Ab'e Roma 1:11 - Baibuli Ekibono kya Katonda 2014

¹¹ Kuba neegomba inho okubabona, mwena mughange okufunaku ekirabo eky'omwoyo okubagumya.

Ab'e Roma 1:11 ပူးပေါင်းရင်းမြစ်များ

Amainhama 31:30

Ndidhi nti wayendanga inho okuja, kuba ng'olumirwa inho endhu ya lata wo. Aye lwaki waiba emisambwa gyange egy'omu maka?”

2 Samueli 13:39

Aye kyabazinga Daudi bwe yamala okwenaliza olw'okufiirwa Amunoni, omwoyo gwamulumira mutabane we Abusalomu.

2 Samueli 23:15

Omwoyo gwadhuuba Daudi oyo, yaakoba ati: “Kale nguli ghaligho omuntu andeeteraku amaadhi ag'okunhwa agava mu nsulo eri ku mulyango ogw'ekibuga e Bethelehemu!”

2 Ebyomubyanda 20:20

Bwe bwakya, baasituka ku nkyo okuja mu irungu ly'e Tekoa. Bwe baali bali kuja, Yehoshafati yaayemerera, yaakoba ati: “Imwe abantu ab'omu Buyudaaya n'ab'omu Yerusalemu, mumpulirise. Mwikirize Musengwa Katonda waimwe, olwo mwidha kuba bagumu. Mwikirize eby'abalanzi be, olwo mwidha kughangula.”

Ebikolwa by'Abatume 16:5

Agho Ebikunsu by'Abaikiriza mu Kurisito byakalangulwa era n'omughendo gwabyo gweyongera buli lunaku.

Ebikolwa by'Abatume 19:21

Ebyo nga bimaze okubaagho, Paulo yaamalirira mu mwoyo gwe okubita mu Makedonia ni mu Akaia era aje e Yerusalemu era yaakoba ati: “Nga mmaze okutuuka eyo, nteekwa n'okuja e Roma.”

Ebikolwa by'Abatume 19:6

Paulo bwe yabaisaaku emikono, Mwoyo Mutukuvu yaabaikaku baayogera mu nnimi era baayogera ekibono kya Katonda.

Ab'e Roma 1:12

Kye nkoba ni kino, nti imwe ninze tuganhulirwe ghalala; imwe olw'okwikiriza kwange ate nze olw'okwikiriza kwaimwe.

Ab'e Roma 15:23

Aye, mperaano nga bwe nfundikiire emirimo gyange mu biketezo bino, nga mmaze emyaka kamaala nga neegomba okwidha okubabonaku,

Ab'e Roma 15:29

Bwe ndiidha, ndidhi nga ndiidha n'emikisa gya Kurisito gyonagyona.

Ab'e Roma 15:32

Olwo ni Katonda bw'aliba nga asiimye ndiidha okubakyalira nga ndi n'eisanhu lingi, mpuumulireku e waimwe.

Ab'e Roma 16:25

Ka tusaake Katonda oyo asobola okubagha amaani mu kwikiriza agava mu Mawulire Amalungi agagema ku Yesu Kurisito ge nkobera abantu. Ekyo n'ekyama ekyagisibwa okuva eira n'eira.

2 Ab'e Korintho 1:15

Olw'okuba kino nali nkikakasa, nayenda nsooke okukyalira imwe musobole okufuna enkabi edh'emikuzi ebiri.

2 Ab'e Korintho 1:21

Katonda n'atukakasa ife n'imwe nga mu Kurisito mwe tufunira obulamu, era mwene oyo n'eyatulobolamu.

2 Ab'e Korintho 11:4

Kuba muganha mangu omuntu bw'aidha n'abakobera Yesu owundi ife ye tutabakoberangaku, oba bwe mufuna mwoyo owundi atali Mwoyo Mutukuvu ye mwafuna, oba ole bw'abakobera amawulire amalungi agandi agatali ago ge twabakobera.

2 Ab'e Korintho 9:14

Kale banaabasabiranga n'okusiima kunene, olw'ekisa Katonda kye yabagha imwe.

Ab'e Filippi 1:8

Katonda n'omudhulirwa wange akakasa nga bwe mbalumirwa omwoyo mwenamwena mu kugonza kwa Kurisito Yesu.

Ab'e Filippi 2:26

Kuba omwoyo gubaire gumuluma inho okubabonaku mwenamwena, era abairenga n'enaku ku mwoyo olw'okuba mwawulira bwe yalwala.

Ab'e Filippi 4:1

Agho ni aboluganda abagonzi era abatanva ku mwoyo, neegomba inho okuba n'imwe aghalala, kuba niimwe eisanhu lyange era niimwe okwenhumiriza kwange. Bakagwa, obwo n'obulamu bwe mube mwekalanguliremu mu Musengwa.

1 Ab'e Thessalonika 3:13

Olwo abagumye emyoyo gyaimwe, mube nga muziraku musango, era mube abatukuvu mu maiso ga Katonda waife era Lata, ku lule Musengwa waife Yesu lw'aliidha n'abatuukirivu be boonaboona.

1 Ab'e Thessalonika 3:2

Twatuma muganda waife Timotheo, omugheereza wa Katonda mu kukobera abantu Amawulire Amalungi aga Kurisito, aidhe abalambe era abagumye mu kwikiriza kwaimwe,

2 Ab'e Thessalonika 2:17

abagumye emyoyo era abaghe amaani mu birungi byonabyona bye mukola ni bye mwogera.

2 Ab'e Thessalonika 3:3

Aye Musengwa mwesigwa, era alibagumya yaabawonia Omubi.

Abaheburayi 13:9

Okwegeresa okundi kwonakwona kwe babaleetera kutabadaalimyanga. Kuba ekikulu n'ekisa kya Katonda okutugumya omwoyo, okusinga akujiira ku mateeka ag'eby'okulya agataganhulangaku abo abagajiiraku.

1 Petero 5:10

Aye olumaliira olw'okudaazibwadaazibwa akaseera akatono, Katonda ow'ekisa ekitakoma eyabeeta mube mu kitiisa kye ekitawaagho mu Kurisito, alibagoloza, yaabagha amaani era yaabagumya.

1 Petero 5:12

Mbaghandiikiire embaluwa eno enhimpi nga nhambibwaku Siluvano, nze ye mbona nga Mukurisito munange omwesigwa. Ndi kubakubiriza era naabakakasa nti kino kye mpandiise n'ekisa kya Katonda kyenekyene, era mutakivangamu.

2 Petero 1:12

Kale ndidha kubaidhusanga ebintu ebyo, waire nga mubiidhi era waire nga mwekalanguliire ku mazima ge mwafuna.