagho ebyanda n'ebyanda, era kiisi Musengwa Katonda ky'akola kimuleeterenga okusangaala.

Zabbuli 104:5

Wataagho ensi ku misingi gyayo, yaaba nga tesobola kuseetuka.

Zabbuli 119:90

Oli mwesigwa eri abantu mu nse dhoonadhoona; wataagho ensi era waagigumya mu kifo kyayo.

Zabbuli 139:13

Niiwe wankola, na buli kitundu kyange eky'omubiri; niiwe wayungayunga ebitundu byange nga ndi mu nda ya maama.

Zabbuli 8:3

Bweningirira eigulu lye wakola n'engalo dho, ni mbona omwezi ni muunienie bye wataagho,

Zabbuli 90:2

Ng'ensozi dhikaali kubaagho, era ng'okaali kutonda nsi n'ebirimu byonabyona, niiwe Katonda eyaligho, era alibaagho ebyanda n'ebyanda.

Isaia 26:4

Mwesigenga Musengwa Katonda ebyanda n'ebyanda, kuba Musengwa Katonda oyo ali ng'oti lubaale olwewogomwamu, aidha kubakuumanga ebyanda n'ebyanda.

Isaia 40:26

Mulinge ghaigulu mubone! Naani eyatonda ebyo ebiri ku igulu? Ni Katonda omulala oyo abiduumira ng'oti igye, n'ayeta buli kirala eriina lyakyo. Era nga bw'ali omukologho ow'amaani agataloodheka, ghaziragho waire ekirala kiti ku ebyo ekitabaagho ng'ayese.

Isaia 9:6

Kuba ife omwana atuzaaliirwa, omwana omulenzi atugheereibwa, aidha okubanga omufuzi waife. Aidha kwetebwanga “Omuwi w'Amagezi Eyeewuunhisa, Katonda ow'Obuyinza, Iseife aligho ebyanda n'ebyanda, Omulangira Aleeta Emiraala”.

Yeremia 5:21

Muwulire kino imwe abantu abasiru era abatategeera. Muli n'amaiso aye timubona, era muli n'amatu aye timuwulira.

Yeremia 51:15

Musengwa Katonda n'eyakola ensi n'obuyinza bwe, yaataagho eby'oku nsi n'amagezi ge, era yaabambagho eigulu.

Matayo 5:45

Memale olwo mube abaana ba Iseimwe ali mu igulu ayakiza endhuba ye abalungi n'ababi, n'agwikiza amaadhi ge abo abakolera ku mazima n'abatagakoleraku

Mariko 10:6

Aye ng'okuviira irala mu mainhama Katonda ng'atonda, yakola omusaadha n'omukazi.

Yoanne 1:18

Ghazira eyaali aboine ku Katonda. Aye Omwana we omulala bedengedenge aba aghalala n'Ise, n'amwoleka abantu ni bamumanha.

Yoanne 15:22

Nguli tyaidha ni ndhogera nabo nguli bazira kibi, aye mperaano bazira kya kwegemya.

Ebikolwa by'Abatume 17:29

Agho ni nga bwe tuli eizaire lya Katonda, titugwaine kudhuuba tuti Katonda afaanana ebintu ebikolebwa mu zaabu, oba mu feeza, oba mu mabaale, mu magezi ni mu kutetenkania kw'abantu.

Ebikolwa by'Abatume 22:1

“Baganda bange ni balata, muwulire okuwoza kwange.”

Ab'e Roma 1:19

Ebyo ebisoboka okumanhibwa ku Katonda babibona bukalamu, kuba Katonda mwene yabibooleka.

Ab'e Roma 16:26

Aye buti ekyama ekyo kimanhisiibwa mu Byaghandiikibwa abalanzi. Katonda atawaagho yalagira kimanhibwe amaghanga goonagoona, abantu baghange okwikiriza Katonda era n'okumugonderanga.

Ab'e Roma 2:1

Kale mukagwa wange asalira abandi omusango, ni bw'oba ani ozira kya kwegemya, kuba bw'okola ebintu ng'oti n'abandi bye bakola, weesingisa mwene omusango.

Ab'e Roma 2:15

Ebikolwa byaibwe byoleka ng'Amateeka kye galagira kighandiikibwa mu myoyo gyaibwe. Kino emyoyo gyaibwe gyona gikikakasa nga kituufu, kuba ebidhuubo byaibwe, emikuzi egindi bibavunaana omusango ate emikuzi egindi bibawolereza.

1 Ab'e Korintho 1:20

Kale olwo omugezi ali gha? Oba omwegerese ali gha? Oba kabwidhibwidhi ow'ensi eno mu kutakana ali gha? Katonda ayoleike ng'amagezi ag'ensi eno gaaga busiru,

Amateeka Agokubiri 33:27

Katonda ow'ebyanda n'ebyanda, n'omukuumi waimwe. Emikono gye egy'olubeerera n'egibagemerera. Aidha kubinganga abazigu baimwe mu nsi, nga muli kumpi okutuukayo. Olwo aidha kubakobanga ati, ‘Mubasaaniegho boonaboona.’

Amateeka Agokubiri 4:19

“Mulobenga kusendebwasendebwa kusinza na kugheereza ebyo bye mubona ku igulu: endhuba, omwezi, n'emuunienie. Ebyo Musengwa Katonda waimwe yabitaagho abantu abandi boonaboona abali ku nsi n'ababe babisinzenga.

Ab'e Kolosai 1:15

Kurisito ye tuboneramu Katonda ataboneka, omwana omuberi akulira ebitonde byonabyona.

Ab'e Kolosai 2:9

Kuba mu Kurisito n'omuli Obwakatonda bwonabwona mu buntu,

1 Timotheo 1:17

Kyabazinga oyo atakoma, atafa era ataboneka, Katonda omulala yenka, asaakibwenga era agheebwenga ekitiisa ebyanda n'ebyanda. Amiina.

1 Timotheo 6:16

Ni yenka atafa era aba mu butangaavu obutaseetekaku, ghazira yaali amuboine, era ghazira aghanga kumubona. Aisibwengamu ekitiisa era afugenga ebyanda n'ebyanda. Amiina.

Abaheburayi 11:27

Okwikiriza n'okwaleetera Musa okuva e Misiri, n'atatya kiruyi kya kyabazinga ng'ali ng'oti abonera irala Katonda ataboneka, yaaguma.

Abaheburayi 9:14

Oba ng'ekyo kityo bwekiri, memale omusaayi gwa Kurisito tigulisingagho inho kututukuza ni tugheereza Katonda omulamu ku lwa Kurisito aziraku kimyamya, eyeeghaayo ye Katonda mu maani ga Mwoyo atawaagho?