Ab'e Roma 1:1 - Baibuli Ekibono kya Katonda 2014

¹ Ninze Paulo omugheereza wa Yesu Kurisito eyayetebwa okuba omutume. Era eyalondebwa Katonda okukobera abantu Amawulire ge Amalungi,

Ab'e Roma 1:1 ပူးပေါင်းရင်းမြစ်များ

1 Ebyomubyanda 23:13

Amuramu yaazaala Aaroni ni Musa. Aaroni yaayawulibwa n'ab'oku nda ye okulabiriranga ebintu ebitukuvu ebyanda n'ebyanda, okuniokezanga obubbaani mu maiso ga Musengwa Katonda n'okumugheerezanga, n'okusabiranga abantu enkabi mu liina lye.

Isaia 49:1

Imwe ebiketezo eby'oku nhandha muwulirise kye nkoba, imwe amaghanga agali eyo e ghala mumpulirise. Musengwa Katonda yandheta nga nkaali na kuzaalibwa, yaanonda nga nkaali na mu nda ya maama, mbe mugheereza we.

Yeremia 1:5

“Nakulonda nga nkaali na kukuwumba mu nda ya inhoko. Era wali okaali kuzaalibwa naakutukuza naakulonda obe mulanzi eri amaghanga.”

Mariko 1:14

Agho Yoanne ng'amaze okugemwa, Yesu yaaja e Galilaaya yaalangirira Amawulire Amalungi agava ewa Katonda.

Yoanne 12:26

Kiisi ayenda okumpeereza annonerezenga. Ghe mba n'omugheereza wange gh'anaabanga. Era Lata alita oyo yeenayeena ampeereza mu kifo eky'ekitiisa.

Yoanne 15:15

Tikaabeeta bagheereza, kuba omugheereza tamanha Musengwa we by'akola. Aye mbeeta bakagwa bange, kuba byonabyona bye nawulira okuva ewa Lata wange nabibamanhisa.

Yoanne 15:20

Mwidhukire kye mbakobye: omugheereza tasinga Musengwa we. Oba nga nze bankiriga, mwena balibakiriga; oba nga baawulira ebibono byange, ebyaimwe byona balibiwulira.

Ebikolwa by'Abatume 13:9

Agho Saulo, era amanhiibwa nga Paulo yaidhula Mwoyo Mutukuvu yaasimba Eluma amaiso,

Ebikolwa by'Abatume 20:24

Aye titwala bulamu bwange ng'ekintu eky'omughendo ye ndi. Ekikulu n'okutuukiriza olugendo lwange n'omulimo Yesu gwe yangemya ogw'okukobera abantu Amawulire Amalungi ag'ekisa kya Katonda.

Ebikolwa by'Abatume 21:40

Omukulu w'abaisirukale yaamuganha. Paulo yaayemerera ku madaala yaaghemya abantu. Bwe baasirika yaayogera nabo mu lulimi Oluheburayi, yaakoba ati:

Ebikolwa by'Abatume 22:21

Yankoba ati, ‘Ja kuba ndidha kukutuma eghala mu bamaghanga agandi.’ ”

Ebikolwa by'Abatume 22:7

Naagwa ghansi era naawulira eiroboozi erinkoba liti, ‘Saulo, Saulo, lwaki onkiriga.’

Ebikolwa by'Abatume 26:1

Agurippa yaakoba Paulo ati: “Oikirizibwa okuwoza.” Agho Paulo yaagolola omukono yaatoolera okuwoza ati:

Ebikolwa by'Abatume 26:14

Twenatwena twagwa ghansi era naawulira eiroboozi eryankoba mu lulimi Oluheburayi liti: ‘Saulo, Saulo! Lwaki onkiriga? Niiwe oweerumya mwene okusamba ekiti ekisongovu.’

Ebikolwa by'Abatume 27:23

kuba obwire obwabise malaika wa Katonda wange ye mpeereza yayemereire ghe ndi

Ebikolwa by'Abatume 9:15

Musengwa yaakoba Anania ati: “Ja, kuba oyo nze mmwerondeire okumanhisa eriina lyange mu bamaghanga agandi, ni bakyabazinga, n'abantu ba Isiraeli.

Ab'e Roma 1:16

Amawulire Amalungi tigangemya nsoni, kuba n'amaani ga Katonda agalokola buli aikiriza, okusookera ku Bayudaaya memale oizeeku abamaghanga agandi.

Ab'e Roma 1:5

Ku lw'oyo, Katonda yampa omukisa ogw'okuba omutume olwa Kurisito. Nsobole okutuusa abantu abamaghanga goonagoona ku kwikiriza ni ku kuba abagonvu,

Ab'e Roma 1:9

Katonda n'omudhulizi nga bye nkoba bituufu, kuba oyo ye mpeereza n'omwoyo gwange gwonagwona nga nkobera abantu Amawulire Amalungi agagema ku Mwana we. Katonda oyo akiidhi nga buliidho mbaidhukira buli lwe nsaba,

Ab'e Roma 11:13

Mperaano ka mbakobere imwe abamaghanga agandi ekiseera kye nnaamala nga nkaali mutume waimwe ndidha kutanga mu mulimo gwange ekitiisa.

