Ab'e Roma 1:14 - Baibuli Ekibono kya Katonda 2014

¹⁴ Nvunaanizibwa abantu boonaboona, abagundhufu n'abatali bagundhufu, abeegerese n'abatali beegerese.

Ab'e Roma 1:14 ပူးပေါင်းရင်းမြစ်များ

Ensambo 1:22

“Imwe abazira kye mwidhi, mulirekera li okugonza okubanga obwagho nga muzira kye mwidhi? Imwe abanhoomi, mulirekera li okusangaalira obunhoomi bwaimwe obwo? Era imwe abasiru mulirekera li okukyagha okumanha?

Ensambo 8:5

Imwe abazira kye mwidhi, mwege okumanha ekigwaine okukolebwa; imwe abasiru, mwege okutegeera.

Isaia 35:8

Ghalibaagho oluguudo olulyetebwa “Engira ey'Obutukuvu.” Buli atali mulongoofu talibita mu ngira eyo. Era abaligitambuliramu ni bwe baliba abasiru einho, tibaja kubulira mu ngira eyo.

Matayo 11:25

Mu kiseera ekyo Yesu yaakoba ati: “Lata nkusaaka, Musengwa ow'eigulu n'ensi, kuba bino wabigisa abagezi n'abamanhi, waabimanhisa abato.

Luka 10:21

Mu kiseera kyene ekyo Yesu yaasagamba mu Mwoyo Mutukuvu, era yaakoba ati: “Lata, nkusaaka, Musengwa ow'eigulu n'ensi, kuba ebintu bino wabigisa ku bagezi n'abamanhi, waabimanhisa abato. N'agh'agho Lata, kuba otyo bwe wasiima.

Ebikolwa by'Abatume 22:21

Yankoba ati, ‘Ja kuba ndidha kukutuma eghala mu bamaghanga agandi.’ ”

Ebikolwa by'Abatume 28:2

Abataka ab'oku kizinga baatulaga ekisa ekitaloodheka. Baatusangaalira twenatwena baatukumira omuliro, kuba amaadhi gaali gatooleire okugwa era nga n'obwire bwa kiinhogogo.

Ebikolwa by'Abatume 28:4

Abataka bwe baabona ng'omusota gulengeedhera ku mukono gwe baakoba bati: “Bwenebwene omuntu ono mwisi. Waire awonie enhandha Omusango gumunonereiza.”

Ebikolwa by'Abatume 9:15

Musengwa yaakoba Anania ati: “Ja, kuba oyo nze mmwerondeire okumanhisa eriina lyange mu bamaghanga agandi, ni bakyabazinga, n'abantu ba Isiraeli.

Ab'e Roma 1:22

Bwe beeyeta abagezi baafuuka basiru.

Ab'e Roma 11:25

Aboluganda, nhenda mumanhe ekyama kino mulobe kwesuuta kuba bagezi, kuba abandi ku Baisiraeli baidha kusigala nga bakalangafu ba myoyo okutuusa omughendo ogw'abamaghanga agandi lwe gulimala okwidha ye Katonda.

Ab'e Roma 12:16

Mwisanienga mwenamwena. Muteekudumbazanga aye mubitenga n'abaghafu. Mulobe kwetwalanga ng'abagezi.

Ab'e Roma 13:8

Timubanga na ibandha lya muntu yeenayeena okutoolaku ery'okugonza, kuba kiisi agonza muntu mwine aba atuukiriiza Amateeka.

Ab'e Roma 16:19

Kuba obuwulize bwaimwe mu kugondera Amawulire Amalungi bumanhiibwa woonawoona, era kyenva nsangaala ku lwaimwe. Nhenda mubenga bagezi mu kukola ekikalamu aye nga timwidhi kukola kibi.

Ab'e Roma 8:12

Kale ni aboluganda, tuli n'eibandha. Omubiri ti n'ogutubandha okukola ebyo bye gwenda.

1 Ab'e Korintho 14:11

Aye bwe mba tiidhi lulimi muntu lw'ayogera, mba mugwira y'ali, era yeena aba mugwira ye ndi.

1 Ab'e Korintho 14:16

Kuba bw'osiima Katonda mu mwoyo, omuntu atategeera ky'okoba aghanga atya okwiramu ati, “Amiina” ng'omaze okusaba?

1 Ab'e Korintho 2:13

Kale bwe tuba nga twinhonhola abo abali ni Mwoyo, titukozesa bibono bya magezi ga bantu buntu, aye tukozesa bibono bya Mwoyo.

1 Ab'e Korintho 3:18

Ghatabangagho muntu yeesubagha mwene. Omuntu yeenayeena mu imwe bwe yeerowooza okuba omugezi, mu magezi ag'ensi, afuuke musiru memale aghange okufuuka omugezi

2 Ab'e Korintho 10:12

Ife titughanga kweta, oba okwegeza ku abo abeesuuta. Bwe baba nga beegeza, beegeza ku beene na beene nga bwe bafaanana. Baziramu magezi.

2 Ab'e Korintho 11:19

Nga imwe bwe muli abagezi einho, muguminkiriza abasiru n'eisanhu.

Ab'e Kolosai 3:11

Olwo ghabe nga tighakaali kuboola oti ono Mugureki, ono Muyudaaya, ono mukekete, ate ono ti mukekete, ono wa ighanga lindi, ono ti mugundhufu, ono mwiru, ate ono ti mwiru. Kurisito n'ali byonabyona era n'ali mu byonabyona.

2 Timotheo 2:10

Kyenva ngumira buli kintu olw'obulungi bw'abalonde, olwo bafune okulokolebwa n'ekitiisa ekitawaagho ebiri mu Kurisito Yesu.

Tito 3:3

kuba twena eira twali basiru era abadheemu, nga twadaaliima era nga tufugibwa okwegomba kwaife n'amasanhu aga buli nsambo. Twali ba itima era ab'ensaalwa, ng'abantu batukyagha era nga tukyagha abantu boonaboona.