Ab'e Roma 15:16

okuba omugheereza we mu bamaghanga agandi. Nkola omulimo ogw'obwakabona nga nkobera abantu Amawulire Amalungi agava ewa Katonda, abamaghanga agandi babe ng'ekirabo ky'asiima nga kitukuziibwa Mwoyo Mutukuvu.

Ab'e Roma 15:29

Bwe ndiidha, ndidhi nga ndiidha n'emikisa gya Kurisito gyonagyona.

Ab'e Roma 16:18

kuba abantu abakola ebintu oti n'ebyo tibagheereza Musengwa waife Kurisito aye bakolerera nda dhaibwe. Bakozesa ebibono ebinhoonha era ebisaakiriza, baaguya abantu abazira kabi.

Ab'e Roma 16:25

Ka tusaake Katonda oyo asobola okubagha amaani mu kwikiriza agava mu Mawulire Amalungi agagema ku Yesu Kurisito ge nkobera abantu. Ekyo n'ekyama ekyagisibwa okuva eira n'eira.

1 Ab'e Korintho 1:1

Ninze Paulo, eyayetebwa olw'okwenda kwa Katonda, okuba omutume wa Kurisito Yesu, n'owoluganda Sosithene.

1 Ab'e Korintho 9:1

Tiri wa idembe? Tiri mutume? Tyabona Yesu Musengwa waife? Imwe timwava mu mulimo gwe nakolera Musengwa waife?

2 Ab'e Korintho 1:1

Ninze Paulo eyafuuka omutume wa Kurisito Yesu olw'okwenda kwa Katonda, n'owoluganda Timotheo. Tughandiikira Ekikunsu eky'Abaikiriza mu Kurisito ekya Katonda mu Korintho, n'abatuukirivu boonaboona abali mu Akaia yoonayoona.

2 Ab'e Korintho 11:5

Tirowooza nti abo be mweta okuba abatume abakulu einho ghaligho kye bansinga naire.

2 Ab'e Korintho 11:7

Bwe nabakobera Amawulire Amalungi aga Katonda tyabasasuza kintu kyonakyona. Neefeebya imwe mugheebwe ekifo ekya ghaigulu. Ekyo nakola kibi?

2 Ab'e Korintho 12:11

Ndi oti musiru aye niimwe mundeeteire okuba ntyo, kuba mbaire ngwaniire okusaakibwa imwe. Waire tiri kintu, abo be mweta okuba abatume abakulu einho ghazira ni kye bansingamu naire.

2 Ab'e Korintho 2:12

Bwe natuuka mu Turoa okukobera abantu Amawulire Amalungi aga Kurisito, nayagaana nga Musengwa ampaire omukisa ogw'okumukolerayo omulimo.

2 Ab'e Korintho 4:5

Ife titweyogeraku beene aye tukobera abantu tuti Yesu Kurisito ni Musengwa, era nga ife tuli bagheereza baimwe olwa Yesu.

Ab'e Galatia 1:1

Ninze Paulo omutume, obutume buno tibwampeebwa muntu waire okubisibwa mu muntu, aye bwampeebwa Yesu Kurisito mwene, ni Katonda Lata waife eyamuzuukiza.

Ab'Efeso 1:1

Ninze Paulo omutume wa Kurisito Yesu eyafuuka omutume olw'okwenda kwa Katonda. Mpandiikira abatuukirivu boonaboona abali mu Efeso, abaikiriza mu Kurisito Yesu.

Ab'Efeso 1:13

Era mu Kurisito oyo, n'imwe mwena abaawulira ekibono eky'amazima eky'Amawulire Amalungi ag'okulokolebwa kwaimwe era ni mwikiriza Kurisito, Katonda yabasibaku akamanhiso ng'abagha Mwoyo Mutukuvu ye yasuubiza.

Ab'Efeso 4:11

Era n'oyo eyagha abandi okuba abatume, abandi okuba abalanzi, abandi okukobera abantu Amawulire Amalungi, abandi okulabirira abantu ba Katonda, n'abandi okuba abeegeresa.

Amateeka Agokubiri 10:8

Mu biseera ebyo Musengwa Katonda yaayawula ab'ekika kya Levi okubbeedanga Esanduuku ey'Endagaano ye, n'okumugheerezanga, n'okughanga abantu enkabi mu liina lye. Egyo n'emirimo gyaibwe n'okutuusa mpegaano.

Ab'e Filippi 1:1

Ninze Paulo ni Timotheo abagheereza ba Kurisito Yesu. Tughandiikiire abatuukirivu boonaboona abaisa ekirala mu Kurisito Yesu abali e Filippi, n'abalabirizi n'abagheereza.

Ab'e Filippi 2:11

Era kiisi lulimi lwatule luti: Yesu Kurisito ni Musengwa. Olwo Katonda era Lata agheebwe ekitiisa.”

Ab'e Kolosai 1:1

Ninze Paulo omutume wa Kurisito Yesu olw'okwenda kwa Katonda, aghalala n'owoluganda Timotheo.

Ab'e Kolosai 1:25

Katonda yanfuula omugheereza ow'ekikunsu kino ku lwaimwe mbaleetere ekibono kye mu bwidhuvu.

1 Ab'e Thessalonika 2:2

Waire twali tumaze okudaazibwadaazibwa era n'okuswazibwaswazibwa bwe twali e Filippi, nga bwe mwidhi, twaguma ku lwa Katonda waife twabakobera Amawulire ge Amalungi mu kutakanizibwa okunene.

1 Ab'e Thessalonika 2:8

Kale nga bwe twabagonza einho, nga titusobola kukanga ku kubagha Mawulire Malungi aga Katonda gonka, aye era n'okubeegha ife beene, kuba mwali badingu ye tuli.

1 Ab'e Thessalonika 2:9

Aboluganda, mwidhukira bwe twakolanga nga tufaabiikana omusana n'obwire, tulobe kukaluubiriza muntu yeenayeena ku imwe nga tubakobera Amawulire Amalungi aga Katonda.

1 Timotheo 1:1

Ninze Paulo omutume wa Kurisito Yesu, olw'ekiragiro kya Katonda Omulokozi waife, n'ekya Kurisito Yesu ye tulimu n'eisuubi.

1 Timotheo 2:7

Era ekyo n'ekyanteesaagho mbe omutume era omwegeresa ow'abamaghanga agandi, mbakobere eby'okwikiriza n'eby'amazima. Ndi kwogera mazima, tiri kuguya.

2 Timotheo 1:11

Nalondebwa okukobera abantu Amawulire Amalungi ng'omutume era omwegeresa,

Tito 1:1

Ninze Paulo omugheereza wa Katonda era omutume wa Yesu Kurisito. Natumibwa okugaziya okwikiriza okw'abantu ba Katonda abalonde, n'okubamanhisa amazima ag'endhikiriza etya Katonda,

Abaheburayi 5:4

Era omuntu tasobola kwegha mwene kitiisa ekyo kya kuba Kabona Mukulu. Aye ayetebwa bwetebwe Katonda ng'oti ni Aaroni bwe yayetebwa.

Abaheburayi 7:26

Kyali kituufu tube n'Omukulu wa Bakabona ali atyo omutukuvu, aziraku musango, aziraku kimyamya, eyayawulwa okuva ku babi, era Katonda ye yagulumiza mu igulu.

Yakobo 1:1

Ninze Yakobo omugheereza wa Katonda, era owa Musengwa Yesu Kurisito. Mpandiikira ebika eikumi n'ebibiri ebisansaaniire woonawoona. Mbalamwisa inho.

1 Petero 4:17

Ekiseera eky'okusalirwa omusango kituuse era abantu ba Katonda beene n'abaja okusooka okusalirwa. Kale oba nga aja kusooka n'ife, memale leero kiriba kitya n'abo abaloba okuwulira Amawulire Amalungi agava ye Katonda?

2 Petero 1:1

Ninze Simoni Petero omugheereza era omutume wa Yesu Kurisito. Mpandiikira abo abaafuna okwikiriza okuli ng'oti n'okwaife, olw'obutuufu bwa Katonda waife era Omulokozi waife Yesu Kurisito.

Yuda 1:1

Ninze Yuda omugheereza wa Yesu Kurisito era muganda wa Yakobo. Mpandiikira abo abaayetebwa abagonzi ba Katonda Lata, era abakuumibwa Yesu Kurisito.

Okwolekebwa 1:1

Bino n'ebintu Yesu Kurisito bye yayoleka abagheereza be. Ebintu bino nga biri n'okubaagho amangu. Kurisito yatuma malaika we yaabimanhisa omugheereza we Yoanne.

Okwolekebwa 22:6

Era malaika yankoba ati: “Ebibono bino bituufu era bya mazima. Musengwa Katonda oyo agha abalanzi Mwoyo we, atumye malaika we okulaga abagheereza be ebyo ebiri n'okubaagho amangu.”

Okwolekebwa 22:9

Aye yankoba ati: “Leka otageza kukola ekyo! Zeena ndi mugheereza mwino, ni baganda bo abalanzi era n'abo abagema ebibono ebiri mu kitabo kino. Katonda y'obe osinze.”